Umræðan um kvótakerfið er á einn veg

Það má segja að umræðan um kvótakerfið sé á einn veg, aðeins heyrist í einum hóp manna, nema hér á blogginu. Ég ætla ekki að taka afstöðu til þessa umdeilda kvótafrumvarps, einfaldlega vegna þess að ég hef ekki kynnt mér það, aðeins lesið greinar í blöðum sem nánast eingönu ganga út á það að frumvarpið sé í alla staði ómögulegt. Samt hitti ég fjölda sjómanna sem segja þetta sé spor í rétta átt, en þurfi lagfæringar við, mikill meirihluti landsmanna vill að breytingar verði gerðar á kvótakerfinu.

 Þetta væri góður strandveiðabátur

Það er ekki gott og kann ekki góðri lukku að stýra að að það sé eingöngu einn hagsmunaðili sem tjáir sig um þetta umdeilda frumvarp það þarf umræðu allra hagsmunaaðila. Það er líka merkilegt að Félag Strandveiðimanna skuli vera steindautt eða skuli ekki svara þeim gengdarlausa áróðri sem á strandveiðimönnum dynur, jafnvel frá þeirra starfsfélögum á öðrum skipum. Sagt er að Strandveiðimenn  komi með ónýtan fisk að landi, það er nýtt fyrir mér að neta og trollfiskur sé betri en handfærafiskur.("kvótabátar komi með betri fisk") Einnig er sagt að á strandveiðum sé mestmegnis  menn sem hafi selt kvótan sinn, en eru nú komnir á strandveiðar aftur og vilji fá aftur fiskinn sem þeir seldu öðrum útgerðarmönnum.

Ég veit að mikið af þessum strandveiðisjómönnum eru þaulvanir reyndir sjómenn sem eru að upplifa draum sem flest allir sjómenn dreyma um, það er að eiga sinn eigin bát. Það er nefnilega ekkert eins skemmtilegt og vera á trillu og veiða fisk á handfæri, enda er það draumur allra sjómanna. Strandveiðar gefa sjómönnum þetta tækifæri að hvíla sig á endalausum útiverum og vera frá fjölskyldu og vinum dögum, vikum og stundum mánuðum saman.

Eitt af mínu starfi er að taka út öryggisbúnað hafna, Í samskiptum mínum við hafnarstarfsmenn á minni stöðum kringum landið hefur mér verið sagt að strandveiðarnar hafi fært aftur líf í þessa staði, þeir hafi aftur fengið hluta af lífsviðurværi sínu sem áður var hirt af þeim. Lítið hefur verið rætt um þennann þátt í fjölmiðlum.  

Mig minnir að það sé til félag kvótalausra skipa, ekkert heyrist í þeim hópi útgerðarmanna. Mér er sagt að þeir vilji ekki tjá sig af hræðslu við að fá ekki leigukvóta hjá kvótaeigendum, ekki veit ég hvort það er rétt en skrítið er að þeir skuli ekki tjá sig um þetta margumtalaða kvótafrumvarp. Kannski er þetta þannig í pottinn búið að best sé að fylgja þeim ofursterka, með það í huga að kannski fái menn einhverja mola sem til falla ef maður fylgir sterkum straumnum? Sumir segja hlutina í færri orðum en aðrir, við skulum enda þennan litla pistil með þessari vísu um menn sem fara vel í vasa þeirra "sterku":

 

Í mannfjöldanum má sjá enn

þar margra kennir grasa,

ansi góða og mæta menn,

sem mjög vel fara í vasa.

 

Höfundur óþekktur

 

  

Athugasemdir

[Guðrún María Óskarsdóttir., 24.6.2011 kl. 02:01]

Sæll Sigmar.

Hafandi rætt og ritað nær endalaust um kvótakerfið gegnum árin, er ég að hugsa um að fara ofan í frumvarpið um breytingar og gefa mitt álit beint til þings í eigin nafni, þessu sinni.

kv.Guðrún María.

[Ólafur Örn Jónsson, 25.6.2011 kl. 00:45]

Flott grein hjá þér Sigmar. Já ég trúi því að ekki megi láta heyra í sér ef maður lifir á Leigukvótanum. Þetta kunna kvótahafar. Að nota völdin sem fylgja því að hafa EINOKUN á auðlindinni og geta drottnað.

Það á bara að gefa þessar veiðar frjálsar þær áttu aldrei erindi inní kerfið. Við hlógum að þessu þegar Tvíhöfðanefdin lögleiddi þetta. En við vissum ekki þá að Handfæraveiðarnar voru teknar inn í Kvótakerfið til að skapa eftirspurn og hækka verð á kvótunum. 

En ef ekki næst í gegn að gefa þetta frjálst er gott að þessar strandveiðar eru að festast í sessi og þarf að styðja við bakið á því. Eins þarf að slípa aðferðina það er mikill akkur á kerfinu að ekki megi veiða á laugardögum og sunnudögum til að vera með ferskan fisk á mánudags mörkuðum.

[Sigmar Þór Sveinbjörnsson, 28.6.2011 kl. 21:25]

Heil og sæl Guðrún María, takk fyrir innlitið. Já það er ekki galin hugmynd að koma sjónarmiðum sínum þannig á framfæri. Það er í raun furðulegt hvað lítil umræða er um kvótakerfið nema frá þeim mönnum sem vilja eiga kvótann. Það er samt gaman að lesa bloggið þar sem fleiri fá að tjá sig um þetta umdeilda mál.

