Heilsufars lýsing eftir Ágúst Sæmundsson

Heilsufars lýsing

Held mér varla vakandi,

til verka lítið takandi.

Heyrn og sjón fer hrakandi,

í hrygg og leggjum brakandi.

--

Í hugsun úti akandi,

öllum tökum slakandi.

Mér svo áfram mjakandi,

mæðu frá mér stjakandi.

--

Sjálfan mig ásakandi,

sífellt vanda bakandi.

Berst sem laufið blakandi,

byrðin elli er þjakandi.

--

Ef ég fengi úr því bætt,

eflaust mig gæti kætt.

Öllu mæðu masi hætt,

meðan er á fótum stætt..

--

Eftir Ágúst Sæmundsson

Athugasemdir

[Sigurlaugur Þorsteinsson, 6.8.2012 kl. 17:28]

Sæll meistari Sigmar.

Þessu kvæði ætla ég klárt og kvitt að setja inn á Facebókina hjá mér og til geymslu í tölvunni.

Þetta er gullmoli.

Kv Laugi

[Sigmar Þór Sveinbjörnsson, 6.8.2012 kl. 20:03]

Heill og sæll Laugi minn og takk fyrir innlitið, já þetta er flott kvæði eins og svo mörg önnur sem Ágúst Sæmundsson hefur gert. Ágúst býr á Hellu og hefur gert mörg falleg kvæði en er einn af þeim sem ekki er að flagga þeim svona opinberlega.

Kær kveðja