Olíubryggjan inn í Botni

 Ekki veit ég hvort þessi bryggja hafði eithvað nafn, en í mínu ungdæmi kölluðum við peyjarnir hana Olíubryggjuna. Líklega var hún notuð til að dæla olíu í geymana út á Eiði.

Hún var einnig notuð af útgerðarmönnum í Eyjum sem notuðu hana til að leggja bátum sínum við hana og láta fjara undan þeim, þá gátu menn  kústað bátana eða hreinsað af þeim gróður og einnig hreinsað úr skrúfu. Þetta sparaði slippupptöku.  Í dag er svona aðstaða kölluð fæatækraslippur.

Eldri menn geta kannski frætt okkur um hvers vegna hún var byggð á sínum tíma.

Kær kveðja SÞS

Athugasemdir

[Helgi Þór Gunnarsson, 26.9.2009 kl. 13:29]

Flottar myndir hjá Sigmar, þessi bryggja hlýtur að hafa verið rifin fyrir gos, allavega man ég ekki eftir henni, en gaman af þessu hjá þér.

Kær kveðja frá Eyjum. 

[Sigmar Þór Sveinbjörnsson, 28.9.2009 kl. 20:43]

Heill og sæll Helgi Þór, Ég man ekki eftir  því hvenær  hún var rifin. En ég man mjög vel eftir bryggunni.

Takk fyrir innlitið.

kær kveðja