Guðmundur Tegeder, um tóbak og fl

 

 

  Guðmundur Tegeder

Um tóbak. 

Áður bar ég: kappi knár

kippurnar um mjóbak,

er nú skar með brenndar brár

bölvað fari tóbak- .

 

Svo mun rökkur sálu villa,

svartur klökkvi skálir fylla,

moldarkökkur málið stilla,

maður slökktu bálið illa.

 

--------------------------------------------

 

 Þrjár stökur. I.

Fellur ör á bogaband,

boginn sá er kona -

hæfir síðan lítið land,

lifið það er svona.

 

 

 II.

Veistu hver úr vetrarbil

vex með styrku spori,

fótur alls, sem finnur til

fyrst á hverju vori ?

 

III.Ég glaður myndi ganga ber,

að gleyma skuldasúpunni,

því ég er – eins og kallað er –

á kúpunni…

 

 

  Guðmundur Tegeder

Guðmundur H. Tegeder fæddist 15. júlí 1949. Hann lést 13. apríl 2011. Útför Guðmundar fór fram frá Landakirkju í Vestmannaeyjum 20. apríl 2011

Athugasemdir

[Guðrún María Óskarsdóttir., 20.9.2011 kl. 01:14]

Sæll Sigmar.

Snilldarkveðskapur.

kv.Guðrún María.

[Sigmar Þór Sveinbjörnsson, 20.9.2011 kl. 21:27]

Heil og sæl Guðrún María og takk fyrir innlitið. Já það er margt gott sem komið hefur frá Guðmundi,

en sem betur fer er töluvert af hans kveðskap varðveitt í Þjóðhátíðarblöðum og fleiri ritum sem gefin hafa verið út í Eyjum.

Kær kveðja