Tómstundaskóli á Breiðabliki í Vestmannaeyjum

 Í húsinu Breiðabliki hefur margskonar starfsemi verið, þar lærði ég til 400 ha vélstjórnarréttinda, tók tvö stig í Stýrimannaskóla Vestmannaeyja og fór á ljósmyndanámskeið.

Í kringum árin 1960 til 1963 eða þar um bil ég man það ekki nákvæmlegar, var á Breiðabliki starfandi Tómstundaskóli þar sem ungmenni Vestmannaeyja gátu lært ljósmyndun, leiklist, saumaskap eða handavinnu, bast og tá held ég að það hafi verið nefnt og sjóvinnu.

Sjálfur fór ég í námskeið í ljósmyndun þar sem kennt var að framkalla og stækka ljósmyndir, kennari var Guðmundur Lárusson rafvirkji og vann hjá Haraldi Eiríkssyni. Margir sem voru á þessu námskeiði urðu seinna meir góðir ljósmyndarar og eiga í dag mikið safn ljósmynda.

Í leiklistinni var Unnur Guðjónsdóttir að kenna, ekki er mér kunnugt um hvort einhver af hennar nemendum hafi haldið áfram á þeirri braut. Myndirnar sem hér fylgja er af þeim sem voru í leiklistinni.  Set fleiri myndir frá þessum árum á Breiðabliki síðar.

Kær kveðja

Sigmar Þór

Athugasemdir

[Guðjón H Finnbogason, 8.2.2008 kl. 21:14]

Átti Haraldur Raftætjaverslun?

[Sigmar Þór Sveinbjörnsson, 8.2.2008 kl. 21:18]

Já Guðjón hann átti hana og seldi alskonar rafmagnsvörur, reiðhjól og varahluti í þau og margt fleira

kveðja

[Sigmar Þór Sveinbjörnsson, 9.2.2008 kl. 15:07]

Heil og sæl frænka já að er gaman að þessum myndum, það væi gott ef þú gætir nafngreint fleiri á myndunum.

kær kveðja

[Guðjón H Finnbogason, 9.2.2008 kl. 15:56]

Föðurbróðir minn vann þar hann var kallaður Bjössi á sokkaleistunum,nafngiftina fékk hann af því að hann var hvíslari hjá Leikfélaginu.

[Guðjón H Finnbogason, 9.2.2008 kl. 16:22]

Hvar er þessi ós Hallgerður

[Helgi Þór Gunnarsson, 9.2.2008 kl. 17:39]

Hallgerður átti Óskar heitin Matt þetta hús?

[Helgi Þór Gunnarsson, 10.2.2008 kl. 00:07]

Sæl Hallgerður, jú ég veit það. Kær kveðja frá Eyjum.