Er ekki komið nóg

Er ekki komið nóg af neikvæðum fréttum af þessu fólki :-(

Þarf mbl.is að koma svona bull fréttum að á þessum tímum.

Sigmundur: Anna vildi ekki út í geim

Öryggismál og slysavarnir í höfnum.

Öryggismál og slysavarnir.

Alvarlegt slys varð við bæjarlækinn í Hafnarfirði um miðjan apríl á siðast liðnu ári þar sem tveir ungir drengir voru hætt komnir eftir að hafa lent í fossi við stíflu sem er við lækinn. það slys fékk sem betur fer góðan endi, sem vonandi hefur orðið til þess að öryggi við lækinn hefur verðið bætt.

Mig langar vinsamlegast í framhaldi af umræðu sem þá varð um slysavarnir í Hafnarfirði að benda á eitt öryggisatriði sem nauðsynlega þarf að bæta við höfnina, en fyrst nokkur orð um slysavarnir í höfnum.

Með slysavörnum er átt við öryggisbúnað sem miðar að því að koma í veg fyrir slys og nota má til bjargar þeim sem fyrir óhöppum verða við hafnir. Til öryggisbúnaðar og slysavarna teljast bryggjustigar, bjarghringir, Björgvinsbelti, Markúsarnet, krókstjakar, lýsing á hafnarsvæðum, hlið og girðingar, gulmálaðir bryggjukantar og ýmislegt fleira. Vinnueftirlitið skoðar löndunarkrana einu sinni á ári.

Á bryggjum Hafnarfjarðar er björgunarbúnaður sem skylda er að hafa í nokkuð góðu lagi, en stigar eru ekki útbúnir samkvæmt reglum. Góðir bryggjustigar eru mikið öryggisatriði fyrir sjómenn, þessir stigar eiga samkvæmt reglum að vera með ljósi til að lýsa upp stigann í myrkri og slæmu skyggni, svo hann sjáist betur á hann að vera málaður innan með áberandi sérstökum lit.

Á Óseyrarbryggju sem er vinsæll stangveiðistaður barna og fullorðinna eru bryggjustigar sumir hverjir með ljósastæði en engin ljós eru á þeim, og stigarnir eru ekki málaðir eins og reglur segja til um. Þá má benda á að á Norðurbakkanum er einnig vinsælt að veiða á stöng og þar er góður vinsæll útsýnisstaður yfir höfnina, þar eru stigar ekki merktir og ekki í þeim ljós, en vel hugsað um öryggisbúnaðinn á sjálfri bryggjunni.

Áberandi vel málaðir stigar með ljósum hafa bjargað mönnum sem hafa fallið í hafnir í myrkri og slæmu skyggni, en það er ekki síður mikilvægt að hafa stiga áberandi málaða að degi til, þannig að ef menn falla í sjóinn þá sjái þeir strax hvar stigi er við bryggjukantinn, hver mínúta skiptir máli fyrir mann sem lendir í ísköldum sjó.

Þó reglur gildi um öryggisbúnað hafna, þá er það lágmarkskröfur, ekkert mælir á móti því að hafnarstjórnir bæti við öryggisbúnaði ef þær telja það bæti öryggi við höfnina. Eitt atriði sem nokkrar hafnir hafa tekið upp og eykur öryggi barna sem eru á bryggjunni. Þessar hafnir eru með björgunarvesti hjá hafnarvörðum eða í sérstökum merktum kassa á bryggjunni sem börn og unglingar geta gengið í þegar þeir eru við veiðar eða annara erinda á bryggjunni. Þetta er til fyrirmyndar og kennir börnum að meta og nota þennan sjálfsagða og einfalda öryggisbúnað.

Miklu máli skiptir að allir sem erindi eiga niður að höfn kynni sér hvar öryggisbúnað er að finna og hvernig eigi að nota hann ef óhöpp verða.

Sigmar Þór Sveinbjörnsson.

Áhugamaður um öryggismál

Reykjavíkurhöfn, alltaf eithvað nýtt að sjá :-)

Kveðja flutt í kveðjusamsæti

Kveðja flutt í kveðjusamsæti er haldið var fulltrúm á iðnþingi í Vestmannaeyjum 1947.

Reisum hallir, byggjum báta,
brúum fljót og ár,
smíðum stóla, borð og bekki,
benzlum segl við rár.
Eldum stálið, úr því mótum
allt, sem nota þarf,
látum standa föstum fótum
faglegt tæknistarf.
-
Úr ritinu Gamalt og nýtt sem Einar Sigurðsson gaf út 1949.

