Sjómannadagsblað Vestmannaeyja 2014 komið í Grandakaffi

Sjómannadagsblað Vestmannaeyja 2014 er komið út með fjölbreyttu efni að vanda, að venju er blaðið skeytt fjölmörgum myndum  úr starfi og leik sjómannssins og að sjálfsöðu þeirra sem tengjast sjónum. Blaðið er selt í Grandakaffi við Grandagarð í Reykjavík.

Ritstjóri blaðsins sem fyr  er Júlíus  G. Ingason

 

 

 

 

Sigurður Rúnar Gíslason eigandi á Grandakaffi heldur hér á Sjómannadagsblaði Vestmannaeyja , eins og sést á myndinni þá er blaðið nú í fyrsta sinn í stærra broti en áður, sem gefur meiri möguleika á að koma fyrir efni og myndum.

Þess má geta að Sigurður Rúnar á stórafæli á morgun verður sjötugur, við óskum honum til hamingju með daginn. 

 

 

Alltaf gaman á Flugsýningunni í Reykjavík

 Það er margt að skoða á Reykjavíkur flugvelli og skemmtilegt að hitta fólk og spjalla.

 

 

 Sigmar Benóný og Magnús Orri Óskarssynir í þyrlunni hjá Gilla frænda

 

 

 

 

 

 

Nú líður að Sjómannadegi, verum vakandi Sjómenn

Sjómannadagurinn er ekki hátíð hafsins. 

 Í Vestmannaeyjum er Sjómannadagurinn  einn skemmtilegasti hátíðardagur ársins og við peyjarnir sem áttum   sjómenn  sem feður sem og aðra  ættingja vorum svo sannarlega stoltir af því að tengjast þeim og þar með Sjómannadeginum. Þegar ég síðar gerði sjómennskuna að ævistarfi mínu, gerði ég mér fljótt grein fyrir því að þessi dagur er miklu meira en skemmtun  í tvo daga.

Sjómannadagurinn er órjúfanlegur hluti af stéttarbaráttu og kynningu á starfi sjómanna. Í Vestmannaeyjum má segja að allir tengist sjómönnum á einn eða annan hátt eins og víða í útgerðarbæjum landsins.  Á Sjómannadaginn kynnum við sjómannsstarfið, minnumst þeirra sem hafa látist og sérstaklega þeirra sem látist hafa í slysum á sjó, heiðrum  aldna  sjómenn og ekki hvað síst gerum við okkur glaðan dag með fjölskyldum, vinum og skipsfélögum. Sjómannadagsráð Reykjavíkur og Hafnarfjarðar  sér Sjómannadaginn öðrum augum, ekki sem  Sjómannadag  heldur sem dag hátíðar hafsins. Það er óskiljanlegt að sjómenn skuli ekki mótmæla því að Sjómannadagurinn skuli vera tekinn eignarnámi og nefndur Hátíð hafsins í Reykjavík með vitund og vilja  stærstu sjómannafélaga landsins.

Hafið hefur tekið líf margra sjómanna sem voru  ættingjar okkar, vinir og skipsfélagar. Þess má geta til fróðleiks að á árunum 1962 til 1992 árin sem undirritaður  stundaði sjó frá Vestmannaeyjum, fórust 58 sjómenn sem voru á bátum frá Eyjum, og eru þá taldir með þeir Eyjasjómenn sem fórust og stunduðu tímabundið sjó annarsstaðar á landinu á sama tíma. Þessi tala um dauðaslys á sjó er mun hærri og skiptir hundruðum ef taldir eru allir þeir sjómenn sem fórust á þessu tímabili.                                                                                         Það er eitt af markmiðum Sjómannadagsins að minnast þessara manna, og er minningarathöfn við minnisvarðann við Landakirkju ein eftirminnilegasta stund Sjómannadagsins í Vestmannaeyjum . Finnst mönnum það viðeigandi að minnast þeirra sjómanna s

em farist hafa á hafi úti og margir þeirra gista hina votu gröf, á degi sem kallaður er Hátíð hafsins? Að mínu viti er þetta fráleitt og móðgandi fyrir íslenska sjómenn. Þessi gjörningur Sjómannadagsráðs er farinn að smita út frá sér og sjómenn í hugsunarleysi farnir að breyta nafni dagsins.

