Einu sinni var

Þessa mynd eftir Sigmund fann ég í blaðinu Siglingamál frá árinu 1974.

Á þessum tíma var mikið af skuttogurum fluttir inn til landsins og fanst mörgum kannski helst til mikið keypt af þessum skipum. En þau sköpuðu mikla atvinnu og urðu til þess að hressa verulega upp á landsbyggðina.

Smá sönn saga sem sem ég man eftir frá því ég var á Herjólfi.

Garðar Sigurðsson fyrverandi alþingismaður ferðaðist oft með Herjólfi þegar hann var á þingi og kom hann þá gjarnan upp í brú til okkar í spjall. Garðar var skemmtilegur maður og oft fljótur að svara fyrir sig ef hann fékk spurningar sem ekki var svo sjaldan. Eitt sinn er hann var að koma í frí til Eyja og kom  upp í brú til okkar, var hann spurður hvers vegna í ósköpunum þingmönnum detti í hug að hjálpa mönnum að kaupa togara til viss staðar á Austurlandi ? þeir hafa ekkert við hann að gera sagði sá sem spurði.

 Garðar svaraði um leið: Af hverju ekki ? þegar þeir uppfylla öll skilyði; Þeir eiga engan pening, skipið flýtur ekki inn í höfnina hjá þeim og þeir hafa engan mannskap á það. Sá sem spuri varð kjaftstopp við þetta svar Garðars.

Athugasemdir

[Helgi Þór Gunnarsson, 19.10.2010 kl. 22:50]

Sæll Sigmar, þakka þér fyrir síðast, ég réri með Garðari heitnum árið 1982 á Gullberg VE, og vorum við klefafélagar og urðu kynni okkar góð, ég gerði grín að því við suma að Garðar væri í vitlausum flokki í pólitík, slíkur gæða sál var hann.

Kær kveðja frá Eyjum.

[Sigmar Þór Sveinbjörnsson, 19.10.2010 kl. 23:03]

Heill og sæll Helgi og takk sömuleiðis fyrir síðast, það var gaman að fá þig í heimsókn en við hefðum þurft að hafa aðeins meiri tíma. Þú kemur bara aftur þegar þú att næst leið í Kópavoginn. Þá verður kannski komið nýtt líkan upp í líkanstöðinni.

Já Garðar var skemmtilegur og það var gaman að fá hann í brúnna á sínum tíma, það stytti stímið þegar skemmtilegir menn komu upp eins og þú veist.

Kær kveðja 

[Helgi Þór Gunnarsson, 19.10.2010 kl. 23:46]