Ársæll VE 8 á síldveiðum

 

Ársæll VE 8 á síldveiðum í Vopnafirði 1942 eða ' 43.

Ársæll  er þarna vel hlaðinn. Á þessum tíma voru þessir bátar ekki með gúmmíbjörgunarbáta en eins og sést á myndinni voru þeir búnir seglum, sem á þeim tíma var talin nauðsynlegur öryggisbúnaður, sem reyndar bjargaði mörgum bátnum sem varð fyrir vélarbilun.

Þarna er maður uppi á stýrishúsi í bassaskýlinu sem er óvenju stórt.

Það er merkilegt að það hafi ekki sokkið fleiri bátar á þessum tíma miðað við þá hleðslu sem þá tíðkaðist.

Athugasemdir

[Sigurlaugur Þorsteinsson, 13.3.2011 kl. 17:01]

Maður hefur heyrt frásagnir um að menn hafi farið að keyra bátana upp á meðan síðustu háfarnir voru teknir úr nótinni og eins að sumir hafi orðið að keyra í springin meðan kúfnum var landað eða rennt stefninu upp í fjöruna vegna ofhleðslu,ég var svo heppin að ná því að nota háfinn við á loðnuni,þá var ég á Kap VE vertíðina 76,einum túr náðum við áður en flotinn sigldi í land í stóra verkfallinu.

Baujan var tekin á höndum á hvalbaknum og vírinn dregin niður á dekk,þá voru flestir hættir með þessa aðferð,en þetta var gert til að ná hrognaloðnuni og vertíðina á undan var Kapin með 1200 t af loðnu og 850 t í netin,hörkupláss og góður mannskapur.

Kv Laugi