Vetrarvertíðin 1973

Úr dagbókinni minni

vetrarvertíðina 1973, ekki beint bjartsýni á framtíðina.

 

Mín fengsælu hagstæðu heimamið,

horfa til þurðar í ár

ofsóknin hefur ei gefið þeim grið

hver greinir um þeirra sár.

 

Því netin og trollið þau vinna sín verk,

og váleg er framtíðarsjón,

ef eyðingarvöldin svo voldug og sterk

vinna hér átthagatjón.

 

Hvert sjáum við ekki það örlagastríð

ef ördeyðan neitar um brauð,

já, verður ei féleysi og fátækt hjá lýð,

og framtíðin hamingjusnauð.

 

 

   Þessi mynd er tekin á vertíðinni 1973. Á myndinni er skipsfélafarnir Björn, Eiður og Sigmar Þór.

 

Athugasemdir

[Guðrún María Óskarsdóttir., 6.12.2010 kl. 02:04]

Sæll Sigmar.

Þetta er nú fyrir það fyrsta snilldarkveðskapur, en í öðru lagi afskaplega framsýn hugleiðing um bráðnauðsynlega umhugsun á hverjum tíma, þá og nú.

kv.Guðrún María.

[Sigmar Þór Sveinbjörnsson, 6.12.2010 kl. 19:35]

Heil og sæl Guðrún María takk fyrir innlitið, já kannski voru sjómenn einum og svartsýnir á þessum tíma. Alla vega er nú fullt af fiski til sem má ekki veiða að sögn sjómanna.

kær kveðja