Selkópur heimsækir smáeyjuna Hana árið1967

 

 Þegar þeir Sigurður Sigurðsson og Gunnar Hinriksson voru ásamt fleirunm að byggja kofann í Hana sem er ein af Smáeyjum vestan við Heimaey árið 1967 tóku þeir eftir að lítill selkópur var kominn á flánna þar sem gengið er upp í eynna. Hann virtist vera vansæll því hann vældi eins og lítill krakki þarna á flánni. Þar sem þeir sáu ekki fullorðna selinn, töldu þeir að hann hafi orðið viðskila við móður sína. Þeir tóku því kópinn upp í kofa og létu hann sofa þar á svampdíu sem þeir höfðu í kofanum og gáfu honum að drekka mjólk sem þeir bjuggu til úr mjólkurdufti, einnig gáfu þeir honum síli sem þeir náðu frá lundanum. Gisti hann hjá þeim í nokkurn tíma en Þeim gekk síðan illa að losna við hann þegar þeir þurftu sjálfir að yfirgefa Hana.

 

 

 

 

Á myndunum eru Sigurður og Gunnar með kópin.

 

 

 

 

 

 

Myndir frá fyrstu klukkutímum Vestmannaeyjagossins 1973

 Myndirnar eru frá fyrstu klukkutímum gossins 1973 og á fyrstu myndinni eru Sigurður  Sigurðsson og að ég held Bogi bróðir hans, en Sigurður á þessar myndir sem ég hef verið að setja hér á bloggið mitt. Því miður þekki ég ekki þessi hús á mynd 3.

Þyrla Landhelgisgæslunar í lágflugi kringum Turnin í dag.

 

Þessr myndir tók ég í dag af þyrlu Landhelgisgæslunnar þegar hún flaug aftur og aftur lágflug kringum Turninn í Kópavogi. Maður sér ekki oft þetta frábæra björgunartæki svona rétt við svalirnar heima hjá sér.

 Ekki veit ég hvað þarna stóð til en það var tignarlegt að horfa á þyrluna  og hlusta á kraftmikið hljóð frá aflmiklum hreyflum hennar.

Kær kveðja SÞS

Fyrsta loðnan kemur til Eyja 1973

 Mynd 1. Fyrsti farmurinn af loðnu kemur á land í Vestmannaeyjum eftir gosið 1973.

Mynd 2. T.f.v. Tryggvi Marteinsson, Runólfur Gíslason og Magnús Magnússon þáverandi bæjarstjóri var viðstaddur þegar fyrsta loðnan kom á land.

Mynd 3. T f.v; Þeir fylgdust vel með þeir Össur Kristinsson þáverandi forstöðumaður Rannsóknarstofnunar fiskiðnaðarins í Vestmannaeyjam, Bogi Sigurðsson verksmiðjustjóri og Stefán Helgason.

Myndirnar tók vinur minn Sigurður Sigurðsson frá Stakkagerði í VM

Myndir frá gosinu 1973

 

 

Myndirnar eru teknar á Skólaveginum árið 1973, þarna er verið að hreinsa bæinn og búið að gera göturnar greiðfærar en á eftir að hreinsa lóðirnar. Þarna sést vel hvað öskulagið var þykkt á Skólaveginum.

Sigurður Sigurðsson frá Stakkagerði tók þessar myndir og leyfði mér að setja þær hér á bloggið mitt.

Kær kveðja SÞS

Ein gömul mynd af myndarlegum strákum

 

Myndin er tekin við Miðstræti sem reyndar var á þessum tíma kallaður Vesturvegur að mig minnir. 

T.f.v; Pétur, Lúðvík og Bjarki.

Peyjar beita línu

 

Myndin er tekin í Leó krónni sem er við Skvísusund, þar sem peyjar eru að beita línustubb sem er beittur í línubala sem er síldartunna söguð í tvennt.

