Frábær ferð til Vestmannaeyja laugardaginn 30. júni 2012

 Myndin er af bryggunni í Landeyjahöfn. Mynd tvö er af Norðurklettunum og Faxaskeri ásamt Lat, manni flaug í hug á leiðinni frá Landeyjahöfn hvort einhver væri enn á því að vilja ekki hafa þessa frábæru höfn við Bakkafjöru.

Á laugardaginn fórum við félagar í LH Sprota í frábæra ferð til Vestmannaeyja þar sem við fengum besta veður sem hægt er að hugsa sér. Eyjarnar skörtuðu sínu fegursta hvar sem á var litið, með spegilsléttann sjóinn og allt grænt og fallegt. Læt hér fylgja myndir og smá texta úr þessari ferð.

 Ystiklettur og skipið á myndinni heitir Dröfn og er í hringferð um Ísland með menn frá Siglingastofnun sem eru í árlegri þjónustuferð að yfirfara vita sem ekki er hægt að viðhalda frá landi. Þá er hér mynd af Smáeyjum, Blátindi og Dalfjalli, myndin tekin frá Ofanleitishamri.

Á mynd eru t.f.v: Víglundur, Kristjana, Ásta, Kristján, Gils, Þrúða, Sigmar Þór, Kolbrún, Hólmfríður og Sigurður Óskarsson sem var leiðsögumaður. Næsta mynd: Kolbrún, Sigurður, Þórarinn og Gils.

Stoppað var uppi á Stórhöfða og þar var boðið upp á öl og súkkulaðibita, algjört logn var uppi á stórhöfða, já ég sagði logn og stend við það.

 Þeir stóðu sig vel þessir fjallmyndarlegu menn þeir Þórarinn sem keyrði okkur um alla Heimaey og Sigurður leiðsögumaður sem er ótrúlega fróður um sögu og örnefni í Eyjum, myndina tók ég uppi á Stórhöfða, og síðan er hér mynd af Kollu og Sigga bróðir hennar.

Þá var farið í Gaujulund, þangað er alltaf jafn gaman að koma og er gaman að sjá hvað þarna er vel hugsað um garðinn, sem er frábært minnismerki um þau sæmdarhjón Gauju og Ella.

 Ekki er hægt að koma til Vestmannaeyja öðru vísi en að líta á Skansinn og hafnargarðinn og skoða það sem þar er að sjá, þetta er í dag einn fallegasti staður á Heimaey, bæði á veturna og sumrin. Ekki hafði ég áður séð þessa himinmigu í gangi sem ekki skemmir stemminguna þarna á Hafnargarðinum

Öllum hópnum var boðið í kynningu í glæsilegt fyrirtæki Grímur Kokkur þar sem Grímur sýndi okkur og fræddi um það sem sem framleitt er hjá þessu frábæra matvælaframleiðslufyrirtæki.

Boðið upp á  humarsúpu sem var mjög góð, plokkfisk sem nú hefur slegið öll met og er ein vinsælasta afurð fyrirtækisins, og ekki var nýasta framleiðsla Grims síðri, en Grímur kokkur er nú komin með þrjár nýjar tegundir af fiskstautum, tveir þeirra fylltar sósum í miðju en einn af þeim hreinn fiskur. Allir voru á einu máli um að mæla með þessari nýju vöru Grims Kokk. 

Færeyingurinn vinur Gríms skenkti okkur húmarsúpu og þarna eru fiskstautarnir sem boðið var upp á hjá Grími. Við þökkum kærlega fyrir frábærar mótökur.

Áður en farið var í hringferð var að sjálfsögðu gengið um miðbæinn og skoðað það sem fyrir augu bar. Skemmtileg gangbraut þetta sem er staðsett framan við ríkið. ( Ekki farið þar inn í þetta skipti)

 

 

Hópurinn uppi við hlíðar Eldfells séð yfir Vestmannaeyjabæ T.f.v: Kristján, Ásta, Viglundur, Kristjana, Hólmfríður, Sigmar Þ. Kolbrún, Þrúða,Gils og Sigurður leiðsögumaður.

 

 

 

 

 

 

 

 

Að lokum var farið í hringferð um Heimaey með Viking og sú ferð var frábær enda veður eins og best verður á kosið.

 

 

 

 

Að kvöldi var aftur farið með Herjólfi upp í Landeyjarhöfn og keyrt sem leið lá til Selfoss þar sem hópurinn grillaði saman lambakjöt með tilheyrandi meðlæti.

Lokið var frábærum degi sem lengi verður í minnum hafður.

 

 

 

 

 

 

Við ljúkum þessu með mynd af Heimakletti, sem að mínu viti er einkenni Vestmannaeyja og það sem alltaf kemur upp í hugan þegar Vestmannaeyjar eru nefndar, alla vega er það þannig með mig.

SÞS

Athugasemdir

[Sigridur Theodorsdottir (IP-tala skráð) 2.7.2012 kl. 17:27]

Sæll Simmi minn,

gaman að sjá þessar skemmtulegu myndir!! Það hefur ekki verið leiðinlegt hjá ykkur með Sigga sem fararstjóra!! Takk fyrir að deila þessu með okkur.

Bestu kveðjur+

Sigga

[Guðný Ingvarsdóttir (IP-tala skráð) 3.7.2012 kl. 10:03]

Sæll Simmi. 

Ég var í Eyjum nefndan laugardag.  Sat í móanum austan við Hraunbúðir, blóðberg, gulmura, sóleyjar og smárabreiður um allt.  Dásamlegur ilmur og maður verður 7 ára aftur   Veðrið þennan dag einstakt og  Eyjarnar skörtuðu sínu fegursta. Gengum út á Skans í kvöldsólinni og kyrrðinni, áður en við fórum til lands með næturferð.  Gerist ekki öllu betra.  Bestu kveðjur í þitt hús.

Guðný Ingvars

[Geirþrúður Sigurðardótti (IP-tala skráð) 3.7.2012 kl. 14:29]

Sæll Simmi, mikið er gaman að skoða þessar myndir, þær eru frábærar eins og Eyjarnar eru auðvitað.

Nú rann upp fyrir mér hvað Siggi minn getur tekið að sér þegar hann fer að minka við sig vinnuna í VERKSMIÐJUNNI, hann hefur örugglega verið skemmtilegur fararstjóri.

Bestu kveðjur til þín og Kollu.

Geira

[Sigmar Þór Sveinbjörnsson, 3.7.2012 kl. 19:47]

Heilar og sælar Sigríður, Guðný og Geira og takk fyrir innlitið og góðarc athugasemdir. Já Eyjarnar eru fallegar á þessum árstíma og ekki dónalegt að heisækja Heimaey og njóta þess að ferðast um eyjuna með svona líka frábæran fararstóra og bilstjóra.

Já Guðný og Geira, Siggi á Hvassó gæti örugglega fengið vinnu sem fararstjóri ekki skortir hann hæfileika og þekkingu á Vestmannaeyjum, en hvort hann langi sjálfan til að söðla um læt ég liggja milli hluta.

Kær kveðja