Minning um Óskar Matthíasson skipstjóra

 

Hafsteinn Stefánsson skipasmiður og skáld og Óskar Matthíasson skipstjóri og úgerðarmaður

Bréf og ljóð eru frá Hafseini Stefánssyni skipasmið og skipstjóra sem bjó lengi í Vestmannaeyjum og starfaði þar sem skipasmiður, sjómaður og skipaeftirlitsmaður.

-------------------------------------------------------------------------------------------------------

Selfossi 22.desember 1992

Vegna burtfarar Óskars Matthíassonar skipstjóra.

Kæri vinur, eins og ég sagði þér í símanum, þá vorum við Óskar saman í skipsrúmi fyrstu vertíðina sem ég var í Eyjum. Þá kynntumst við stúlkum þeim sem urðu okkar lífaförunautar , á lífsgöngunni. Það var alltaf einhver ósýnilegur þráður á milli okkar sem aldrei slitnaði, og þessi þráður hélt fyrir mér vöku í nótt, og þá urðu þessi vísukorn til.

HS

Góðan vilja varst þú með í för

á vegi lífsins allt til sólarlagsins

áttir dirfsku og kapp við ægis kjör

og kærleika sem mýkir þrautir dagsins.

 

Er til hinstu farar flaut þitt skip

um feigðarsund í ljúfu aftanskini

fannst mér vetrarbrimið breyta um svip

og báran horfa á eftir kærum vini.

 

                                Hafsteinn Stefánsson

 

Athugasemdir

[margrét júlíusdóttir (IP-tala skráð) 28.5.2008 kl. 14:13]

Sæll Simmi,fyrir mörgum árum fór Hafsteinn Stefánsson með sjóferðabæn fyrir mig sem ég er búin að gleima,en langar að

læra,veist þú eitthvað um þessar vísur,endilega sendu mér línu ef þú kannast við þetta.Takk fyrir skemmtilega síðu.

Margrét Júlíusdóttir

[Sigmar Þór Sveinbjörnsson, 30.5.2008 kl. 23:42]

Sæl Margrét, ég man ekki eftir þessari sjóferðabæn, en Hafsteinn gaf út Ljóðabók sem ég man ekki í svipinn hvað heitir, kannski er þetta í henni. Því miður finn ég ekki bókina. Takk fyrir innlitið á síðaun

kær kveðja