Tréskipasmiðir eru fáir á Íslandi

 Móna GK 303 í slipp í Njarðvíkum, þessi fallegi bátur var þar til viðgerðar. Móna GK er smíðuð í Hafnarfirði 1974. Skipasmíðastöðin Básar HF smíðuðu bátinn úr eik og furu.  Hann er 20 brúttílestir að stærð. Virkilega fallegur bátur og gaman að eigendur hans skulu halda honum í góðu standi.

Þessar myndir eru af skipasmiðunum sem eru að gera við bátinn í Njarðvíkurslipp. Á mynd 3 er Auðunn Gestsson og þar sést á 3 nýja plánka sem þeir hafa lokið við að setja í byrðinginn. Á mynd 2 eru Auðunn og Haukur Aðalsteinsson skipasmiðir við bátinn og þarna sést að ekki er viðgerð alveg  lokið, en á eftir að setja einn plánka í stjórnborðsíðu. Þessir menn kunna sitt fag upp á 10, virkilega vel gert hjá þeim. Það er mikið vandaverk að setja planka í afturstefni á svona bát  svo vel fari. Því miður eru bátasmiðir að tína tölunni og fáir eða engin að læra þessa iðngrein.

Báturinn hefur heitið eftirtöldum nöfnum: Haftindur HF 123, Gunnvör ST 039, Glettingur NS 100, Lena GK 072 og Lena ÍS 061 og nú heitir hann Móna GK 303, skipaskrárnúmer hans er 1396.

 

 Auðunn Gestson  og Haukur Aðalsteinsson skipasmiðir í Njarðvíkurslipp kunna sitt fag.

 

Athugasemdir

[Axel Jóhann Hallgrímsson, 30.6.2011 kl. 20:45]

Gaman að sjá kollega að störfum.

[Helgi Þór Gunnarsson, 2.7.2011 kl. 10:11]

Sæll Sigmar, já það er gaman að fylgjast með handbrögðum þessara manna, ég fékk tækifæri nú í vor að fylgjast með einum góðum hér í Eyjum er Þórólfur heitir, en hann var fengin til að lappa upp á björgunarbátinn í læknum.

kær kveðja frá Eyjum.

[Sigmar Þór Sveinbjörnsson, 2.7.2011 kl. 11:29]

Heilir og sælir Axel og Heldi og takk fyrir innlitið. Já þetta er orin sjaldgæf sjón að sjá þessa menn gera við tréskip. Þarna eru tveir mjög færir skipasmiðir að störfum, og þess vegna fannst mér tilvalið að setja þá hér á bloggð mitt.

Já Helgi Þórólfur er einnig klár í þessu fagi enda búinn að vera lengi í þessum bransa, það er slæmt að þessi starfstétt er að hverfa, engin endurnýjun hefur átt sér stað í fjöldamörg ár, vegna stefnu stjórnvalda á síðustu 20 árum.

Kær kveðja

[þs (IP-tala skráð) 2.7.2011 kl. 23:06]

Sæll vertu,,er ekki bátur sem Bárður Auðunss í Skipaviðgerðum og hans menn, smíðuðu í Hafnarfirði þegar þeir fluttu þangað í gosinu,allavega hét fyrirtækið þeirra Básar kv þs

[Sigmar Þór Sveinbjörnsson, 3.7.2011 kl. 08:00]

Heill og sæll Þórarinn og takk fyrir innlitið. Jú það er rétt hjá þér þetta er bátur sem Bárður og félagar smíðuðu. Auðunn skipasmiður sem er þarna á myndinni er skyldur Bárði, en ég man ekki hvernig þeir eru tengdir.

Kær kveðja