Minning um mann. Arnoddur Gunnlaugsson útgerðarmaður og skipstjóri

 

Arnoddur Gunnlaugsson skipstjóri F. 25. júni 1917 - D. 19. október 1995

 

Hryggð er nú í huga mér,

hann ég kveð, sem dáinn er.

Góður drengur fallinn frá,

frestur enginn veitist þá.

 

Þegar sorgin sárust er

sýnist dimmt í heimi hér

Eins og sólar birtan blóð

breytist þá í frost og hríð.

 

Addi kom mér oft í hug

átti kraft og hetjudug.

Engan sá ég eins og hann,

ágætari heiðursmann.

 

Ættaður úr Eyjum var,

átti jafnan heima þar.

Alinn upp við storm og strit,

stælti það hans afl og vit.

 

Fljótt hann fór að sækja sjó,

sjómanns snilld í honum bjó.

Ungur lærði Ægi við

örnefni og fiskimið.

 

Fögur var hans formannsbraut,

fiskisæld og heiður hlaut.

Ótal kosti yfirmanns

allir sáu í starfi hans.

 

Suðurey var sómaskip,

sigldi glæst, með tignarsvip.

Arnoddur og útgerð hans

öll bar merki heiðursmanns.

 

Segja má til sjós og lands,

sólskin ríkti í lífi hans.

Heimilið var höfnin best,

hjartkær konan, gæfan mest.

 

Lífið okkur lánað er,

lifum við um tíma hér.

Er við hverfum heimi frá

himna dýrð við öðlumst þá.

Ljóðið er eftir Benedikt Sæmundsson

Athugasemdir

[Kjartan Ásmundsson (IP-tala skráð) 3.6.2009 kl. 23:25]

Sæll Simmi

Addi á Suðurey var mikill sóma maður - Heimurinn væri betri ef fleirri væru eins og hann var -

[Ágúst Karlsson (IP-tala skráð) 4.6.2009 kl. 08:02]

Arnoddur var Gunnlaugsson.

Kveðja, Ágúst.

[Sigmar Þór Sveinbjörnsson, 4.6.2009 kl. 08:23]

Heill og sæll Ágúst þakka þér fyrir að benda mér á þetta, þarna var prentvilla hjá mér.

kær kveðja 

[Sigmar Þór Sveinbjörnsson, 4.6.2009 kl. 12:24]

Heill og sæll Kjartan, tek undir það að Addi var sómamaður og allir þeir bæður til fyrirmyndar.

þakka þér innlitið

kær kveðja

[Hallgerður Pétursdóttir (IP-tala skráð) 4.6.2009 kl. 20:02]

Kemur þú heim á sjómannadaginn?

[Sigmar Þór Sveinbjörnsson, 5.6.2009 kl. 19:10]

Heil og sæl frænka, nei ég fer ekki til Vestmannaeyja á þennan Sjómannadag.

takk fyrir innlitið.