Vaktar landhelgisbrjót Sigurgeir Kristjansson Lögregluþjónn

 Sigurgeir flottur á vakt í enskum Togara

Sigurgeir Kristjánsson  er hér á vakt í breskum togara sem var tekinn í landhelgi við Eyjar, hann sagði á sínum tíma Pétri Steingrímssyni lögreglumanni og tengdasyni sínum að eyjalöggur hefðu alltaf þurft að standa vaktir og passa að þessir landhelgisbrjótar strykju ekki úr höfn áður en þeir voru dæmdir. Það má koma hér fram að þessar myndir af löggunum lánaði Pétur mér og fleiri myndir sem ég set hér á síðuna mína við tækifæri.

kær kveðja SÞS

 

Herjólfur á einni vél sem bilaði

Herjólfur var vélarvana í um hálfa klukkustun þegar hann var á siglingu frá Þorlákshöfn til Vestmannaeyja í gær. Þar að auki var skipið fjórum og hálfum klukkutíma lengur á ferð sinni fram og til baka frá Eyjum vegna vélabilunar. ,, það var aldrei nein hætta, það var gott í sjóinn og við vorum svo langt frá landi og í raun rak okkur lengra frá því " segir Hafsteinn Hafsteinsson skipstjóri. Þetta má lesa á forsíðu Fréttablaðsins í dag.

Það er að mínu mati grafalvarleg mál að fargegaskipið Herjólfur sem er búið tveimur aðalvélum skuli verða vélarvana á milli lands og Eyja, maður hélt að þetta væri úr söguni  með þessu skipi sem búið er tveimur aðal vélum. Það var talinn mikill galli á gamla Herjólfi að hann var með eina aðalvél, en sem betur fer var mikil gæfa sem fylgdi því skipi og hingað til hefur svo verið með þann Herjólf sem nú siglir milli Vestmannaeyja og Þorlákshafnar og vonandi verður svo á komandi árum. Það ætti í raun ekki að leyfa að sigla farþegaskipum öðru vísi en að hafa báðar aðalvélar í lagi, alla vega ekki þegar allra veðra er von. Það er ekki skemmtileg tilhugsun ef siglt er á einni vél og hún bilar í öflugum álandsvindi. Það er svo umhusunarvert hve oft skipið virðist bilað, nú um nokkurn tíma hefur annar ugginn  verið bilaður og ekki virðist hægt að gera við hann í bráð.  Hér áður fyrr var slagorð Herjólfs HF. HERJÓLFS FERÐ ER ÖRUGG FERÐ, þetta ætti að hafa í huga í dag og alla daga.

Kær kveðja SÞS

 

Lögreglulið Vestmannaeyja líklega um 1960

 Skemmtilegar Myndir af löggum

Eftirtaldir menn voru í lögregluliði Vestmannaeyja á mínum unglings árum t.f.v: Sveinn Magnússon, Ragnar Helgason, Pétur Stefánsson, Stefán Árnason yfirlögregluþjónn, Sigurgeir Kristjánsson, Jóhannes Albertsson og Óskar Einarsson. Allt voru þetta öðlingsmenn.

Fyrri myndin er tekin inni í Herjólfsdal þarna eru sömu menn en með á myndinni er fyrsti  lögreglubillinn sem kom til Eyja, hann fékk viðurnefni eins og margir á þessum tíma og var nefndur Græna María einfaldlega af því að hann var grænn.

Kær kveðja SÞS

Þvottahús Vestmannaeyja

 

Þvottahús Vestmannaeyja var upphaflega byggt 1949 og var þá aðalega ætlað að annast þvott fyrir Sjúkrahúsið. Árin 1955 og 1959 var Þvottahúsið stækkað og fengnar þangað nýjar vélar og allt endurbætt. Eftir þær endurbætur annaðist það þvott fyrir allar stofnanir bæjarins og bæjarbúa ásamt þvott fyrir vertíðarfólk.  Myndirnar eru teknar árið 1960 eða þar um bil og á seinni myndinni er t.f.h. Þura Þorkelsdóttir sem lengi sá um Þvottahúsið hún er þarna  í hvítum slopp og Ingibjörg Guðrún Kristmansdóttir,  og Lára Jónsdóttit.

Eldri Eyjamenn kannast öruglega við Þuru í þvottahúsinu eins og hún var oftast kölluð, hún er minnistæð kona, var hörkudugleg snaggaraleg í fasi og var ein af þessum konum sem setti svip á bæinn á sínum tíma. blessuð sé minning hennar.

Kær kveðja SÞS

Frá Knattspyrnuleik í Vestmannaeyjagosinu 1973

Takið eftir hvað markið er lágt en mikill vikur er þarna á fótboltavellinum

Myndin er tekin 1. maí  gosárið 1973. Menn gerðu sér ýmsislegt til gamans m.a. kepptu undirmenn og yfirmenn í knattspyrnu, leikurinn fór þannig að undirmenn sigruðu 1 gegn 0. Í marki yfirmanna var Karl Jónsson en í marki undirmanna var Einar Guðnason og hélt hann marki sínu hreinu.

