Friðgeir Björgvinsson

Friðgeir Björgvinsson situr á beitustanpi. Mynd Árni frá Eiðum  

Sigurður á Eiðum

 Sigurður  á Eiðum í kaffihléi. Setið fyrir utan aðgerðarhús Víkings á pöllunum austan gamla Íshússins. Mynd Árni frá Eiðum

Í lúkarnum á Frá ve

Hér er mynd úr lúkarnum á frá VE þar sem menn eru örugglega í góðu spjalli. Þarna eru  t.f.v: Halldór, Ingvi Geir, Villum, Óskar skipstjóri á frá og Pétur. Skemmtileg mynd úr gömlu Sjómannadagsblaði Vestmannaeyja, mjög líklega frá Sigurgeir Jónassyni.. 

M.S. Garðar við bryggju á Siglufirði

M.S. Garðar við brggju á Siglufirði á síldarárunum. 

Á bryggjunni sitja feðgarnir Óskar Gíslason skipstjóri á Garðari og Gísli Magnússon. Það eru engin smásmíði þessir nótabátar sem eru í davíðum á sitthvorri síðu. Það hlítur að hafa verið töluverð vinna að sjósetja þá og ná þeim upp aftur. Myndin er úr gömlu Sjómannadagsblaði Vestmannaeyja. 

Guðjón Pálsson skipstjóri aflakóngur Vestmannaeyja 1975

Guðmundur Ingi Guðmundsson skipstjóri skrifaði góða grein um Guðjón í Sjómannadagsblað Vestmannaeyja 1988. 

Guðjón Pálsson var fæddur í Reykjavík 10. maí 1936, snemma hneigðist hugur hans til sjávar og er óhætt að segja að sjórinn hafi átt hug hans allann. Guðjón var farsæll skipstjóri í Eyjum og mikill aflamaður. Hann var oftast kendur við skip sitt Gullberg VE enda lengst af skipstjóri á tveim skipum með því nafni ef ég man rétt. Guðjón var kvæntur Elinborgu Jónsdóttir frá Laufási og eignuðust þau tvö börn, Eyjólf (skipsjóra) og Önnu. Guðjón lést 20. nóvember 1987 aðeins rúmlega fimmtugur að aldri.

Blessuð sé minning hans. 

Sjómannskveðja eftir Sigurgeir Kristjánsson

Predikarinn Einar í Betel í augum Sigmunds

  Einar J. Gíslason var að mörgu leiti merkilegur maður og eftirminnilegur.

Í góðri grein eftir Guðna Einarsson í Sjómannadagsblaði Vestmannaeyja 2002, þar sem hann skrifar um sjómannsferil Föður sins segir m.a: "Þrátt fyrir að ævistarf pabba hafi öðru fremur orðið við trúboð og sálusorgun, held ég að hann hafi alltaf litið á sig fyrst og femst sem sjómann. Í kirkjuári Einars í Betel voru fjórar stórhátíðir. Jól, páskar og hvítasunna eins og hjá öðrum kristnum mönnum. Fjórða stórhátiðin var svo Sjómannadagurinn í Vestmannaeyjum. Hann fann sig best í hópi sjómanna - ekki síst sjómanna í Eyjum. Honum var það mikil virði, að vera beðin um að koma hingað til Vestmannaeyja að minnast hrapaðra og drukknaðra við minnisvarðann við Landakirkju svo lengi sem heilsan leyfði. Það var á vissan hátt hápunktur ársins, allt annað varð að víkja fyrir sjómannadegi í Eyjum. Hér var hann á heimavelli, hitti gamla kunningja, vini og samferðamenn. Hitt var ekki minna virði að fá að deila með þeim gleði og sorg, geta miðlað þeirri huggun sem hann hafði sjálfur hlotið úr hendi lausnarans. Það fer vel að enda þennan pistil á orðum Jobs, sem pabbi vitnaði svo oft í hér á sjómannadag: " Drottin gaf og Drottinn tók, lofað veri nafn Drottins,, "

Hér má bæta við að það var ekki síður mikils virði og vel metið af Sjómannadagsráði og sjómönnum í Eyjum að Einar J. Gíslason vildi ávalt koma á Sjómannadaginn. Hann gerði meira en að minnast hrapaðra og drukknaðra við minnisvarðan, hann hjálpaði okkur einnig á Stakkagerðistúninu til að afhenda verðlaun sjómannadagsins og fleira mætti nefna. Þetta þekki ég vel þar sem ég var 11 ár í Sjómannadagsráði Vestmannaeyja.