Í Þorlákshöfn þar sem flest snýst um sjóinn, hafa þeir á síðustu árum apað þetta eftir Reykjavíkurfélögunum og uppnefna Sjómannadaginn sinn Hafnardaga. Sjómenn gera sér ekki grein fyrir því hvað Sjómannadagurinn er sjómönnum mikilvægur hvað varðar kynningu á starfi sjómanna, hann er okkar hátíðisdagur, ekki hátíð hafsins. Í lögum um Sjómannadaginn segir m.a: Við tilhögun Sjómannadagsins skulu m.a. eftirfarandi markmið höfð að leiðarljósi:

1. Að stuðla að því að Sjómannadagurinn skipi verðugan sess í íslensku þjóðlífi.

2. Að efla samhug meðal sjómanna, hinna ýmsu starfsgreina sjómannastéttarinnar og stuðla að nánu samstarfi þeirra.

3. Að heiðra minningu látinna sjómanna, þá sérstaklega þeirra sem láta líf sitt vegna slysfara í starfi.

4. Að heiðra fyrir björgun mannslífa og farsæl félags- og sjómannsstörf.

5. Að kynna þjóðinni áhættusöm störf sjómanna og mikilvægi starfanna í þágu þjóðfélagsins.

Eitt af lagaskyldum Sjómannadagsráðsins er líka: „Að beita sér í fræðslu og menningarmálum er sjómannastéttina varða og vinna að velferðar- og öryggismálum hennar.“                                                                                                                             Með því að uppnefna Sjómannadaginn Hátíð hafsins er ekki verið að stuðla að því að Sjómannadagurinn skipi verðugan sess í íslensku þjóðlífi, því síður eflir það samhug sjómanna eða kynnir þjóðinni áhættusöm störf þeirra og mikilvægi.    

                                                                                                                             Engan starfandi sjómenn hef ég hitt sem er ánægður með þessa nafnbreytingu. Nokkrir segja þetta afleiðingu þess að sum af stéttarfélögum sjómanna hafa verið sameinuð stórum landfélögum og þar með hafa tekið völdin menn sem hafa lítinn skilning og takmarkaðan áhuga á sjómannsstarfinu. Forustumenn í stéttarfélögum sjómanna í Reykjavik hafa sagt mér  að ef Faxaflóahafnir hefðu ekki tekið þátt í kostnaði við hátíðahöld Sjómannadagsins, hefði dagurinn sennilega lagst af. Hefur stjórn Faxaflóahafna þá sett þau skilyrði til styrkja, að nafn Sjómannadagsins verði þurrkað út og breytt í Hátíð hafsins? Samþykkti Sjómannadagsráð þessa nafnbreytingu                                                                                                                        Hvað vakir fyrir þeim 34 stjórnarmönnum sjómannafélaga og stjórn Faxaflóahafna að vilja breyta nafni Sjómannadagsins? Hvers vegna má hann ekki heita sínu rétta nafni Sjómannadagur ?.. Er þetta kannski einn liðurinn enn til þess að þagga niður í sjómönnum?.Allir hugsandi sjómenn hljóta að sjá að þessi breyting á nafni Sjómannadagsins er niðurlægjandi fyrir sjómannastéttina.

Sigmar Þór Sveinbjörnsson
 Stýrimaður.