Heimaklettur

Heimaklettur eftir Sigurbjörn Á Benónýsson

Heimaklettur

Heimaklettur hátt þú rís
hrauns með gretta dranga.
Högg þér réttir hrannadís,
hörð og þétt á vanga.

Þú mátt brjóta stormastál
straumum móti gnafinn,
spyrna fótum Atlants-ál,
ölduróti kafinn.

Margra alda rún við rún
ristur gjaldameginn.
Upp í kaldann beitir brún,
bárufaldi þveginn.


Þegar hríma hret á kinn,
hreggið hvín á skalla.
Norðri krýnir konunginn
köldu líni mjalla.

Þú ert bundinn ár og öld
út hjá sundi og vogum.
Mörg er stundin krapaköld
kólgu undir sogum.

Þó að megin Ránar rót
rjúki um vegu alla,
ei þú sveigir undan hót
eða hneigir skalla.

Oft þó mæti gaman grátt,
gleði bætur lánar,
að um fætur þína þrátt
þreifa dætur Ránar.

Enn þú býður birginn einn
brögðum Víðisfalla,
sterkur, fríður, hár og hreinn,
höfuðprýði fjalla.

Til þín varma vorið nær,
vetrar armlög dvína,
sólarbjarma bylgjum þvær
brjóst og hvarma þína.

Hafs að veldi hnígur sól,
hún þér geldur bætur,
dags að kveldi býr þitt ból
breiðum feldi nætur.

Ei er boðin hvíla köld,
klettagoða hlýnar,
aftanroði og árdags tjöld
eru voðir þínar.

Drauma vær er vaggan hlý,
vekur blær ei sæinn,
líf þó fæðist æðar í
undir skæran daginn.

Skugga- armur færist fjær.
Frjóvs með varma sínum
morgunbjarma blærinn þvær
blund af hvarmi þínum.

Nóttin greiðir göngu frá,
gefinn eyðist frestur.
Röðull heiðum himni á
hraðar skeiði vestur.

Þó að landinn leggist nár
lífs á strandi grafinn,
þú munt standa eilíf ár
Ægisbandi vafinn.

Heimaklettur er eftir Sveinbjörn Á. Benónýsson en hann hefur gert mörg falleg ljóð og vísur um Eyjarnar og um fólkið sem þar hefur búið. Ég skrifaði þetta upp úr mánaðarritinu Gamalt og nýtt frá nóvember 1949.

Varðskipið Óðinn Í Eyjum

Vinnugleði vísa eftir Brynjólf Einarsson

Vinnugleði.

Þó menn striti þétt og jafnt,
þurrki út dags og næturskil,
verður alltaf eitthvað samt
ógert sem mann langar til.

Brynjólfur Einarsson

Þórunn Sveinsdóttir VE ísuð

 

 

 

 

 

 

 

 

 

 

 

 

 Myndirnar tók ég fyrir nokkuð mörgum árum, þegar skipið kom ísað til heimahafnar í Eyjum.

 

RÚV Kastljós. Handsylgjur við gúmmíbjörgunarbáta

RÚV Kastljós. Handsylgjur við Gúmmíbjörgunarbáta.

RUV Kastljós hefur sýnt öryggismálum sjómanna mikinn áhuga á síðustu mánuðum, sérstaklega slysinu á mb. Jóni Hákoni BA 60. Síðast tók Kastljósið fyrir handsylgjur og festingar gúmmíbjörgunarbáta, sem var þörf ábending og má þakka Helga Seljan fyrir að vekja menn til umhugsunar um þessi mál. Birtar voru myndir af sylgjum sem voru vafðar fastar með plastböndum og síðan sett yfir drag plastbönd svo ekki var möguleiki að opna sylgjuna og losa gúmmíbátinn á neyðarstundu nema hafa við hendina beittan hníf eða klippur. Þetta var við svonefndan KN búnað sem er mikið notaður á farþegaskip og minni báta sem ekki eru skyldaðir til að vera með losunar og sjósetningarbúnað. Þeir sjómenn sem ganga þannig frá öryggisbúnaði á skipi sínu, reikna ekki með að þurfa að nota hann.

Það sem mig langaði að benda á, er að einnig var sýnd sylgja sem var bara með einu plastdragbandi og þá var einnig rætt um að ekki mætti setja teipband á sylgjurnar. Sem gamalreyndur skipaskoðunarmaður vil ég upplýsa að það hefur verið leyft að setja einn eða tvo vafninga af teypi og eða eitt dragplastband ef sjómenn hafa talið það nauðsynlegt.