Á myndinni eru talið frá vinstri: Guðmundur Karlsson, Kristinn Sigurðsson situr uppi, Atli Elíasson, Hávarður Sigurðsson, Páll Zophaníasson, Heiðmundur Sigmundsson, Erlendur Pétursson, Sigurgeir Jóhannsson, Andri Hrólfsson, Jón R. Þorsteinsson, Kristján Eyjólfsson, Smári Guðsteinsson, Óskar Stefánsson, Einar Jónsson, Ástþór Ísleyfsson, Gunnar Ólafsson, Sveinn Pálmason, Karl Jónsson, Reynir Sigurðsson, Adólf Sigurjónsson, Þorsteinn Þorsteinsson, Einar Guðnason situr uppi, Þorsteinn Árnason, Flosi Finnsson, Jón KR. Óskarsson.

Kær kveðja SÞS

Gamli Herjólfur í öðru hlutverki

Hér er mynd af gamla Herjólfi  í öðru hlutverki en farþega og bílaflutningum. Myndina sendi mér skipsfélagi minn af Herjófi. Skipið er því farið úr felulitunum en mynd hér neðar á síðuni sýnir hann í felulitum.

Kær kveðja SÞS

Saltfiskþurkun í Vestmannaeyjum 1930

Saltfiskþurkun á stakstæðum sem voru sunnan við Landakirkju, þetta voru mjög stór stakstæði þar sem malarfótboltavöllurinn er í dag. Heimaklettur Miðklettur og Ystiklettur eru á miðri mynd.    Myndin er líklega tekin kringum árið 1930.

kær kveðja SÞS

Ólafur Ásgeirsson og úteyjakallar

 

Fyrri myndin er af Ólafi Ástgeirssyni á trillu sinni sem  þarna er við gömlu Edinborgarbryggjuna en bryggjan var bak við Hraðfrystistöð Vestmannaeyja. Gaman  að þessari mynd, takið eftir olíugeyminum fyrir vélia þarna hægra megin á myndinni og liklega er þetta bitaboxið sem liggur utan í honum.

Seinni myndin er af úteyjarköllum á leið í úteyjar talið frá Vinstri: Helgi Magnússon, Guðjón Ólafsson sem teiknaði myndirnar sem eru hér neðar á þessari síðu, Bárður Auðunsson, Herjólfur Bárðarson og Gylfi Sigurjónsson. Helgafell í baksýn.

Kær kveðja SÞS

Minningar frá skemmtlegum tíma á Gamla Hejólfi

 Það er stundum gaman að rifja upp gömul og skemmtileg störf sem maður hefur unnið. Ég var stýrimaður á Herjólfi í rúm 16 ár og kynntist þá mörgum góðum mönnum sem voru skipsfélagar minir. Í minningunni er þetta skemmtilegur og eftirminnilegur tími þó ekki hafi alltaf verið gott að ferðast milli Þorlákshafnar og Eyja. Ég bíð með sögur frá þessum tíma, en myndirnar segja sína sögu.

 

Mynd1. Herjólfur kemur fyrir Ystaklett. Mynd 2.Sigmar Þ. og Georg Stanley á stímvagt, Georg er með skemmtilegri mönnum og var oft gaman að vera með honum á vagtinni.

 

Mynd 3. Skrifað í dagbókina. Mynd 4. í brúnni á Herjólfi.

  

Mynd 5. Þeir sem hafa verið í skipsrúmi á Hejólfi kannast við þegar kallað er niður í messa 3 mílur og síðan í hátalarann það sama til farþega, á myndinni er líklega verið að því. Mynd 6. Undirritaður með járndollu sem farmiðar voru í og taska sem var peningataska, þannig seldum við stýrimennirnir alla farmiða í skipið bæði fyrir bíla og farþega, það var oft kallt að standa í snjó og kulda aftan við skip og selja farmiða.

 

Að endingu er hér mynd af skipinu eins og það er líklega í dag, en það endaði í Svíþjóð.

Myndir teiknaðar af Guðjóni Ólafssyni.

 

Vestmannaeyingurinn Guðjón Ólafsson myndlistarmaður með meiru teiknaði þessar myndir sem eru í það minnsta tvær frá Vestmannaeyjm.

1. mynd nefnir hann Skip.   Mynd 2. nefnir Guðjón Krisnitakan. Hér er víkingaskip að taka land á Hörgeyri þar sem Hörgeyrar hafnargarður var byggður út frá. Heimaklettur og Miðklettur í baksýn.

 

Mynd 3 Heimaklettur og mynd 4. Bátur á siglingu.

þetta eru skemmtilegar myndir frá fyrri öldum enda Guðjón Ólafsson frábær myndlistarmaður eins og þessar myndir sýna. 

kær kveðja SÞS