T.fv. Halldór Ingi Guðmundsson, Pétur Sveinsson og Kristján Valur Óskarsson

Gömul þjóðhátíðarlög gullmolar

Gömul Þjóðhátíðarlög Eyjamanna eru hreinir gullmolar.

Úr þjóðhátíðarblaði 1962 .

  Fyrir austan mána. 

Er vetrarnóttin hjúpar hauður

í húmsins dökka töfralín

og báran smá í hálfum hljóiðum

við hamra þylur kvæðin sín.

Á vængjum drauma sálir svífa

frá sorg, er dagsins gleði fól

um óravegu ævintýra

fyrir austan mána og vestan sól.

 

Þótt örlög skilji okkar leiðir

í örmum drauma hjörtun seiðir

ástin heit, sem fjötra alla brýtur

aftur tendrast von, er sárast kól.

Við stjörnu hafsins ystu ósa

í undraveldi norðurljósa

glöð við njótum eilífs ástaryndis

fyrir austan mána og vestan sól.

 Loftur Guðmundsson

Lag Oddgeir Kristjánsson  

   

           Glóðir 

Um Dalinn læðast hægt dimmir skuggar nætur

og dapurt niðar í sæ við klettarætur.

Ég sit og stari í bálsins gullnu glóðir

og gleymdar minningar vakna mér í sál.

Hér undi ég forðum í glaum með glöðum drengjum,

þá glumdi loftið með hljóm frá villtum strengjum.

Nú sveipa klettana húmsins skuggar hljóðir

og hryggur ég stari einn í kulnað bál.

 

Þegar Dalinn sveipa húmtjöld hljóð,

horfi ég í bálsins fölvu glóð,

stari og raula gamalt lítið ljóð,

ljóð, sem gleymt er flestum hjá.

Við hvern orð og óm er minning fest,

atvik, sem mig glöddu dýpst og best.

Allt það, sem ég ann og sakna mest

ómar þessir skína frá.

 

 Loftur Guðmundsson

Lag Oddgeir Kristjánsson

Toyota umboðið

Toyota umboðið reiknar með fyrir lok vikunnar verði ljóst hvaða bíla þarf að innkalla hér á landi vegna mögulegs galla í eldsneytisgjöf.

 Úlfar Steindórsson, forstjóri Toyota á Íslandi segir m.a í þessari grein:" að ef fólk teldi að bensíngjöfin í bíl þess sé eitthvað stíf þá sé það að sjálfsögðu hvatt til að koma og láta skoða bílinn.

 Mig langar að upplýsa Úlvar og þá sem eiga Toyota bíla, að þessi bilun í bensíngjöf Toyota bíla lýsir sér ekki eins og Úlvar segir að bensýngjöfin sé stíf alla vega ekki á mínum bíl. Ég á Toyata Raf 2007 motel,  á 2,5 árum hefur það komið þrisvar sinnum fyrir að bensíngjöfin festist inni og helst þannig í nokkrar sekundur, sem getur verið afar óþægilegt og hættulegt ef bensíngjöfin festist þegar billinn er á mikilli ferð. Hjá mér hefur þetta bæði gerst á 90 km hraða og 40 til 50 km hraða, en bensíngjöfin hefur verið alveg eðlileg á milli þess að hún festist.

Ég hafði samband við  Toyota umboðið strax og fréttir af þessu fóru að bersat og fékk strax tíma fyrir bilinn þar sem þetta var skoðað og lagfært. Frábær þjónusta hjá þessu umboði eins og alltaf.

Min reynsla er sú að Toyota umboðið er langbesta bílaumboð landsins og bílarnir sem ég hef keypt af umboðinu hafa lítið sem ekkert bilað. Ég hef því enþá þá skoðun að hvergi sé betri þjónusta en hjá Toyota umboðinu.

Innköllun skýrist fyrir helgi

Um borð í Pétri Mikla

Þessi heiðursmenn tengjast Dýpkunarskipinu Pétri mikla en þeir heita Sveinjörn og Sveinn sem er núverandi skipstjóri á skipinu.