Kristbjörg VE 70

 

Kristbjörg VE 70 við Básaskersbryggju í Vestmannaeyjum. Eigandi Sveinn Hjörleifsson skipstjóri og útgerðarmaður. 

Myndina tók ég árið 1960  þegar hún kom ný til landsins frá Noregi.

Mig minnir að þegar skipið kom hafi verið búið að steina niður þorskanet á storar kerrur og það beið á bryggunni. 

Frumkvöðlastarf og menntun á Íslandi

 

Það er fróðlegt að lesa þetta nú árið 2010 hvernig háskólamentaða fólkið metur stöðuna hvað varðar frumkvöðlastarf á Íslandi árið 2006, ég náði í þetta á Háskólavefnum. Það er spurnig, Þurfum við að leggja ofuráherslu á háskólamentun og útskrifa meira af háskólamenntuðu fólki, þarf ekki að huga betur að verkmentun á Íslandi ? Er ekki sjávarútvegur, landbúnaður og íslenskur iðnaður að hjálpa okkur mest nú í kreppuni. Ég tek það fram að ég er ekki á móti góðri menntun, en eins og segir hér hér að neðan í kaflanum; Hver eru skilaboð skýrslunnar : "Menntun er arðsamasta fjárfestingin fyrir stjórnvöld og best er ef menntastefna og atvinnustefna fer saman". Þetta hefur því miður ekki verið þannig á síðustu árum.

Kær kveðja SÞS

Þessi grein birtist í Viðskiptablaðinu þann 17. maí 2006

Þurfum að fjölga verulega háskólanemum á næstu árum

Fjöldi háskólanema á Íslandi hefur tvöfaldast á einum áratug, en við erum þó langt á eftir öðrum löndum hvað varðar fjölda þeirra sem hafa háskólamenntun.  Að sumu leyti erum við eins og vanþróuðu ríkin hvað það varðar að frumkvöðlastarf er mikið, en menntun ekki nægilega mikil.  Það eru auðvitað neikvæðu fréttirnar.

Margar athyglisverðar niðurstöður er að finna í skýrslunni að þessu sinni. Þessar má telja á meðal þeirra helstu:

• Árið 2005 mældust um 10,7% þjóðarinnar á aldrinum 18-64 ára stunda frumkvöðlastarfsemi, eða um það bil 20 þúsund manns.
• Umfang frumkvöðlastarfsemi á Íslandi árið 2005 var meira en í flestum öðrum löndum í heiminum. Það var nokkuð meira en í hátekjulöndunum í heild, talsvert meira en á öðrum Norðurlöndum (að Noregi undanskildum) en sambærilegt við Bandaríkin.
• Íslendingar á aldrinum 35-44 ára eru líklegri en aðrir landsmenn til að stunda frumkvöðlastarfsemi og er þriðjungur þeirra sem stundar hana á því aldursbili.
• Karlar eru meira en tvöfalt líklegri en konur til að stunda frumkvöðlastarfsemi
• Einstaklingar sem hafa lokið framhaldsskólaprófi eru líklegri til að stunda frumkvöðlastarfsemi en bæði þeir sem eiga því ólokið og þeir sem hafa lokið háskólaprófi.

·        Sláandi lágt hlutfall þeirra sem stunda frumkvöðlastarfsemi á Íslandi hefur lokið háskólaprófi í samanburði við önnur hátekjulönd.

• Frumkvöðlastarfsemi á Íslandi tilheyrir í fæstum tilfellum þekkingariðnaði. Rúmlega helmingur tilheyrir frumatvinnuvegunum ásamt iðnaði og samgöngum. Tæplega fimmtungur starfseminnar er á sviði fyrirtækjaþjónustu og um 17% byggir á tækniþekkingu stofnenda.
• Meira en helmingur þjóðarinnar telur sig að einhverju leyti búa yfir þeirri færni sem þarf til þess að stunda frumkvöðlastarfsemi.
• Það er mat sérfræðinga að núverandi staða hvað varðar menntun og þjálfun, verkefni á vegum hins opinbera, útbreiðslu rannsóknar- og þróunarstarfs og fjármögnunar hindri frumkvöðlastarfsemi á Íslandi.
• Sérfræðingar meta fjármögnun sem mesta veikleikann í umhverfi frumkvöðlastarfsemi á Íslandi. Þó að auðvelt sé að fá lánsfjármagn er áhættufjármagn af mjög skornum skammti. Aðgangur að framtaksfjármagni er sérstaklega takmarkaður og það kemur niður á nýskapandi fyrirtækjum og fyrirtækjum með mikla vaxtarmöguleika.

