Jólaskapið að taka völdin

Sigurður Óskarsson trésmiður kafari báta og gluggasmiður með meiru gerði þennan texsta ásamt gullfallegu lagi sem hann kallar Jólastjarnan, lagið kom út á diski fyrir Jólin 2007 diskurinn heitir   Jól með Óskari og Laugu. Þessi texti á að mínu viti vel við þessa dagana.

 

Á myndinni er Sigurður Óskarsson kannski nokkrum árum yngri en hann er í dag, en hann hefur lítið breyst kannski komin nokkur grá hár ef ég man rétt.

 

 

 

 

 

 

 

 

 

 

 

 Jólastjarnan 

 

Nú jólaljósin ljóma í kvöld,

svo lítil björt og tær.

Þau minna á jólastjörnuna,

sem sífelt ljómar skær.

 

Húnboðaði komu frelsarans,

Sem lýsir skært vorn heim.

Við hlíta eigum orðum hans

Og helga oss megum þeim.

 

Því undirstaða hamingju

Er sífelda kenning hans.

Við skulum gleðjast saman í kvöld,

Yfir komu frelsarans.

 

Um trúna sem er oss æðsta hnoss

við skulum standa vörð.

Og efla frið og hamingju

á meðal manna á jörð.

 

 Eftir Sigurð Óskarsson  

 

Athugasemdir

[Óskar Sigurðsson, 22.12.2010 kl. 11:57]

Hann hefur klárlega verið innblásinn við þessa texrtagerð. Magnaður.

[Sigmar Þór Sveinbjörnsson, 22.12.2010 kl. 12:45]

Heill og sæll Óskar, já hann hefur verið innblásinn þegar hann gerði þetta fallega jólaljóð. Það er ekki nógu gott að  Siggi og reyndar þú skulið ekki vinna meira  ljóða og lagagerð. ÞIð hafið svo sannarlega hæfileikana.

kær kveðja