Algeng sjón á miðinum 1960

 

Gunnar Hámundarson GK 357 TFYE á siglingu. Algeng sjón á Íslandsmiðum á árunum kringum 1960.

Báturinn var smíðaður í Ytri Njarðik 1954

Athugasemdir

[Jóhann Elíasson, 13.3.2011 kl. 09:42]

Já satt segir þú Sigmar, það er orðin sjaldséð sjón að sjá fiskibát á miðunum í dag.

[Sigurlaugur Þorsteinsson, 13.3.2011 kl. 10:25]

Já það er af sem áður var,baujuskógurinn náði frá Hraununum í Faxaflóa austur fyrir Höfn í Hornarfirði og allir að keppast við að hreinsa upp fyrir næstu brælu,merkilegt nokk þá saknar maður þess,svona í minninguni,eiginlega búinn að gleyma barningnum og streðinu við netaborðið,Ræs strákar það er bauja ????

Kveðja úr logninu í Grafarvogi.

Laugi

[Sigmar Þór Sveinbjörnsson, 13.3.2011 kl. 11:47]

Heilir og sælir kæru bloggvinir Jóhann og Laugi, já það er margt breytt frá þessum árum. Já það var ekkert smámagn af þorskanetum á þessu svæði Laugi. En ég er ekki búinn að gleyma barningnum á þessum netabátum þegar ekki einu sinni var gefinn tími til að borða almennilega. Nema þá þegar langt stím var á milli trossa, þá fengum við tíma til að borða. En þetta var samt skemmtilegur tími sem ég vildi ekki hafa mist af.

Kveðja úr snjónum í Kópavogi

[Númi (IP-tala skráð) 13.3.2011 kl. 12:11]

Tek undir með ykkur svona sjón er sjaldgæf. Ég var á árinu 70-72 á netabát í Grindavík,og það var mikið púl en þó skemmtilegur tími og situr skemmtilega í minninguni hjá manni.

[Sigmar Þór Sveinbjörnsson, 13.3.2011 kl. 14:45]

Heill og sæll Númi og takk fyrir innlitið, já þetta var mikið púl á þessum tíma og launin kannski ekki alveg í samræmi við þá vinnu sem lá á bakvið. En eins og þú segir þá var þetta skemmtilegur tími og maður þakkar bara Guði fyrir að hafa komist slysalaust frá þessu, en það voru því miður ekki allir sem voru svo heppnir.

Kær kveðja