Ísland er landið þitt

Nú á þessum erfiðleika og óvissutímum kemur aftur og aftur upp í hugann þetta fallega ljóð eftir Magnús Þór, þetta ættum við að spila oftar á útvarpsrásum.  

Hér eru tveir vitar staðsettir á okkar fallega lendi, spurningin er: Hvaða vitar eru þetta og hvar eru þeir staðsettir ? Svar óskast ?

Svar: Hópsnesviti og Hvalnesviti

  

 Ísland er land þitt

Ísland er land þitt, og ávallt þú geymir
Ísland í huga þér, hvar sem þú ferð.
Ísland er landið sem ungan þig dreymir,
Ísland í vonanna birtu þú sérð,
Ísland í sumarsins algræna skrúði,
Ísland með blikandi norðljósa traf.
Ísland að feðranna afrekum hlúði,
Ísland er foldin, sem lífið þér gaf.

Íslensk er þjóðin sem arfinn þinn geymir
Íslensk er tunga þín skír eins og gull.
Íslensk er sú lind,sem um æðar þér streymir.
Íslensk er vonin, af bjartsýni full.
Íslensk er vornóttin, albjört sem dagur,
Íslensk er lundin með karlmennskuþor.
Íslensk er vísan, hinn íslenski bragur.
Íslensk er trúin á frelsisins vor.

Ísland er land þitt, því aldrei skal gleyma
Íslandi helgar þú krafta og starf
Íslenska þjóð, þér er ætlað að geyma
íslenska tungu, hinn dýrasta arf.
Ísland sé blessað um aldanna raðir,
íslenska moldin, er lífið þér gaf.
Ísland sé falið þér, eilífi faðir.
Ísland sé frjálst, meðan sól gyllir haf.

       Magnús Þór Sigmundsson / Margrét Jónsdóttir

Kær kveðaja SÞS

Athugasemdir

[Helgi Þór Gunnarsson, 3.10.2008 kl. 23:49]

Sæll Sigmar, þetta er auðvita Stokksnesviti, kær kveðja frá Eyjum.

[Helgi Þór Gunnarsson, 4.10.2008 kl. 00:10]

Sæll Sigmar aftur, ég var eitthvað fljótfær á mér áðan, en myndin hægramegin er að mér finnst vera Stokknesviti, og vinstramegin held ég að sé en veit ekki hvort er rétt en ég giska á Dyrhólaey. Kær kveðja aftur frá Eyjum.

[Laugi (IP-tala skráð) 5.10.2008 kl. 12:49]

Sælir herra Sigmar.

Sá með mastrinu á bak við sig er á austurlandi rétt norðan Berufjarðar,man ekki nafnið higg þekki ég ekki,gæti samt verið Stokksnesviti,allavega ekki Dyrhólaey eður Ingólfshöfða.

Kv Laugi

[Laugi (IP-tala skráð) 5.10.2008 kl. 12:55]

Ísland er land þitt 

 er eitthver fallegasta ástajátning til landsins sem til er á Íslensku.

[Sigmar Þór Sveinbjörnsson, 10.10.2008 kl. 22:28]

Heilir og sælir Helgi og Laugi rétt svar er: Hópsnesviti og Hvalnesviti

Þakka ykkur kærlega innlitið og athugasemdir.

kær kveðja