Gamalt og nýtt

Í ritinu Gamalt  og nýtt frá árinu 1950 er að finna eftirfarandi vísu:

Örsökin.

Maður ávarpaði stúlku á þessa leið:

Þú ert þykk að framan

þar með föl á kinn.

Stúlkan  svaraði:

Við höfum lengi sofið saman

sú er orsökin.

 

Svipaða vísu lærði ég fyrir margt löngu, en þá var hún Svona.

Stúlka ávarpaði mann á þessa leið:

Því er ég svona feit að framan

og föl á kinn?

Og hann svaraði :

Það hefur einhver gert þér gaman

og gamninu slegið inn.

Athugasemdir

[Halldór B. Halldórsson (IP-tala skráð) 2.12.2011 kl. 13:41]

Kannast við þessar..... Og ef mér skjátlast ekki þá er þetta handbragðið hans Egils Jónasonar frá Húsavík þess mæta mans. Þau hjón þekkti ég mjög vel og var oft og iðulega settur í pössun hjá þeim enda bjuggu þau í sama húsi og foreldrar mínir..

[Sigmar Þór Sveinbjörnsson, 6.12.2011 kl. 14:50]

Heill og sæll Halldór og takk fyrir innlitið. Ég held að seinni vísan sé eftir Sveinbjörn Benónýsson.

kær kveðja

[Halldór B. Halldórsson (IP-tala skráð) 8.12.2011 kl. 09:38]

Já sæll og blessaður Simmi, já þú segir það, þetta kostar rannsóknarvinnu því ég held mig fast við Egil Jónasson frá Húsavík, þessar hendingar voru hafðar uppi oft og iðulega eftir að maður komst til vits og ára. Verst að maður á ekki bókina hans en ég læt þig vita því ég er ekki sáttur fyrr en kominn er botn í þessar tvær stökur... Já held að minnið svíki mig ekki Simmi og ætla ég mér að halda fast í þá skoðun mína að hendingarnar tvær séu eftir Egil,  kyngi því með með glöðu sé þetta rangt hjá mér... En haltu áfram á sömu braut Simmi, alltaf gaman að glugga í skrifin þín... Með bestu kveðju einn þrjóskur.