Gamlar myndir frá Sjómannadegi í Vm líklega frá 1957

 

Kristinn Sigurðsson skipstjóri og Slökkviliðsstjóri ásamt Ólafi Ólafsyni skipstjóra, 'Olafur var farsæll skipstjóri í tugi árra á Létti. þeir eru hér að sýna reykblys á Sjómannadaginn. Kristinn var mikill áhugamaður um öryggismál sjómanna og var formaður Björgunarfélags Vestmannaeyja í fjölda ára.

 

Þessi maður heitir Sigurvin Þorkelsson og er faðir Ásgeirs Sigurvinssonar fótboltakappa með meiru, hann er þarna að taka þátt í beitningarkeppni á Sjómannadaginn. Seinni myndin er af óþekktum manni ( ég þekki hann ekki)  og Gúmmíbjörgunarbát, en það var mjög vinsælt sýningaratriði  á sjómannadögum hér áður fyr að sýna hvernig Gúmmíbjörgunarbátar voru blásnir upp og menn klifruðu upp í þá.

Allar þessar myndir tók Friðrik Jesson líklega á Sjómannadaginn árið 1957.

kær kveðja SÞS

Huginn VE á síldveiðum inni í Vestmannaeyjahöfn og fl

                       

Huginn VE á síldveiðum inni í vestmannaeyjahöfn, Gullborgin að landa við Básaskersbryggju, Binni og Sjonni bilstjóri standa þarna á bryggjuni. Myndina hefur líklega Sigurgeir tekið. Þarna hefur Binni og áhöfn hans verið með góðan afla það sjáum við á því að panntaður hefur verið krani til löndunar og örugglega hefur Högni verið kranastjóri.

Kær kveðja SÞS

Klukkaður af Bloggvini Helga Þór

  Ég tek áskorun bloggvinar míns Helga þór sem klukkaði mig.

Fjögur störf sem ég hef unnið um ævina: Vélstjóri, stýrimaður, steypustöðvarstjóri, skipaskoðunarmaður.

Fjórar bíómyndir sem ég held upp á: Sigla himin fley, Með allt á hreinu, Nýtt líf, mama mía

Fjórir staðir sem ég hef búið á: Vestmannaeyjar, Reykjavík og Kópavogur

Fjórir sjónvarpsþættir sem mér líkar: Fréttir, Spaugstofan, Silfur Eigils, og Áramótaskaupið

Fjórir staðir sem ég hef heimsótt í fríum: Osló, Kanarý, Kaupmannahöfn, London

Fjórar síður sem ég skoða daglega fyrir utan blogg: Mbl. Vísir, Rúv, eyjar net

Fernt sem ég held uppá matarkins: Hamborgarahryggur, humar, ýsa Nautasteik að hætti Gríms kokk.

Fjórar bækur sem ég hef lesið oft: Þrautgóðir á raunarstund, Að elska er að lifa, innbundin Sjómannadagsblöð Vestmannaeyja, ljóðabækur.

Fjórir bloggarar sem ég ætla að Klukka: Sigurður Jónsson, Gísli Gíslason,Gísli Friðrik Ágústsson, Guðjón H. Finnbogason.

Fjórir staðir sem ég vildi helst vera á núna: Kanarý, Árhus, Austurríki, heima hjá mér.

Kær kveðja SÞS

Á Friðarhafnarbryggju og fl.

         

Menn á trébryggjunni í Friðarhöfn Guðni Grímsson skipstjóri í dökku peysunni hann var  útgerðarmaður á Maggi VE 111, vantar nafnið á hinum manninum. Báturinn er Maggí VE 111 við Friðarhafnarbryggju. Takið eftir kistu á stýrishúsi, í henni var geymdur gúmmíbjörgunarbáturinn,ekki beint aðgengilegur, ekki einu sinni handrið á stýrishúsþakinu. Líklega er stigi aftan á stýrishúsinu til að komast upp á stýrishúsþak og að kistu með gúmmíbjörgunarbátnum. 

 Blöðruskotinn V 101 á hlaðinu við Helgafellsbraur 31.

kær kveðja SÞS

Það er gaman að gömlum myndum

 

 Geirþrúður Sigurðardóttir (Geira) Nýjabæ  og Sveinbjörg Sóphanísdóttit (Denna ) systir Soffíu.  mynd 2. Óskar Sigurðsson Hvassafelli og Haraldur Hannesson skipstjóri ( Halli á Baldri)

 

 Sighvatur Bjarnason skipstjóri og útgerðarmaður og Jón Sighvatsson sonur hans.

Kær kveðja SÞS

Fyrsti vísir að hljómsveit SÓ í Vestmannaeyjum.

Danshljómsveit Sigurðar Óskarssonar var óhemju vinsaæl hljómsveit á sínum tíma, Hún spilaði í Alþíðuhúsinu og Höllinni og auk þess á Hótel HB og uppi á landi.  Á þessari mynd má sjá fyrsta vísir að hljómsveitinni. Myndin er tekinn í stofunni heima hjá Sigurði Óskarsyni ( SÓ) að Helgafellsbraut 31 en þar æfðu þessir strákar sig á þessi hljóðfæri.