 

 

Sigurður Óskarsson kafari m.m. 70 ára

Sigurður Óskarsson 70 ára

 

Sigurður Óskarsson  mágur minn og besti  vinur er 70 ára í dag 24. maí 2014. Siggi á Hvassafelli eins og hann er oftast  kallaður af vinum og kunningjum, er margt til lista lagt og hefur gegnum tíðina unnið fjölbreytta vinnu, enda þekktur maður um allt land af öllu góðu. Hann er lærður húsasmiður og vann við það nokkur ár, hefur næmt smiðsauga og er þess vegna  auðvitað alltaf að smíða, en ekki er efniviðurinn alltaf tré, því  hann smíðar einnig úr járni og plasti ef með þarf.  

Sigurður Óskarsson er ekki bara lagin við smíði á tré, járni og plasti, hann er einnig frábær lagasmiður og textahöfundur og hann á auðvelt með að gera skemmtilegar vísur, enda mikill húmoristi. Hann hefur gert mörg gullfalleg lög, sálma og texta  sem vert væri að taka saman og gefa út. Nokkur lög og textar  hans  hafa verið gefin út á plötur og diska.

Siggi stofnaði hljómsveitir á yngri árum og er frægust þeirra Hljómsveit SÓ eða hljómsveit Sigurðar Óskarsonar, sú hljómsveit var í mínu ungdæmi ein besta danshljómsveit á íslandi. Þar spilaði Siggi á trommur en hann spilar á mörg önnur hljóðfæri.

Þessi þúsund þjala smiður er einnig uppfinningamaður, hann  fann upp afskurðarvél og fl.  og það sem ekki allir vita, þá bjó hann til líkan af fyrsta sleppibúnaðinum  fyrir gúmmíbáta það var 1970, en þessi hugmynd náði ekki eyrum útgerðarmanna né sjómanna. Sumir eru bara á undan sinni samtíð það er bara þannig.

Siggi var um nokkra ára skeið útgerðarmaður og gerði út ásamt Guðmundi Karli  Guðfinnssini  bát sem hét Guðfinnur Guðmundsson  VE  445 auk þess að vinna við útgerð Huginn VE 55.

Hann var í stjórn Vinnslustöðvarinnar í 10 ár og á þeim tíma stjórnarformaður þess stóra fyrirtækis.

 Siggi framleiddi og smíðaði  nokkra plastbáta þegar  hann stofnaði og átti fyrirtækið Eyjaplast, það voru tvær gerðir af bátum sem hann framleiddi  svonefnur færeyingur  og bátar af gerðinni  Faxi,  flottir og vandaðir bátar. Það má bæta því við að samhliða bátasmíðinni smíðaði Siggi sumarbústað úr plasti og flutti í tvennu lagi í Fljótshlíðina þar sem hann hefur komið sér upp sínum sælureit  fyrir sig og  konu sína Sigurbjörgu Óskarsdóttir.

Siggi rak kranafyrirtæki  í mörg ár og var með tvo stóra  bílkrana. Þau ár sem Siggi rak kranafyrirtækið var mikil vinna fyrir þessi tæki í Eyjum, mikil uppbygging og steypuvinna um allann bæ ásamt mikilli vinnu við Vestmannaeyjahöfn.

Það má hér minna á að bílkranarnir hans gengdu mikilvægu hlutverki í eldgosinu 1973 við björgun verðmæta, og það var ekki síður mikil vinna hjá Sigga og starfsmönnum  hans í kranafyrirtækinu við uppbyggingu í Eyjum eftir gosið. Hann keypti einnig körfubíl sem hann leigði út í mörg ár og var hann þar brautriðandi í því í Eyjum.

 

Eitt af mörgu sem Siggi hefur unnið við er köfun, hann var kafari í mörg ár og ég get fullyrt að í því starfi stóð hann sig sérstaklega vel , það var ekki öfundsvert starf að kafa og hreinsa úr skrúfum á skipum ekki bara innanhafnar heldur líka út á rúmsjó oft við misjafnar og erfiðar aðstæður. Hann vann einnig sem kafari við að leggja vatnleiðsluna og rafstengi milli lands og Eyja , einnig vann hann við lagningu skolpleiðslu á haf út í Reykjavik og Eyjum  svo eitthvað sé nefnt.