Hver eru skilaboð skýrslunnar?

Það eru ýmsar ályktanir sem má draga af þessu og við þurfum að leiða hugann að.  Stóru skilaboðin eru þessi.  Við þurfum fleira háskólamenntað fólk til að geta aukið frumkvöðlastarfsemi og nýsköpun á Íslandi. 

• Það er ekki ástæða til að óttast ofmenntun fólks á Íslandi. Hátt atvinnustig hefur trúlega dregið fólk úr frumkvöðlastarfi í öruggari störf t.d. hjá stærri fyrirtækjum. Það gæti verið skýring á því að færri vilja ráðast í eigin frumkvöðlaverkefni.
• Það er skynsamlegt að fjölga menntafólki því það eykur ekki þenslu og verið er að fjárfesta til framtíðar. Menntun er arðsamasta fjárfestingin fyrir stjórnvöld og best er ef menntastefna og atvinnustefna fer saman.
• Það þarf að passa vel upp á það að við fáum vel menntaða Íslendinga erlendis frá aftur til baka til landsins. Það er ekki víst að gott samfélag og náttúra landsins dugi, ef önnur skilyrði eru ekki í lagi. Þar spilar menning, listir og almennt hin svokölluðu óefnislegu lífsgæði miklu máli.
• Það er ekki nauðsynlegt að allir stofni ný fyrirtæki eða þrói nýjar vörur eða þjónustu. Gæði frekar en magn skiptir meira máli. Það er einnig mikils virði að þróa ný afbrigði af þekktri vöru eða þjónustu m.a. til að bæta það sem fyrir er, lækka verð eða auka þjónustu.
• Um 70-90% af öllum nýsköpunarfyrirtækjum eða frumkvöðlaverkefnum mistakast. Það er löngu vitað að stærsti hluti tilrauna á þessu sviði mistakast og mikilvægt að þetta sé öllum ljóst. Það er heldur ekki eðli allra að vera frumkvöðlar. Það þarf því að fara varlega í að hvetja alla í að stofna ný fyrirtæki eða taka mikla áhættu strax að loknu námi. Aðalatriðið er að fólk kunni það og geri sér grein fyrir tækifærunum en einnig áhættunni. Getur verið að konur séu skynsamari en karlar í þessum málum?
• Erlend þekkingarfyrirtæki eru að bjóða í okkar fólk. Ég þekki fjölmörg dæmi um þetta og við Íslendingar verðum að átta okkur á því að það er alþjóðleg samkeppni um fólk og þekkingu þess. Meðan við keppum um að fá stóriðjufyrirtæki eru aðrir að keppa um að ná fólki til að byggja upp þekkingarfyrirtæki nýja hagkerfisins.

Í þekkingarþjóðfélagi þessarar aldar verða ekki mörk á milli fræðigreina.  Við þurfum að tileinka okkur þverfaglega hugsun og mikla nýsköpun.  Gott dæmi um það er hvað nemendur í Listaháskóla Íslands eru að sýna þessa dagana í Listasafni Reykjavíkur og hvernig Andri Snær Magnason hefur náð að hafa meiri áhrif á þjóðina í þessu efni en nokkur stjórnmálaleiðtogi undanfarinna ára. Viðskipti, listir, menning, náttúra landsins, hugvit og sköpun eru að tengjast nánum böndum.  Nýsköpun og frumkvöðlastarf tengist nánast öllum greinum.  Það mun skila okkur langt ef við náum að nýta þá auðlind sem mikilvægari er öllum öðrum þ.e. hugvitið. 

þessar upplýsingar eru teknar af Háskólavef

Nýjar myndir frá Bakkafjöru

Hér koma alveg glænýjar myndir frá Bakkafjöru þegar Herjólfur siglldi þarna upp að Bakkafjöruhöfn í fyrradag, ölduhæð á þessum tíma var um það bil 2,5 m að ég held  og suðaustanátt. Á fyrstu mynd sést inn um hálft hafnarmynnið en staurarnir sem standa þarna upp úr eru við enda varnargarðsins.

 

Hér eru myndir af vinnuvélum og byggingakrönum á svæðinu

 

 

Hér sést á annari myndinni beint inn um hafnarminnið og innsiglingin, tekið skal fram að varnargarðarnir eru ekki nærri komnir í þá hæð sem þeir koma til með að vera.

 

Á síðustu myndinni sjást garðarnir og púströrið á Herjólfi.

Myndirnar tók Stefán Sigurðsson kokkur á Herjólfi, ég þakka honum kærlega fyrir að senda mér þessar myndir og leyfa mér að setja þær á bloggið mitt.

