Herjólfur á einni vél sem bilaði

Herjólfur var vélarvana í um hálfa klukkustun þegar hann var á siglingu frá Þorlákshöfn til Vestmannaeyja í gær. Þar að auki var skipið fjórum og hálfum klukkutíma lengur á ferð sinni fram og til baka frá Eyjum vegna vélabilunar. ,, það var aldrei nein hætta, það var gott í sjóinn og við vorum svo langt frá landi og í raun rak okkur lengra frá því " segir Hafsteinn Hafsteinsson skipstjóri. Þetta má lesa á forsíðu Fréttablaðsins í dag.

Það er að mínu mati grafalvarleg mál að fargegaskipið Herjólfur sem er búið tveimur aðalvélum skuli verða vélarvana á milli lands og Eyja, maður hélt að þetta væri úr söguni  með þessu skipi sem búið er tveimur aðal vélum. Það var talinn mikill galli á gamla Herjólfi að hann var með eina aðalvél, en sem betur fer var mikil gæfa sem fylgdi því skipi og hingað til hefur svo verið með þann Herjólf sem nú siglir milli Vestmannaeyja og Þorlákshafnar og vonandi verður svo á komandi árum. Það ætti í raun ekki að leyfa að sigla farþegaskipum öðru vísi en að hafa báðar aðalvélar í lagi, alla vega ekki þegar allra veðra er von. Það er ekki skemmtileg tilhugsun ef siglt er á einni vél og hún bilar í öflugum álandsvindi. Það er svo umhusunarvert hve oft skipið virðist bilað, nú um nokkurn tíma hefur annar ugginn  verið bilaður og ekki virðist hægt að gera við hann í bráð.  Hér áður fyrr var slagorð Herjólfs HF. HERJÓLFS FERÐ ER ÖRUGG FERÐ, þetta ætti að hafa í huga í dag og alla daga.

Kær kveðja SÞS

 

Athugasemdir

[Helgi Þór Gunnarsson, 14.12.2008 kl. 19:33]

Sæll Sigmar, þetta er farið að vera grafalvarlegt mál, hugsaðu þér það ef smurolíuskilvindan bilar þá þarf að stoppa báðar vélar, sem bara bull, en þetta sagði mér vélstjóri sem var þarna í fyrra, jæja hvað um það, þrjár bilannir á fimm dögum er dauðans alvara, Herjólfur er ekki einhver skítakoppur frá þriðjaheimslandi.

Kær kveðja frá Eyjum. 

[Sigmar Þór Sveinbjörnsson, 14.12.2008 kl. 21:02]

Heill og sæll bloggvinur, já þetta er grafalvarlegt mál að ég tali ekki um þessar upplýsingar sem þú kemur þarna með, en áttu ekki við brennsluoluskilvindu Helgi ?

kær kveðja

[Rósa Aðalsteinsdóttir, 14.12.2008 kl. 22:05]

Sæll og blessaður.

Skemmtilegt að finna þig á blogginu.

Slæmar fréttir af Herjólfi. Skil ekki af hverju var ekki reynt að aðhafast eitthvað í Þorlákshöfn því þá var greinilega komið upp vandamál. Mikil áhætta að sigla til baka og þá varð skipið vélavana. 

Lán í óláni að veðrið var skaplegt en þetta má ekki því þarna hefði getað farið öðruvísi. 

Brennt barn forðast eldinn á meðan fullornir halda að þeir hafi allt í hendi sér og geti stýrt veðri og vindum.

Búin að skoða bloggið þitt og þetta er virkilega flott hjá þér kæri vinur.

Vertu Guði falinn

Kær kveðja/Rósa

[Árni Sigurður Pétursson, 15.12.2008 kl. 09:24]

Mér finnst alltaf jafn merkilegt þegar að fólk talar um að það sé engin hætta á ferðum í svona tilvikum...

þetta er 2000 tonna(að mig minnir) skip með slatta af farþegum sem að var stjórnlaust á reki við suðurströndina, búið að sýna fram á það að ekki þýðir að varpa ankeri þar sem að það grípur helst ekki þarna

auðvitað er hætta á ferðum við svona tilvik.

vildi bara þannig til við þetta tilvik að það varð ekkert úr hættunni, þar sem að vandamálinu var afstýrt. 

[Hafsteinn Viðar Ásgeirsson, 16.12.2008 kl. 08:57]

Their hefdu nù kannski aldrei farid ùr Thorlàkshøfn ì vitlausu àlands-vedri, svo thad er nù varla hægt ad tala um ad vedrid hafi bara verid heppni. En tek undir thad, allt of mikid um bilanir ì bàtnum ad undanførnu.

[Hallgerður Pétursdóttir (IP-tala skráð) 16.12.2008 kl. 08:58]

Kær kveðja til þín frændi þetta voru afleitar fréttir

[Jóhann Elíasson, 16.12.2008 kl. 21:33]

Þetta er alveg rétt hjá Árna.  Er ekki löngu kominn tími á nýtt skip?

[Sigmar Þór Sveinbjörnsson, 16.12.2008 kl. 23:29]

Heil og sæl öll sömul . Það er að auðvitað óásættanlegt að farþegaskip með tvær aðalvélar sé að bila á þessari leið, í þetta skipti var gott veður og skipið á góðum stað með hagstæða vindátt. Hafsteinn ég sagði ekki að veðrið hafi verið heppni, ég benti bara á að það er mikil hætta á ferðum ef skipið bilar í öflugum álandsvindi, það þarf ekki að vera vitlaust veður, eins og þú veist er þetta skip mjög hátta á sjónum mig minnir að augahæð í brú sé 18 metrar en það ristir aðeins 4 metra, þannig að það er mikið rek á svona skipi ef það flatrekur vélarvana. Það er að vísu búið góðum akkerum sem geta haldið því frá landi þar til hjálp bærist. Jóhann það er kominn tími til að fá nýtt skip en eins og þú veist er ekki til fjarmagn til þess nú.

Þakka ykkur öllum innlitið

kær kveðja