Nú síðustu ár hefur Siggi rekið Gluggaverksmiðjuna Gæsk en hún framleiðir plast glugga og plast hurðir af bestu gerð. Siggi hefur nú selt gluggafyrirtækið og þá er spurning hvað tekur við hjá honum.

Við sem þekkjum Sigga vitum að hann situr ekki auðum höndum þó hann sé „hættur að vinna“ hann finnur sér örugglega eitthvað að gera, hann er líka þannig típa að hann þarf allaf að vera að breyta og bæta allt sem er í kringum hann, enda á hann mikið af verkfærum til þessara starfa, það er líka nauðsynlegt fyrir mann eins og Sigga á Hvassafelli að  hafa allar græjur og geta smíðað það sem honum dettur í hug.

Ég hef stundum sagt að hann getur ekki með nokkru móti séð húsin sín í friði hann þarf alltaf að vera að breyta þeim og bæta og ber heimili þeirra hjóna þess merki.

 Það er aðeins eitt sem þessi skemmtilegi og góði mágur minn á erfitt með, og það er að hann á ekki gott með að aðlagast þjóðfélaginu pappírslega séð, hann þolir illa allt þetta pappírs fargan  sem fylgir nútíma þjóðfélagi. En lánið fylgir Sigga, hann á bróðir Friðrik Óskarsson sem hefur ótakmarkaða þolinmæði í að meðhöndla pappíra í hvaða formi sem þeir eru.

Sigurður Óskarsson mágur minn og besti vinur, til hamingju með 70 ára afmælið, hafðu það alltaf sem allra best  og Guð og gæfan fylgi þér og þínum um ókomin ár.

 

Sigmar Þór Sveinbjörnsson mágur þinn.

Hugsun mín

HUGSUN MÍN

 

Hugsun mín hún ferðast

um heima rúms og tíma,

vantar eigin vísdóm,

velur sjálf og hafnar.

 

Brýst í búmans raunum,

bágt á hún á stundum,

víkur burtu vanda,

veldur hver á heldur.

 

Vill allt vita og skilja,

vernda þekkja og kanna,

lýsa upp lífsins vilja,

leyndardóma sanna.

 

Rýnir í orð og eindir,

allt er máli skiptir

er hún söngtón sendir,

sanngirninni lyftir.

 

Gætir þess að gæfan

gefist eiað marki

sem vart til heilla hugsa

og helgast góðri breytni.

 

Bjarni Th. Rögnvaldsson

 

 

Ljóðið Hugsun mín, er úr ljóðabókinni Öldublik eftir Bjarna Th. Rögnvaldsson.

Í Öldublik eru mörg falleg ljóð sem gaman er að lesa.

Bjarni hefur einnig gefið út aðra ljóðabók se hann nefnir Árstíðirnar

 

Þessar flugvélar voru allar á Reykjavíkurflugvelli í gærdag

 Það getur oft verið gaman að líta við á Reykjavíkurflugvöll og skoða flugvélar sem þar eru, í það minnst hef ég gaman að skoða flugvélar og auðvitað skip. Gott að enda bryggjurúntinn með ferð á flugvöllinn. 

 

 Þessar flugvélar voru við Loftleiðahótelið í gær, fjórar þotur og ein einshreyfils flugvél.

Þetta er óvenju stór flugvél með einn hreyfil.

 

 

Loksins fara flugmenn að svara fyrir sig

Gífurleg launahækkun stjórnenda
Viðskipti | mbl | 13.5.2014 | 17:00
Yfirmenn og stjórnarmenn Icelandair hafa á síðustu fjórum árum hækkað í launum um 13% til 211%. Meðalhækkun stjórnarformanns og stjórnarmanna er um 160% en forstjóri og aðrir yfirmenn í samstæðunni hafa hækkað um 52% að meðaltali. Þetta kemur fram í tölum sem Félag íslenskra atvinnuflugmanna birti. 

