Við flöggum íslenska fánanum á 17. júní

Fáninn okkar

Eftirfarandi ljóð um okkar fallega íslensa fána gerði Einar Sigurfinnsson, ég setti  það inn á bloggið mitt 2011 og endurbirti það hér nú í tilefni 17. jjúní.

Einar Sigurfinnsson F. 14. sept. 1884 D. 17. maí 1979.Einar bjó um tíma í Vestmannaeyjum með konu sinni Raghildi Guðmundsdóttir og starfaði þá m.a. hjá Póst og síma.

Fáninn okkar, er eftir Einar Sigurfinnsson

Fáninn okkar

-

Fáninn blaktir hátt við hún.

Á helga krossi sigurrún

merki þetta minnir á

mann hvern er það kann að sjá.

-

Þrílitt merkið minnir á

og mestan leyndardóm vill tjá

um þrenning helga í himnadýrð

er hvorki verður séð né skýrð.

-

Hvert sem landan báran ber

blæjan hreina minna fer

á blámann heiða, bjarta mjöll

og bjarmann elds er loga fjöll.

-

Tvílitur mun tákna kross

trúarinnar dýrsta hnoss

blóðgan sveita, benja tár

brotin læknuð hvít sem snjár.

-

Hvar sem blæjan blaktir hrein

bæn til himins stígur ein:

Helguð krossins hreinni glóð

hátt æ stefni Íslands Þjóð.

-

Fyrsta sumardag 1960.

Einar Sigurfinnsson

Athugasemdir

[Guðrún María Óskarsdóttir., 18.6.2012 kl. 01:13]

Mjög fallegt Sigmar.

kv.Guðrún María.

[Ásthildur Cesil Þórðardóttir, 18.6.2012 kl. 11:37]

Flott ljóð.

[Sigmar Þór Sveinbjörnsson, 19.6.2012 kl. 20:15]

Heilar og sælar og takk fyrir innlitið, já þetta er flott ljóð eftir  Einar Sigurfinnsson.

Ég man vel eftir þessum manni er hann bjó í Vestmannaeyjum.

Kær kveðja