Kær kveðja

[Sigmar Þór Sveinbjörnsson, 28.6.2011 kl. 21:34]

Heill og sæll Ólafur og takk fyrir innlitið og athugasemdina þína. Það er ótúlegt hvað búið er að þagga niður í mörgum sem þó einnig eiga hagsmuna að gæta í þessum málum. Því miður er maður ekki  mikð inn í þessum kvótamálum þar sem ég hef ekki kynnt mér þessi mál nógu vel. En ég hef rætt við marga sjómenn og kvótalausa útgerðarmenn sem segja það lífsspursmál að kvótakerfinu verði breytt og fleirum gefin kostur á að veiða fiskinn í sjónum. Það sem er ótrúlegt við alla þessa umræðu er að margt sem sagt er til að verja kvótakerið er bara hreint bull sem alltof margir kokgleypa.

kær kveðja

[Árni Sigurður Pétursson, 28.6.2011 kl. 22:29]

"Eins þarf að slípa aðferðina það er mikill akkur á kerfinu að ekki megi veiða á laugardögum og sunnudögum til að vera með ferskan fisk á mánudags mörkuðum."

Mánudagsuppboðin eru þau stærstu í vikunni.
og í stórum hluta tilfella er þessi strandveiðikvóti boðinn upp nýr, það er að segja á deginum sem að hann er veiddur

[Ólafur Örn Jónsson, 29.6.2011 kl. 00:23]

Já Sigmar það er bara þessi þöggun og hvernig menn í greininni nota "völd" sín sem felast í kvóta "eigninni" og beita þessu  valdi til að halda öllum í heljargreipum.

Ef maður sem á sína afkomu undir því að verða að kaupa af lésnherrunum þá er sá maður múlbundinn. Hann má ekki láta skoðun ´sína í ljósi. 

Við eru komin í samofið helvíti spillingar og leynds ofbeldis sem fer fram hvern einasta dag hringinn í kringum landið. Og núna kom það upp á yfriborðið hjá Lilju Mósedóttur þeir "ætla að fara í mál við ríkið" ef aflaheimildir verða skertar til þeirra á einhvern hátt.

Þetta kemur fram í skýrslu endurskoðunar nefndarinnar. Bæði LÍÚ og LS  menn ætla að láta reyna á að þeir eigi "atvinnu réttinn" til allrar eilífðar. Þeir eru búnir að finna einhver fordæmi í evrópu þar sem svipuð mál voru dæmd eftir atvinnu rétti: 

Ímyndum okkur það að þeir eignist þessa auðlind þá getum við hin bara farið eða gerst "leiguliðar" þessara dela. Ég skil ekki af hverju fólk sér ekki hvert þetta stefnir?

Þess vegna má ekki gera þeim til geðs að fara einhvers konar fyringarleið sem gefur þeim kost á að benda á að eitthvað hafi verið tekið af þeim. Heldur breyta kerfinu svo ekkert er tekið af neinum heldur veiða menn bara í sóknarmarki. Það er skýrt í lögunum að ríkið ræður leikreglunum. 

[Valmundur Valmundsson, 4.7.2011 kl. 11:08]

Sælir félagar.

Ein smá athugasemd. Fulltrúar starandveiðisjómanna sem mættu fyrir sjávarútvegsnefnd vegna litla frumvarpsins svokallaða, voru verkfræðingur og tannlæknir, með fullri virðingu fyrir þeirra störfum. En segir kannski meira en mörg orð.

[Sigmar Þór Sveinbjörnsson, 4.7.2011 kl. 18:42]

Heill og sæll Valmundur, ekki átti ég von á svona athugasemd frá þér, ég hélt að Sjómannafélagið Jötunn væri fyrir alla sjómenn. Skiptir það einhverju máli hvort fulltrúar starandveiðisjómanna sem mættu fyrir sjávarútvegsnefnd vegna litla frumvarpsins svokallaða, voru verkfræðingur og tannlæknir. Er ekki forsætisráðherra Íslands flugfreyja, og er ekki fjármálaráðherra íslands Jarðfræðingur, og utanrókisráðherra líffræðingur með sérgrein fiskeldi og sjávarútvegsráðherra búfræðingur svo eithvað sé  nefnt.                                                                                                                                           Þetta eru grútléleg rök Valmundur og ekki þér sæmandi, þú veist manna best hvað það er erfitt að fá sjómenn til forustu og þú veist líka manna best að þeir sem eru á strandveiðum eru ekki bara tannlæknar, verkfræðingar eða fyrverandi kódaeigendur. Þetta er áróður sem þú ættir frekar að mótmæla en að samþykkja, því þú hlítur að vita betur. Finnst þér Valmundur að þeir fjölmörgu sjómenn sem eru á strandveiðum eigi engan rétt á þeirri vinnu ? Hafa þeir ekki rétt á að vera meðlimir Sjómannafélagsins Jötuns með þau réttndi og skyldur sem því fylgir???

Kær kveðja

[Ólafur Örn Jónsson, 6.7.2011 kl. 01:06]

Sæll aftur Sigmar hér er auglýsing. Oli Ufsi á 'Utvarp Sögu 

http://www.facebook.com/l/gAQCgPydyAQCi8R0b_JHRqmoBjD4yR6AceHclLdtn70IiNg/utvarpsaga.is/index.php?option=com_content&view=article&id=1537&Itemid=63