DC 3 á flugvellinum í Vestmannaeyjum

 

 

 

  Þetta er gömul mynd af DC 3 flugvél á Vestmannaeyjaflugvelli  þessiar vélar  héldu uppi samgöngum milli Vestmannaeyja og Reykjavíkur í áratugi, einnig flaugu þær á Skógasand og Hellu ef ég man rétt. Alla vega man ég eftir einni ferð með henni á Skógasand þá peyji í ferðalagi með Týrurum. Ég man einnig eftir að hafa flogið nokkrum sinnum til Reykjavíkur með DC 3   Þetta voru og eru traustar og glæsilegar flugvélar. Meira að segja hljóðið í mótorunum er traustvekjandi. 

Ég læt hér fylgja með fræga auglýsingu um þarfasta þjóninn sem má finna í flestum gömlum  Vestmannaeyjablöðum, þessa auglýsingu skannaði ég úr Sjómannadagsblaði Vestmannaeyja frá 1964. Og hér áður fyr var auglýsing í Herjólfsdal yfir Þjóðhátíð sem á stóð ég held ég muni þetta rétt: Fljúgið með Föxunum flugið er ferðamáti nútímans.

 

Athugasemdir

[Guðrún María Óskarsdóttir., 5.9.2010 kl. 23:48]

Sæll Sigmar.

En gaman að sjá þessa vél, ég fór til Eyja, smá stelpa oftar en einu sinni af Skógasandi.

Það voru nú aldeilis samgöngur í þá tíma.

góð kveðja.Guðrún María.

[Valur Stefánsson (IP-tala skráð) 6.9.2010 kl. 12:17]

Þetta eru æðislegar vélar og vonandi getur Þristavinafélagið farið fljótlega í það að taka áburðartankinn úr Páli Sveinssyni og setja sæti í hann svo hægt sé að selja útsýnisflug.

Valur

[Sigmar Þór Sveinbjörnsson, 6.9.2010 kl. 14:08]

Heil og sæl Guðrún María og takk fyrir innlitið, já þetta voru nokkuð góðar samgöngur á þeim tíma, en flugu þessar vélar ekki líka á Hellu mig minnir það?

Kær kveðja SÞS

Heill og sæll Valur og takk fyrir innlitið, það væri gaman að fara í útsýnisflug með Páli Sveinssyni er þetta eithvað sem gæti orðið að veruleika á næsta ári??

Kær kveðja SÞS

[Eiríkur Þ. Einarsson (IP-tala skráð) 6.9.2010 kl. 14:24]

Jú Sigmar, það er rétt - þristurinn flaug á Hellu líka

[Sigurður Þór Guðjónsson, 6.9.2010 kl. 14:31]

Man vel þegar við fórum á hverju sumri með þristunum frá Reykjavík á 6. áratugnum. Einu sinni var ekki hægt að lenda í Eyjum vegna þoku og var þá lent á Hellu, þar sem bara glaðasólskin, meðan beðið var hvort þokunni myndi létta en ég man nú ekki hvort svo var eða við þurftum að fljúga aftur til Reykajvíkur. Er að pæla í hvort þetta sé ekki vörubíllinn hans Sjonna frænda!   

[Sigmar Þór Sveinbjörnsson, 6.9.2010 kl. 21:06]

Heilir og sælir Eiríkur og Sigurður Þór og takk fyrir innlitið og athugasemdir. Ekki veit ég Sigurður hvort þetta er bíllinn hans Sjonna þar sem ekkisést neitt númer á honum. Var Sjonni ekki alltaf með sama númer einhvern vegin kemur upp í huga minn Talan 8.

kær kveðja

[Sigurlaugur Þorsteinsson, 7.9.2010 kl. 17:46]

Já þessir Þristar voru bara flotta vélar og ég ferðaðist mikið með þeim frá og til eyja og rvk-Faguhólsmýri,og gekk stundum mikið á i ókyrrð,en Þegar fokkerinn kom þá allt í einu varð ég stjarfur af flughræðslu í þeim,hlutur sem ég fann ekki fyrir í dc3.

Kv Laugi

[Halldór Haraldsson (IP-tala skráð) 9.9.2010 kl. 22:24]

Einn 75 ára þristur var á Reykjavíkurflugvelli í gær. Skrásett í Sviss held ég.Nokkrir tugir þrista komu saman á Airventure í Oshkosh, Wisconsin,USA síðustu vikuna í júli. Tilefnið var 75 ára afmæli DC3. Tignarlegt að sjá þær fljúga saman í hópum.