Nýr bátur smíðaður 1958

Frétt frá 1958

Nýr bátur smíðaður í Eyjum fyrir Þorleif Sigurlásson og Jónatan Aðalsteinsson sem verður formaður á bátnum. Báturinn  smíðaður í Skipasmíðastöð Gunnars Marel  og er byggður úr furu og eik.              Í bátnum er 66 hestafla Kelvin vél .

Kostnaðarverð 4 -500,000 krónur.

Úrklippan er frá árinu 1958

Athugasemdir

[Alli Jónatans (IP-tala skráð) 26.9.2012 kl. 19:18]

Geir VE :))

[Sigmar Þór Sveinbjörnsson, 27.9.2012 kl. 20:24]

Heill og sæll Alli, gaman að fá nafnið á bátnum þannig er hægt að fara í bækur Jóns Björnssonar íslensk skip en þar segir:

Geir VE 64 smíðaður í Vestmannaeyjum 1958. Eik. 13 brl. 66. ha. Kelvin dísel vél. Eig. Jónatan Aðalsteinsson og Þorleifur Sigurlásson Vestmannaeyjum, frá 24. feb. 1958. Báturinn var seldur 1. sept 1960 Halldóri jónssyni , Reykjavík, Herði Jónssyni og Arnóri V. Jónsyni, Ísafirði, báturinn hét Geir RE 61 . Seldur 28. mars 1961 Stefáni Jónssyni og Artúr Guðmundsyni Hólmavík og Þorarni Guðmundsyni , Akranesi, báturinn hét Sigurfari ST 117. Seldur 15. okt. 1974 Maríusi Kárasyni, Hólmavík. Báturinn talinn ónýtur og tekinn af skipaskrá 1. september 1986.

Kær kveðja og takk fyrir innlitið

[Sigurlaugur Þorsteinsson, 28.9.2012 kl. 08:48]

Sæll meistari Sigmar.

Ég er búinn að vera að leita að svipaðri vél og var sett niður í Geir og sú eina sem ég fann og gæti hafa verið sett í bátinn er þessi.http://www.youtube.com/watch?v=IswzQi-UDLY&feature=related

Ég man eftir því þegar þessi bátur var smíðaður og var oft þarna niður í slipp með pabba á þeim tíma,en þá voru þeir að skvera Herstein VE Ási,Eggert og pabbi.

Kv Laugi

[Alli Jónatans (IP-tala skráð) 29.9.2012 kl. 03:37]

Takk Simmi ég vissi ekki númerið (64 ). en frábært að geta rekið ferrilinn af bátnum .

Ástar þakkir frá Californíu. Alli og Co.