Hilmir Högnason og Brynjólfur

 

Myndir: Hilmir Högnason, Brynjólfur Bátasmiður og Gísli Brynjólfsson

Hilmir Högnason orti um

Brynjólf bátasmið.

 

Hjá Binna má bæði finna

broslegt og hlægilegt.

Minna hann sýnist sinna,

því, sem er leiðinlegt.

 

Brynjólfur var í sjúkranuddi hjá Fanneyju nuddkonu og hittust þeir skáldabræður

Þar stundum, og gerði Hilmar eftirfarandi í orðastað Brynjólfs:

 

Sem barn ég velti vöngum

vita þurfti flest.

Hjá Fanney ligg ég löngum

og líður einna best.

 

Úr gömlu Sjómannadagsblaði

Athugasemdir

[þs (IP-tala skráð) 12.2.2011 kl. 22:22]

Sæll vertu.. Hér er fyrsta vísan í ljóði sem Hilmir samdi um 47 modelið.ég sá þetta í ljóðabók sem hann gaf út og heitir "Vatnsdals Hilmir er og verður til"

 Í Eyjum við framleiðum fegurstu fljóð

   sem frægt er um veröldu víða.

Skáldin í unnvörpun yrkja þeim ljóð

  sem öll munu lifa með þessari þjóð

  og sögunar spjöldin svo prýða..

                                                         kv þs

[Sigmar Þór Sveinbjörnsson, 12.2.2011 kl. 22:35]

Heill og sæll Þórarinn og þakka þér kærlega fyrir þessa vísu um 1947 módelið, það er alltaf fengur í þínum athugasemdum.

Ég vissi ekki að Hilmir hefði gefið út ljóðabók, það væri gaman að eignast "Vatnsdals Hilmir er og verður til" veistu hvort þessi bók er enn til sölu Þórarinn.???????

Kær kveðja

[þs (IP-tala skráð) 12.2.2011 kl. 22:52]

Ég skal hitta Hilmir og fá bók verðum í bandi kv þs

[Sigmar Þór Sveinbjörnsson, 12.2.2011 kl. 23:00]

Heill og sæll aftur, þakka þér kærlega fyrir Þórarinn, hann getur sent mér hana í Póstkröfu.

Kær kveðja

[þs (IP-tala skráð) 13.2.2011 kl. 16:53]

Sæll vertu,Hilmir ætlar að koma með bók til mín á morgun og ég bað hann að árrita hana,, heyrumst kv þs

[Sigmar Þór Sveinbjörnsson, 13.2.2011 kl. 21:01]

Heill og sæll Þórarinn, þakka þér kjærlega fyrir þetta, það verður gaman að eiga hana áritaða af höfundinum, mig hlakkar til að fá hana í hendur og lesa. Ég á báðar ljóðabækur Hafsteins Stefánssonar áritaðar. Ég á reyndar töluvert mikið af ljóðabókum sem Soffía tengdamamma gaf mér á sínum tíma, en mest þikir mér gaman að lesa ljóð eða vísur um lífið og fólkið í Vestmannaeyjum eftir Eyjamenn og konur. Það er mikið af þessu efni í Sjómannadagsblöðum Vestmannaeyja og Þjóðhátíðarblöðunum.

Kær kveðja

[Guðný Ingvars (IP-tala skráð) 14.2.2011 kl. 08:48]

Sæll Simmi

Ég kíki reglulega á síðuna hjá þér og hef gaman af.  Það er rétt hjá Hilmari, Brynjólfur bátasmiður var minna í þessu leiðinlega.  Hann var skemmtilegur maður.  Einhverju sinni, þegar við sátum og spjölluðum, á Hraunbúðum, talaði hann um þetta með kvennsemina, það ætlaði seint að eldast af honum, svo hló hann.  Sagðist vera að fylgjast með stelpunum, en orkan færi þverrandi.  Svo fór hann með þessa vísu:

Þú  hefur alveg heillað mig

hug minn tekið fanginn.

Með augunum ég elti þig

alla leið út ganginn.

  ......  svo hló hann    Bestu kveðjur frá Selfossi

[Sigmar Þór Sveinbjörnsson, 14.2.2011 kl. 19:30]

Heil og sæl Guðný og takk fyrir þessa skemmtilegu athugasemd. Já Brynjólfur var skemmtilegur maður .

Allaf gaman að fá svona athugasemdir Guðný, að ég tali nú ekki um svona skemmtilega Vísu.

Kær kveðja úr Kopavogi.