Frábær þjónusta hjá TOYOTA

 

Toyota umboðið er einstakt hvað þjónustu við viðskiptavini snertir.

 Í dag er þjónustudagur Toyota og var boðið upp á eftirfarandi:

Fyrst gáfu þessar myndarlegu konur sumargjöf í tilefni dagsins, það var tveir snakkpokar og bland í poka ásamt bílasvampi og bílasápu af bestu gerð.

 

 

 

 

 

 

 

 Þá var næst boðið upp á bílaþvott sem var vel gert í alla staði, fyrst farið með háþrýstisprautu, síðan sápuþvegið og skolað og endað með því að þurka bilinn þannig að hann var glansandi á eftir.

 Þetta gekk allt ótrúlega vel þar sem mikill fjöldi manna og kvenna var við þessa vinnu hjá Toyota.

 

 

 

 

 

 

 

 

 

 

 

 

 

 

 

 

 

 Að endingu var boðið upp á grillaðar pylsur eða pulsur, sukkulaðikex öl og fl. 

Þegar maður var búinn að borða sig saddan af pulsunum gat maður farið inn í bílasalinn og keypt sér nýjan RAV 4 sem kostar 5,9 millur, en af því að allt var frítt hjá TOYOTA í dag var ég ekki með veskið þannig að það verður að bíða að fá sér nýjan bíl

 

 

 

 

 

Ég er sannfærður um að það er ekkert bílaumboð sem kemst með  tærnar þar sem Toyota er með hælana hvað varðar þjónustu, enda með bestu bílana til sölu.

TOYOTA menn og konur, ég þakka fyrir mig

Eigið góðan kosningadag.

Athugasemdir

[Heiðar Kristinsson (IP-tala skráð) 30.5.2010 kl. 08:48]

Sæll félagi og vinur, til hamingju með kosningaúrslitin.

Jam ég vissi að þú ert veikur fyrir vínarbrauðum og slykkerí en átti ekki von á að þú létir ginna þig svo auðveldlega á svona uppákomur.  Svo tortrygginn sem ég er þá er ég heldur efins í að þetta hafi verið ókeypis, trúlega lagt á eitthvað annað í þjónustunni og var ekki verið að afskrifa einhverjar krónur hjá eigendunum fyrir nokkrm mánuðum. En gott að þú gleymdir veskinu heima því að ég efa ekki að þú hefðir geta týnt uppúr því fyrir einum jeppa eða svo..

Með góðri kveðju

Heiðar Kristinsson

[Sigmar Þór Sveinbjörnsson, 30.5.2010 kl. 14:10]

Heill og sæll Heiðar og takk fyrir innlitið. Já þú segir vel um það, en ekki er ég í vafa um að önnur bílaumboð eru dugleg að leggja á alla skapaða hluti sem eigendur bíla þurfa til þeirra að sækja. En ég er sáttur við mitt umboð og minn bíl sem hefur ekki bilað frekar en mín gamla TOYOTA. En ég er ekki hissa á ykkur sem verslið við lélegri umboð að þið séuð övundsjúk  það er bara eðlilegur hlutur.

Hafðu það alltaf sem best kæri vinur

Kær kveðja