Heimaey eftir Sveinbjörn Á. Benónýsson múrara og skáld.

  

 Kvæðið Heimaey er eftir Sveinbjörn Á. Benónýsson múrara og skáld, myndin hér að ofan er af honum.

 

Heimaey

Eyjan mín fagra í úthafi bláu

með algrænum túnum og fjöllunum háu,

eldsteyptum dröngum og blómskrýddum bölum

brekkum og lautum, hlíðum og dölum.

-

Þig munum vér ávalt og morgnana þína,

er móar og grundir í daggperlum skína

og gleymum þér aldrei í gullvefjartrafi,

þá glampandi röðullinn stigur úr hafi.

-

Vér dáum þig öll, sem að eigum hér heima.

Annað þó flyttum vér seint myndum gleyma

draumfegurð þinni í litbrigðaloga,

er lækkandi kvöldsólin stafaði voga.

-

Jafnt, þegar brimið á brjóstum þér svellur

og báran með hægð upp að ströndinni fellur,

Þú hrífur og eggjar hvern hálfvaxinn snáða

á hafið að sækja, til starfa og dáða.

-

 Hér hefur faðirinn hnigið í valinn.

Við hættur var sonur og dóttirin alin.

Harmþrungin móðir sem hetja að verki

hóf þá upp störfin og bónda síns merki.

-

Þú breiðir út faðm móti börnunum öllum,

hvort berast um sæ eða ganga í fjöllum,

og lykur þau armi og iðgrænum feldi

að afloknu verki á síðasta kveldi.

-

 Svo bið ég þú verðir um aldur og ævi,

Eyjan mín fagra í hrinjandi sævi,

veitul og gæði þeim börnum, sem búa

við barm þinn, á Guð sinn og landið sitt trúa.

-

Höfundur Sveinbjörn Ágúst Benónýsson

 

Athugasemdir

[Guðrún María Óskarsdóttir., 28.11.2011 kl. 01:47]

Sæll Sigmar.

Yndislega fallegur kveðskapur.

kv.Guðrún María.

[Sigmar Þór Sveinbjörnsson, 6.12.2011 kl. 14:55]

Heil og sæl Guðrún María og takk fyrir innlitið, já Sveinbjörn hefur verið frábært skáld. Töluvert er til af kvæðum og vísum eftir hann viða í vestmannaeyjablöðum og bókum. Ekki veit ég til þess að hann hafi gefið út Ljóðabók. En það væri gaman að taka saman þessi ljóð hans og gefa út í bók.

Kær kveðja