 

Hljómsveitarmeðlimir Þráinn Alfreðsson píanó, Þórarinn Sigurðsson (Tóti rafvirki) trompet, Sigurður Óskarsson trommur, Kjartan Tómarsson gítar.  

Seinni myndin: Friðrik  Óskarsson bróðir Sigga, Stefán Geir Gunnarsson og Sigurður Óskarsson.

Kær kveðja SÞS

Ljóð úr vasabók Soffíu á Hvassafelli

  

Soffía Sophaníasdottir.    Hjónin Soffía og Óskar Sigurðsson ( d. 1969) Hvassafelli

 Húsið Hvassafell við Helgafellsbraut í Vestmannaeyjum.

Soffía Sophaníasdóttir  tengdamóðir mín var fábær kona( lést 5. ágúst 1985), hún hafði gaman af ljóðum og átti mikið af ljóðabókum sjálf sem hún las sér til ánægju og skemmtunar. Hún vitnaði stundum í þau ljóð sem henni fannst vera góð og eftirtektarverð.  Hluta af þessum bókum hef ég nú undir höndum og les stundum þegar færi gefst. Soffía átti einnig litla vasabók sem hún safnaði saman sínum uppáhalds vísum og ljóðum. Mig langar að setja hér á bloggið mitt sýnishorn úr þessari litlu vasabók.

Við skulum ætíð verkin vinna

vera í hverju starfi trú,

og sigurgleði síðar finna.

Í sameiningu ég og þú.

       (Sólveig frá Niku)

-----------------------------------

Brostu þar til brestur hjarta

brostu gegnum húmið svarta.

Brosið eykur birtu og þrótt

brosið lýsir dimma nótt.

  ( Herdís Þorsteinsdóttir  frá Vík)

--------------------------------------

Minni stýra má ég hönd

og matinn niður skera.

Þó mér finnist öll mín önd

Annars staðar vera.

                 HE

-------------------------------------

Forlög koma ofan að

örlög kringum sveima.

Álögin úr ýmsum stað

en ólög fæðast heima.

               Páll V

-------------------------------------

Öll sæla er gleði hins góða

hún gerir að höll hvert kot,

án hennar er auður hismi

og hreysi hvert konungsslot.

                           EB

-------------------------------------

Vonin gefur veikum þrótt

vonin kvíða hrindir

vonin hverja vökunótt

vona ljósum kyndir.

-----------------------------------

Er hins fagra ég eitt sinn naut

í orðum þínum hlýjum,

fannst mér sólin finna braut

fram úr þrumuskýjum.

      EMJ

--------------------------------------

Tíminn vinnur aldrei á

elstu kynningunni

ellin finnur ylinn frá

æskuminningunni.

  (Jón S Bergmann)

-------------------------------

Áður en blaðið endað hef

ætla ég þess að minnast,

að betra er símtal, betra er bréf

En best er þó að finnast.

              (Sigr. G. Jónsd.)

-------------------------------

Ljósanótt 2008 í Reykjanesbæ

 Þeð er skemmtilegt að fara til Keflavíkur á Ljósanóttsdögum, þar hittir maður mikið af Vestmannaeyingum, skoðar ýmsar sýningar sem þetta árið voru þær bestu sem hafa verið gegnum árin. Þar sem maður hefur kannski mest gaman af að skoða eru skipslíkönin í Dushúsi, maður fær aldrei leið á að skoða þau þó maður fari á það safn mörgum sinnum á ári.

 

 Á þessari fyrstu mynd er Hildingur VE 3 þennann bát lét Helgi Ben smíða og var hann gerður út frá Vestmannaeyjum í mörg ár og mig minnir að Kristinn pabbi Óla hafnarstjóra í Eyjum hafi verið með hann fyrstu árinn, annar eins bátur var einnig smíðaður fyrir Helga Ben og hét sá bátur Frosti VE og var Ingólfur Matthíasson skipstjóri á honum.

 

Þessar myndir eru af heimili  Siggu tröllskessu og tröllskessunni sjálfri, það er virkilega gaman að skoða þetta risastóra rúm, borð og skessuna sjálfa. Þessir Ljósanóttsdagar eru virkilega þess virði að koma og heimsækja Reykjanesbæ. Takk fyrir góða skemmtun í Reykjanesbæ

    

Á þessaum myndum sést vel stærðin á rúminu og skessunni.

kær veðja SÞS

Ófeigur II. VE ísaður

Ófeigur II ísaður á vetrarvertíð í Eyjum Óli í Skuld ( Ólafur Sigurðsson skipstjóri lést 1969) í stýrishúsglugganum. Eftirfarandi upplýsingar fékk ég frá vini mínum Þórarinn Sig. :

Það er staðfest að þetta er Gísli Jónasar sem stendur á spjalli við mann á bryggunni sá er Ágúst á Aðalbóli pabbi Dengsa vörubílstjóra. Sigurgeir tók myndinakær kveðja SÞS.

 

Stefán og Guðmundur Jónassynir og Hannes Andresson

  

Hannes Andresson Holti fæddur 1946 var skólabróðir minn hann fórst með Þráinn NK í nóvember 1968,  með bátnum fórust margir ungir Eyjamenn. Seinni myndin er af bræðrunum Stefáni og Guðmundi Jónassonum frá Landakoti.

kær kveðja SÞS