Á myndinni hér fyrir ofan eru Sigurjón í Skógum Einar í Betel

Blessuð sé minnig Einars J. Gíslasonar predikara og sjómans

Leó VE 400 og þeir feðgar Óskar og Sigurjón

 Myndin af Leó VE er tekin í Grimsbý 1965 til 1967. Óskar Matthíasson skipstjóri við talstöðina en þessi talstöð þótti með þeim betri í flotanum á sínum tíma. Loks er mynd af Sigurjóni Óskarsyni sem þarna var vélstjóri á Leó og er myndin tekin í vélarúmi á því skipi.

Myndirnar á Ingibergur Óskarsson frændi minn. 

 

Gömul mynd af Vestmannaeyjakonum

     Þekkið þið þessar konur sem eru á myndinni ??        

Áki Haraldsson þekkti allar konurnar:    Aftari röð f.v. Elísabet Kristjánsdóttir, Oddfríður Jóhannsdóttir,Löndum, Soffía Zophoníasdóttir, Hvassafelli, Guðbjörg Sigurðardóttir, Hólum, Ólafía Sigurðardóttir, Geirlandi og Margrét Pétursdóttir, Varmadal. Fremri röð f.v. Margrét Sigurþórsdóttir, Garðstöðum, Lára Kolbeins, Ofanleiti, Jóna Vilhjálmsdóttir og Ragna Vilhjálmsdóttir.                                                                                                                                      

Með vinarkveðju

Var að taka til í tölvunni minni og fann þetta vinarbréf sem reyndar fylgdu margar teiknaðar myndir af fallegum dýrum. Held að Harpa mín hafi sett þetta í tölvuna mina fyrir margt löngu, en þetta á alveg erindi á bloggið mitt , ég set það óbreytt hér inn á síðuna.

Með vinarkveðju….

Þú hittir ótrúlega margar persónur á lífsleið þinni,
en það eru bara sannir vinir sem skilja eftir spor í þínu hjarta.
Til að geta stjórnað sjálfum þér, notaðu hug...vitið;
Til að stjórna öðrum, notaðu hjartað.

Gáfaðar persónur tala um hugmyndir:
Minna gáfaðar persónur tala um hvað skeði:
Illa innrættar persónur tala illa um aðra.

Sá sem tapar peningum missir mikið:
Sá sem missir vin tapar miklu meira:
En sá sem missir trúna á lífið sjálf, missir allt.

Við erum vinir þú og ég, ef þú tekur vin þinn með erum við þrjú. við getum stofnað lítinn vinahóp.Það er jú ekkert upphaf og enginn endi njótum lífsins og verum góð hvort við annað því lífið er svo stutt þrátt fyrir allt og þess vegna ætti ekki að vera tími til að tala illa um aðra. Öll dýrin í skóginum vilja vera vinir og við mannverurnar í okkar frumskógi freistinga lífsins viljum líka vera vinir og góð hvort við annað.

Dagurinn í gær er liðinn,
Morgundagurinn er óvænt ánægja.
Dagurinn í dag er gjöf.

Þetta er alþjóða vinakeðja. Sýndu vinum þinum að þér þyki vænt um þá,. Sendu bréfið til vina þinna og þegar það kemur loksins aftur til þín þá veistu að þú hefur skapað vinakeðju.


Þegar þú færð þetta bréf þá sendu það til vina þinna en um leið eitt bréf til þess sem sendi þér þetta bréf.