Innsiglingin til Eyja og Málfundafélag Stýrimannaskólans í Vm

Innsiglingin til Vestmannaeyja er örugglega sú fallegsta á landinu, á myndinni sést hluti af henni. og bátarnir eru Suðurey VE við bryggju, Frygg VE 41 blár og Sigurbára VE. Mynd Sigurgeir Jónasson

Þan 4. desember 1970 stofnuðum við nemendur í Stýrimannaskólanum félag sem við nefndum Málfundafélag Stýrimannaskólas í Vestmannaeyjum, fékk ég sem stjórnarmaður skírteini nr. 2.         í lögum félagsins stóð í 1. gr. :

1. Margmið félagsins er að efla styrkja allt, sem varaðr stöðu og starf sjómannsins.

2. Að æfa menn í framsögn og fundarstörfum, Kynning bókmennta og annað menningarstarf.,

Í 11. gr. sagði: Eldri nemendum skólans skal heimilt að mæta á fundum félagsins og starfa í félaginu , þeir skulu þó ekki hafa athvæðisrétt við stjórnarkjör.

Málfundarfélagið var mjög virkt þau ár sem við sem stofnuðum það vorum í skólanum, og fengum við marga fyrirlesara frá Reykjavík til að fræða okkur um hin ýmsu málefni. Má þar nefna menn frá Hafrannsóknarstofnun sem fræddu okkur um veiðarfæri (Guðni Þorsteinsson og fl.) og hafrannsóknir, Hannes Hafstein frá Slysavarnarfélaginu hann hélt erindi um öryggismál sjómanna, og svo komu menn sem fræddu okkur um meðferð sjávarafurða um borð í skipum. Eitthvað var um menningarfræðslu sem ég er búinn að steingleyma hverjir stóðu fyrir. Fjörugar umræður urðu oft á þessum fundum og er ég sannfærður um að félagið gerði okkur gott, var bæði fræðandi og þroskandi. Það má koma hér framm Að Guðjón Ármann Eyjólfsson skólameistari stóð með okkur og gerði sitt besta til að hjálpa okkur að fá fyrirlesara, hann og margir kennarar við skólan mættu á flesta fundi Málfundafélagsins. Ekki veit ég hvenær félagið lagðist af eða hvort það starfaði eftir að okkar árgangar útskrifaðist, en minningarnar um það eru ljúfar og góðar.

Kær kveðja Sigmar Þór

Athugasemdir

[Þorkell Sigurjónsson, 17.2.2008 kl. 10:23]

Sæll og blessaður Sigmar minn. Þetta hefur verið gott og hollt framtak hjá ykkur í skólanum og væri betur að meira væri um slíkt. En nú má enginn vera að neinu og sérstaklega ekki því sem lítur að félagslífi og mæta á fundum. Við sjáum t.d. mætingar á fundi stéttarfélaga.   Það þykir gott ef mæta tíu tólf manns. Tímarnir eru breyttir á þessu sviði. Samskipti fólks hefur minnkað nema það má segja Sigmar að Bloggið fyllir þarna kannski svolítið upp í.  Manst þú ekki Sigmar eftir honum Ólafi Erni sonur hennar mágkonu minnar Margréti Ólafsdóttir og Kristjáns Sigurjónssonar.? (Stjána pabba)  Stjáni var (er) fósturfaðir hans.

[Sigmar Þór Sveinbjörnsson, 17.2.2008 kl. 15:20]

Heill og sæll Þorkell, já það er mikil breyting á félagslífi frá því áður fyr. Eyjamenn voru nú frægir  hér áður fyrir hvað þeir voru duglegir að stofna félög og starfa í þeim. Sjálfur var maður samtímis starfandi í fjórum fjélögum og mætti ef ég gat á flesta fundi sem haldnir voru í þeim félögum.

Ég man vel eftir Ólafi Erni vélstjóra og reyndar einnig vel eftir Kristjáni og Margréti. Hvað er að frétta af Ólafi Erni ? Ég hitti hann fyrir nokkuð mörgum árum og þá var hann að mig minnir vélstjóri á togara.

kær kveðja

[Þorkell Sigurjónsson, 17.2.2008 kl. 22:18]

 Blessaður Sigmar. Jú að ég fór að minnast á hann Ólaf Örn var forviyni mín hvort þú þekktir hann. Í dag býr hann og starfar í Víetnam. starfar á skipi og auðvitað sem vélstjóri en þessi skip tengjast olíuborpöllunum sem eru undan strönd Víetnams. Hann á stórt einbýlishús ekki langt frá höfuðborginni. Hann á unga og fallega konu og eiga þau 6 ára dóttir saman. Fyrir 10 árum var hann giftur konu í Ástralíu. Þannig að strákurinn fer víða. Á dagskrá hjá okkur Ólafi er, að ég heimsæki hann innan 3 ára og finnst mér það spennandi tilhugsun. Á ég ekki að skila kveðju frá þér til hans? Er í góðu sambandi við hann á internetinu.  Kveðja.

[Sigmar Þór Sveinbjörnsson, 18.2.2008 kl. 12:56]

Heill og sæll Þorkell, Það er alltaf gaman að fá fréttir af þessum strákum, þeir fara víða Vestmannaeyingarnir. Þegar ég var með Sjómannadagsblaðið var það vinsælt efni sem strákar skrifuðu sem voru í siglingum eins og það var kallað. Samanber skrif Ólafs bloggvinar okkar. Mikið væri gaman að Ólafur Örn skrifaði um veru sína í Víetnam og Ástalíu, ég er viss um að eyjamenn hefðu gaman af þeim skrifum. Þú skrifar kannski Þorkell minn um heimsókn þína til Ólafs Örns þegar þar að kemur.

Jú endilega skilaðu góðri kveðju til hans frá mér, með ósk um að fá af honum meiri fréttir.

Ertu með netfang Þorkell ?

kær kveðja