Úr blaðinu Sjómaðurinn frá 1951

Þeir gerðu garðinn frægan  Þeir Adólf Magnússon Stýrimaður og Sigurgeir Ólafsson þegar þeir hlutu afreksverðlaun Sjómannadagsins fyrir bestu björgunarafrek á Íslandi 1950 - 1951.   Adólf bjargaði matsveininum á vélbátnum Mugg, er hann  féll útbyrðis í Grindavíkursjó og Sigurgeir bjargaði háseta af b.v. Elliðaey, sem féll útbyrðis á Halamiðum.

Þessi úrklippa er úr Sjómanninum frá 1951 sem var gefinn út af Sjómannadagsráði Vestmannaeyja í þrjú ár áður en blaðið fékk nafnið Sjómannadagsblað Vestmannaeyja

Þessir heiðursmenn eru kannski betur þekktir í Eyjum sem Dolli í Sjónarhól og Siggi Vídó, blessuð sé minning þeirra. Þetta voru orginal Eyjamenn.

Kær kveðja SÞS

Athugasemdir

[Ólafur Ragnarsson, 14.8.2008 kl. 19:50]

Sæll félagi.Ég varð þeirrar góðu reynslu aðnjótandi að sigla með þessum heiðursmönnum báðum."Sigldi"með Sigga Vídó í þess orðs fyllstu merkingu.Hann sigldi Frigginni þegar ég var á henni.Og Marinó"mublusali" sem stm.Með Dolla var ég  eitt sumar á Stefáni Þór.Sértu ávallt kært kvaddur

[Sigmar Þór Sveinbjörnsson, 16.8.2008 kl. 14:19]

Heill og sæll Óli minn takk fyrir innlitið, já þetta voru skemmtilegir kallar og eftirminnilegir og gaman að ryfja upp afrek þeirra.

kær kveðja