Sjálfur hef ég prófað að opna sylgjur þannig frágegnar og það var lítið mál að slíta bæði teipið og eða bandið ef það er rétt sett á sylgjuna. Sjómenn hafa gert þetta vegna þess að sylgjur eiga það til að opnast ef sjór kemst að þeim og skipstjórnarmenn á farþega bátum hafa verið hræddir við að farþegar opni sylgjur í ógáti, þess vegna hafa þeir viljað hafa þetta öryggi á sylgjunum.

Mig langar að segja hér frá tilraun með handsylgjur sem gerðar voru á vegum Siglingastofnunar Íslands í júní 2008.

Prófanir á handsylgjum fyrir gúmmíbjörgunarbáta. Prófanir voru gerðar á handsylgjum sem ætlaðar eru fyrir gúmmíbáta minni skipa. Tvær af þrem sylgjum sem notaðar voru í tilrauninni voru með viðurkenningar, önnur frá Vélaverkstæðinu þór ehf notað við Sigmundbúnað hún er úr járni og hin frá Ístek notuð við Olsenbúnað, hún er gerð úr áli. Þriðja sylgjan var af gerðinni Hammar hún er úr járni og splittuð við svokallaðan Hammar sjálfvirkan losunarbúnað. Tilraunin var gerð í frystiklefa hjá fyrirtækinu Hamrafell. Þessum sylgjum var öllum fest á bretti og þannig komið fyrir að líkt var eftir því hvernig gengið er frá þeim við gúmmíbjörgunarbáta. (sjá myndir)

Lýsing á tilraun. Brettinu var síðan komið fyrir í frystiklefa og sylgjurnar látnar kólna í einn klukkutíma, þá var byrjað að úða yfir sylgjurnar vatni með sérstökum úðabrúsa. Reynt var að setja jafnt magn af vatni á hverja sylgju fyrir sig í hvert skipti sem úðað var þannig að ísing væri sem jöfnust.

Greinilegt var að á eldri sylgjur kom minni ísing til að byrja með, það var eins og vatnið toldi illa á þeim, aftur á móti byrjaði strax að hlaðast ísing á nýju Hammar sylgjuna og virtist það vera vegna þess að bandið sem fylgir Hammar losunarbúnaðinum og liggur með sylgunni báðu meginn virðist taka mun meira í sig raka og þar með ísingu. Þegar komin var nokkra mm ísing á allar sylgjurnar fór ísing að koma jafnar á þær. Í fimm daga fór ég nokkrum sinnum á dag til að úða yfir sylgjurnar og þann 11. júní þótti kominn nægur ís á þær til að prófa að losa þær.

Prófun framkvæmd. 1. Sylgja frá Vélaverkstæðinu Þór var fyrst prófuð og gekk vel að opna var lítil fyrirstaða þar sem ís brotnaði við átakið.

2. Sylgja frá Ístek var næst prófuð og gekk einnig vel að opna hana var lítil fyrirstaða þar sem ís brotnaði við átakið.

3. Þá var reynt að opna Hammar sylguna en til að geta gert það þurfti fyrst að ná úr splitti sem heldur henni saman, það reyndist ekki hægt að ná því úr þar sem það var ísað og gulur plast borði sem vísar á splittið slitnaði þegar tekið var í hann. Reynt var að brjóta ísin með höndum en tókst ekki. Þá var notaður barefli til að brjóta ísinn frá splittinu og náðist þá splittið úr. Þá var reynt að opna sylgjuna með eins miklu átaki og hægt var en hún reyndist frosin föst.

Ekki reyndist unt að opna sylgu fyrr en búið var að brjóta ísin af henni með barefli. Það er því ljóst að Hammarsylgjan þolir ekki ísingu eins og hinar sylgjurnar.

4. Eftir þessar prófanir var þykkt á ís mældur og mældist 10 til 14 mm. Þó var á einstaka stöðum meiri þykkt sem safnast hafði á sylgjurnar. Nokkrar myndir voru teknar á meðan á tilraunum stóð og fylgja þær þessari skýrslu. Við lokaprófun voru viðstaddir: Árni Friðriksson deildarstjóri SÍ og undirritaður.

Kópavogi 11. júní 2008

Sigmar Þór Sveinbjörnsson skipaskoðunarmaður.