Gert klárt fyrir minningarathöfn á Sjómannadaginn í Vestmannaeyjum gosárið 1973

  Gert klárt fyrir Minningarathöfn. Mig minnir að Jóhannes Kristinsson hafi átt hugmyndina að því að fara til Eyja og halda þessa minningarathöfn. Hann var mikill áhugamaður um Sjómannadaginn í Vestmannaeyjum. Myndina tók Guðmundur Sigfússon

Af eðligegum orsökum voru ekki haldin hefðbundin hátíðarhöld á  Sjómannadaginn gosárið 1973, enda eldgosið í gangi og aska og vikur lág yfir öllum bænum. Að tilhlutan Sjómannadagsráðs Vestmannaeyja var vikur hreinsaður frá minnisvarða drukknaðra og hrapaðra svo hægt væri að leggja blómsveig að minnisvarðanum eins og venja hafði verið í tugi ára. Einar Gíslason flutti ritningar og minningarorð. Síðan söng ung stúlga með undirleik á gítar. Þetta var látlaus en tilkomumikil athöfn í góðu veðri.   

Athugasemdir

[Hafsteinn Viðar Ásgeirsson, 22.11.2007 kl. 20:43]

Það er nú ekki ólíklegt að Jói Kristins hafi átt svona hugmynd. Bæði þessi mikli og einlægi Eyjamaður og sérlegur áhugamaður um framgang sjómannadagsins. Blessaður kallinn.

[Sigmar Þór Sveinbjörnsson, 23.11.2007 kl. 23:28]

Takk fyrir innlitið Hafsteinn já Jói var góður og gerði margt gott þegar hann var í Sjómannadagsráði Vm. Hann fór allt of fljótt eins og svo margir aðrir góðir menn.

kveðja