 

Það er frábært að flugmenn skuli nú svara þeim ótrúlega áróðri sem beinist gegn þeim á bókastaflega öllum fjölmiðlum landsins, og einnig á netmiðlum. Flugmenn eru jú í kjaradeilu og nota þau meðul sem lög leyfa í landinu.

Flugmenn eru ekki tilbúnir að fara í fótspor þeirra sem semja fyrir þá sem lægstu launin hafa og gera sér að góðu að fá 2,8 % hækkun á lágu launin í landinu meðan kennarar og hærri launaðir  fá  t.d. 16 % hækkun eða meira. Ég skil þá vel.

Gífurleg launahækkun stjórnenda

Gömul mynd frá Vestmannaeyjahöfn

 Þessa mynd af skipum í Vestmannaeyjahöfn sendi mér á sínum tíma Þórarinn Sigurðsson. Hún er tekin frá Básaskersbryggju og sést inn í friðarhöfn. Gaman að skoða þessar gömlu og góðar myndir.

Undirskriftir afhendar Ármanni bæjarstjóra Kópavogs

 Um það bil 3000 undirskriftir þeirra sem stunda sund og líkamsrækt í sundlaugum Kópavogs voru afhendar bæjarstjóra í dag. Meðfyljandi skjal var lesið upp við afhendingu undirskriftalistanna.

 

Ágæti bæjarstjóri!

 Við komum hér á þinn fund með undirskriftalista tæplega 3000 manna og kvenna, sem stundað hafa líkamsrækt í sundlaugum Kópavogs svo árum skiftir. Þessi undirskriftasöfnun, sem gekk undir heitinu Stöndum saman, hófst fyrir mánuði þegar allt benti til þess að fyrir dyrum stæði tugprósenta hækkun á árskortum í líkamsræktina með nýjum rekstraraðila. Þá var nýlokið við að kynna niðurstöðu útboðs, sem Kópavogsbær stóð að, um aðstöðu til líkamsræktar í Sundlaug Kópavogs og Salalaug.

Okkur er raunar óskiljanlegt að bæjaryfirvöld hér í Kópavogi skuli láta Samkeppnisstofnun ráða hér för, en treysti sér ekki til að ráða yfir sínum eigin fyrirtækjum og hvernig þau eru rekin.

Miðað við umræður sem verið hafa um þessi mál, þá óttumst við tugþúsunda hækkanir ef nýr rekstraraðili kemur að málinu og því mótmælum við harðlega. Við lýsum fyllsta stuðningi við þann rekstraraðila sem rekið hefur líkamsræktina svo árum skiptir með myndarbrag og á mjög sanngjörnu verði fyrir okkur neytendur.

Við skorum á bæjarstjórn Kópavogs að standa með okkur bæjarbúum og stuðla þannig að því að Kópavogsbúar geti stundað líkamsrækt á viðráðanlegu verði hér eftir sem hingað til.

 

Fyrir hönd, Stöndum saman

 

 

Er ekki sterkur leikur fyrir Icelandair að semja

Frétt af mbl.is

Áætlað tap 1,5-1,7 milljarðar
Innlent | mbl | 6.5.2014 | 9:38
Áætlað tap Icelandair Group vegna boðaðs verkfalls Félags íslenskra atvinnuflugmanna nemur um þrettán til fimmtán milljónum dollara eða um 1,5 til 1,7 millljarði króna, ef verkfallið varir allan þann tíma sem það hefur verið boðað. Fyrsta verkstöðvun er boðuð á föstudag, 9. maí. 

 

 Er ekki sterkur leikur fyrir Icelandair að semja við sína flugmenn strax, heldur en að vera að væla þetta í fjölmiðlum um hugsanlegt tap, sem þeir geta komist hjá ef þeir semja áður en verkfall skellur á. Það eru undarleg vinnubrögð viðhöfð í vinnudeilum á Íslandi í dag.  

Áætlað tap 1,5-1,7 milljarðar