Flugvöllinn áfram í Vatnsmýrinni

Skora á alla þá sem vilja hafa flugvöllinn áfram í Vatnsmýrinni að skrifa undir áskorunina. Þetta er einstakt tækifæri til að hafa áhrif og þar með verja þau mikilvægu öryggissjónarmið sem felast í því að hafa flugvöllinn áfram í Vatnsmýrinni.

 

 

 

 

 

 

Yfir 18 þúsund undirskriftir

Athugasemdir

[Espolin (IP-tala skráð) 20.8.2013 kl. 02:23]

Í Keflavík er flugvöllur sem er betur tækjum búinn og ekki eins oft lokaður vegna veðurs. Stutt frá flugvellinum er einnig sjúkrahús sem ekki þyrfti háa fjárveitingu til að geta veitt sömu neyðarþjónustu og er í Reykjavík og gott pláss er þar fyrir þyrlupall. Þannig að ef öryggissjónarmið eiga að ráða þá er Reykjavíkurflugvöllur ekki endilega besti kosturinn.

[Sigmar Þór Sveinbjörnsson, 20.8.2013 kl. 08:29]

Ætla ekki að svara þeim sem vilja ekki blogga undir nafni ??.

[Espolin (IP-tala skráð) 20.8.2013 kl. 10:13]

Þegar maður skoðar fyrri færslur þínar virðist þú ekki eiga í neinum erfiðleikum með að svara höfundarnöfnum sem taka undir með þér. Þannig að ég verð að gera ráð fyrir því að rökþrot séu ástæða þagnarinnar frekar en eitthvað prinsipp. Kurteislegast væri að taka það fram í "um höfund" að höfundarnöfn séu óvelkomin eða stilla bloggið þannig að fullt nafn þarf til að geta komið með athugasemdir.

Bless.