Myndir frá netavertíð 1965

Þessar myndir eru teknar um borð í Leó VE 400 á vetrarvertið 1965. Á þessari vertíð var á tímabili bæði verið með net og troll. Netin voru dregin á daginn en trollað á nóttini, þarna voru menn ungir og hraustir, og munaði ekki um að vaka eins og eina vorvertíð eins og ónefndur maður sagði um árið.

Mynd 1. Sigmar Þór, Elvar Andresson og aftari röð Jón ?? , Kristján Valur og Sigurður Ögmundsso, Mynd 2 Sömu Menn að bæta trollið. Mynd 3. Elvar Andresson og mynd 4. Óskar Matthíasson með hangijöt á fati sem Siggi kokkur var búinn að útbúa sem Víkingaskip, ( þarna var verið að keppa um Aflakónginn) en Siggi er algjör snillingur í matargerð, í stýrishúsglugga sýnist mér vera Andres í Mjölner .

Kær kveðja

Athugasemdir

[Þórarinn Sigurðsson (IP-tala skráð) 4.3.2008 kl. 17:04]

Sæll vertu Simmi minn,þetta er byrjun á skilaboðum sem Lýður Ægis og félagar notuðu þegar þeir voru með skemmtiþátt ,sungu og spiluðu gamanvísur um kollega sína á sjónum og notuðu talstöðina sem útvarp,man reyndar ekki á hvaða bát þeir bræður Lýður og Gylfi voru,kannski er þetta rugl hjá mér.en eftir stendur,að á þetta var mikið hlustað allavega í Neista þar sem ég vann,hin svokallaða bátabylgja,2311 glumdi yfir okkur allan daginn.... Þessar myndir vöktu upp hjá mér þessar mynningar kv þs

[Guðjón H Finnbogason, 4.3.2008 kl. 19:45]

Sæll félagi.Það er rosalega gaman að þessum upprifjunum þínum.

[Hafsteinn Viðar Ásgeirsson, 4.3.2008 kl. 19:53]

Svona veiðiskap var ég á eina vorvertíð, netin á daginn og trollið á nottinni. Minnir að það hafi verið vorið 1968 hjá Jósef heitnum Geir sem þá var með Pétur Jónsson ÞH 50 frá Stokkseyri. Það dugði okkur reyndar til að komast nokkur tonn upp fyrir Henning Frederikssen á Bjarna Ólafssyni, en þeir gátu ekki trollað með netaveiðunum og voru ekki mjög hamingjusamir með þetta "svindl" okkar...

Það er eins og Þórarinn segir, þessar myndir vekja upp minningar og reyndar líka þessi upprifjun hans um Lýð Ægis.....

[Sigmar Þór Sveinbjörnsson, 4.3.2008 kl. 21:29]

Heilir og sælir og takk fyrir ykkar athugasemdir. Já það er gaman að rifja upp þessa gömlu góðu tíma þegar sjórinnn var fullur af fiski og allir máttu veiða eins og þeir mögulega gátu. Það er rétt hjá þér Þórarinn þeir bræður voru duglegir að útvarpa gegnum talstöðina og man ég vel eftir því bæði á Leó  og Elliðaey að Gylfi Ægisson söng og spilaði á harmónikku og talstöðvartólinu var haldið opnu fyrir framan hann. Það sem gerði þetta enn skemmtilegra var að bæði Gylfi og Líður gerðu textana sjálfir og oft voru þeir um einhverja sjóara sem allir þekktu. Ég hitti Gylfa um daginn og hann var einmitt að tala um þessar útsendingar við mig. Það vill nú svo skemmtilega til að ég hef undir höndum teip með einum af söngvum Gylfa.

Strákar Takk fyrir að hafa gaman að þessu eins og ég hef reyndar sjálfur

kær kveðja

[Þórarinn Sigurðsson (IP-tala skráð) 4.3.2008 kl. 21:55]

Eins og ég man þetta þá voru  þetta ekki limrur sem fjölluðu um "einhverja sjóara"..Nei  Simmi minn þær fjölluðu um þig og þín helgarafrek og af því að Kolla á Hvasso er og verður vinkona mín þá verður þetta ekki rætt hér meir. heyrumst!!!!!!!

                                                                
 

[Matthías Sveinsson, 6.3.2008 kl. 00:26]

Sæll Sigmar Þór það er gaman að þessari síðu hjá þér , héðan er allt gott að frétta úr snjónum.

[Valur Stefánsson, 7.3.2008 kl. 00:16]

Gaman að sjá þessar myndir Sigmar.

kv. Valur