Kær kveðja SÞS

Góð mynd af fallegu skipi

Herjólfur í innsiglingunni í Þorlákshöfn, þetta er sérstaklega falleg mynd af skipinu.

 Myndina tók Ivar Gunnlaugsson skipstjóri á Herjóllfi.

 

Blíða og mikið brim við Eiðið

Ég hef áður hér á blogginu mínu sagt frá því að verið er að gera tilraunir í Siglingastofnun Íslands með höfn við Eiðið í Eyjum, þær tilraunir ganga nokkuð vel en eru ekki lokið, þannig að ekki eru komnar endanlegar niðurstöður af þessum tilraunum. Eitt af því sem rannsakað er við svona tilraunir er slæmt veðurfar sem hugsanlega getur komið á mannvirkin og þau verða að þola. 

Til gamans eru hér fjórar myndir frá Eiðinu í himinsins blíðu og í SV veðri eins og það gerist vest við Vestmannaeyjar.

Fyrstu tvær myndirnar tók undirritaður sumarið 2008 en því miður veit ég ekki hver tók þessar ótrúlegu brimmyndir.

 

 

 

 

 

 

 

 

 

 

 

 

 

 

 

 

 

 

 

 

Nýjar myndir frá Bakkafjöru

Arnór Páll Valdimarsson (Addi Palli)  hjá Flugfélagi Vestmannaeyja sendi mér þessar myndir í dag af framkvæmdum í Bakkafjöru, en þeim miðar vel og eru held ég á áætlun. Þakka ég Adda Palla vini mínum kærlega fyrir þessar myndir.

Á fyrstu tveimur myndunum má sjá varnargarðana og framkvæmdirnar úr lofti.

Þá er mynd af vestmannaeyingnum Ægir Pálssyni sem vinnur við Bakkafjöru sem gröfumaður.

 

 

 

 

 

Eins og sjá má á þessum myndum eru miklar framkvæmdir þarna í Bakkafjöru verið að  steypa stöpla undir þau mannvirki sem þarna eru að rísa í fjöruni. Maðurinn í gula gallanum með hjálminn er Helgi Gunnarsson verkstjóri á svæðinu, hann er Eyjamaður í húð og hár og brosmildur að vanda.

 

 

 

 

Útsýni úr glugga Kaffivagnsins

 

 Þessar myndir tók ég út um glugga á Kaffivagninum þegar ég kom þar í kaffi einhverntíma á síðasta ári.

 Það getur verið skemmtilegt að fara í kaffi og spjall í Kaffivagninn við Grandagarð eða í Grandakaffi við grandagarð. Á þessum stöðum hittir maður alltaf einhvern sem maður þekkir, oft eru þar Vestmannaeyingar eða menn sen verið hafa í Eyjum á vertíð hér áður fyr.

 

 

 

 

Sveinn Hjörleifsson skipstjóri

 

Sveinn Hjörleifsson skipstjóri og útgerðarmaður var oft kenndur við húsið Skálholt og einnig var hann þekktur undir nafninu Svenni á Krissunni. Hann var fæddur 1. ágúst 1027 d. 4. janúar 2004.

Frá árinu 1954 og þar til hann hætti sjómennsku var hann skipstjóri og útgerðarmaður á bátum sem allir báru nafnið Kristbjörg VE

 Myndin er tekin á Sjómannadaginn 1999.

 

Flugumferðarstjórar í ábyrgðarstarfi

Hvers vegna eru laun flugumferðastjóra svona góð eða mannsæmandi eins og haldið er fram ? Jú Það er einfaldlega vegna þess að þeir hafa barist fyrir sínum launum og átt frábæra samningamenn sem ekki er svo auðvelt að svínbeyja eins og gert er svo auðveldlega við allar samninganefndir láglaunafólks.  Flugumferðarstjórar bera mikla ábyrgð á öryggi okkar sem ferðast með flugvélum og það getur ekki hver sem er hlaupið í þeirra starf, þess vegna eru þeir með sæmileg laun og eiga fullann rétt á því.  

 Ég er viss um að Kristján Þór Júlíusson alþingismaður hefur mun meiri laun en flugumferðarstjórar  þó hann beri enga  ábyrgð í því starfi sem hann gegnir.

Ég sendi flugumferðarstjórum baráttukveðjur

Vill lög á flugumferðarstjóra

Nú væri gaman að vera á Tenerife

 

 Það væri gaman að vera á Tenerrife, en nú verður maður bara að lifa á góðu minningunum frá síðustu ferð. Myndirnar eru teknar í mars 2008 á Tenerife . Sigmar þór, Ómar, Sonja og Kolla.