Gamlar myndir frá Þjóðhátíð í Herjólfsdal

 

Hér eru nokkrar gamlar myndir frá þjóðhátíð í Herjólfsdal, ekki veit ég um ártalið en Tryggvi Sigurðsson sendi mér þessar myndir og þakka ég honum kærlega fyrir.

 

Athugasemdir

[Þorkell Sigurjónsson, 14.9.2009 kl. 13:09]

Blessaður Sigmar. Hefi verið lítið við tölvuna í sumar,  en nú kann það að breytast. Vegna myndarinnar af Skólavegi 2 þá man ég eftir henni sem "kramvörubúð" sem Helgi  Ben. rak.  En myndin af sendibílnum hans Helga Ben. ryfjar upp,  að segja frá svörtu prakkarastriki,  sem ég og Raggi í Steini gerðum. Í hádegi einu fyrir nærri 60 árum síðan  stóð sendibíllinn fyrir utan Hólm,  en Kolbeinn sem var þá með bílinn var í hádegismat. Við Ragnar tókum okkur til og fundum naglagaur, sem við negldum inn í hjólbarðann að aftan, þannig að vindurinn fór úr dekkinu og lá á felgunni.  Um kvöldmatarleytið fór pabbi minn að tala um þetta og segja frá að Kolli hefði komið inn á bílastöð og borið sig illa, þar sem einhverjir óprúttnir hefðu neglt nagla gaur í dekkið hjá sér.  Auðvitað þagði ég þunnu hljóði,  en ég man að ég var mjög hræddur og  skömmin algjör.    Ps.  Skemmtilegar myndir frá þér hérna úr Eyjum.  Kveðja

[Sigmar Þór Sveinbjörnsson, 14.9.2009 kl. 19:41]

Heill og sæll Þorkell og takk fyrir innlitið og skemmtilega sögu af prakkarastriki. Hann varð fyrir ýmsu þessi bill eins og ég sagði frá þá rann hann ofan í Lautina eftir að krakkar höfðu verið að leika sér í honum, sennilega tekið hann úr gír eða handbremsu. Mikil mildi var að ekki varð slys á peyjum sem voru að leika sér í fótbolta niðri í Laut.

Kær kveðja