Ný Þórunn Sveinsdóttir VE í smíðum í Skagen

Ein af ástæðunum fyrir því að fara til Skagen var að skoða nýtt skip sem er þar í smíðum, þar er  verið að smíða nýja Þórunni Sveinsdóttir VE fyrir ÓS ehf fjölskyldufyrirtæki Sigurjóns Óskarssonar útgerðarmans í Vestmannaeyjum. Eins og áður hefur komið fram hér á blogginu mínu var skrokkurinn smíðaður í Póllandi og síðan dreginn til Skagen í Danmörku þar sem skipið verður innréttað og sett í það vélar, spilbúnaður og öll þau tæki sem nauðsynleg eru í nýju og fullkomnu skipi. Sigurjón fór með okkur Þór tengdason  um allt skipið og sýndi okkur hvern krók og kima í skipinu, það var  skemmtilegt að sjá hvernig þetta á allt að vera, en þetta er auðsjáanlega allt mjög vandað sem komið er og ekki efast ég um að þegar skipið er tilbúið þá verður þetta eitt glæsilegasta skip Eyjaflotans, þó víða væri leitað. En myndir segja meira en mörg orð. 

 

Nýja Þórunn Sveinsdóttir við bryggju í Skagen og á mynd 2 má sjá brú og mastur sem er nýtískuleg og úr áli.

Myndirnar hér að neðan eru af afturhluta á stýrishúsi þar sem eru stórit gluggar svo auðvelt er fyrir skipstjórnarmenn  að fylgjast með vinnu sem fram fer á veðurþilfari skipsins. Síðan er hér mynd af öflugum afturgálganum.

 

Byrjað er að koma fyrir hluta af spilbúnaðinum og er Sigurjón þarna að skýra út hvernig þetta virkar þegar þetta verður komið í gagnið en öll spil í skipinu eru rafmagnsdrifin. Þá er myndin hér til hliðar af lestinni.

Myndirnar hér fyrir neðan eru af brúnni sem er stór en þar verður komið fyrir mikið af tækjum og stjórnbúnaði skipsins og stjórnbúnaði á spilkerfi.

Hér á mynd fyrir neðan er gert ráð fyrir borðsal og hluta af íbúðum á næstu mynd er vinnsludekk.

 

Hér fyrir ofan er einnig mynd af borðsal og hluta af íbúðum og ein mynd úr vélarrúmi.

 

Þessi mynd er tekin aftast við skutennu og af nafni aftast á skipinu. Það verður gaman að fylgjast með framhaldinu og óskandi stenst það að skipið verði tilbúið í nóvember eða desember næstkomandi.  

                                                                                                                      

Til gamans set ég hér mynd af Óskari Matthíassyni og Þórunni Sveinsdóttir móður hans en skipin sem hafa haft þetta nafn eru skírð  eftir henni.  

Kær kveðja SÞS

Athugasemdir

[Stefán Júlíusson (IP-tala skráð) 1.8.2010 kl. 16:52]

Flottar myndir.  Ég hlakka til að sjá það þegar það verður komið á flot og til veiða.

Það er alltaf gaman að sjá skipin í kringum okkur.  Sérstaklega þegar þau eru eins glæsileg og nýja Þórunn Sveinsdóttir.

[Sigmar Þór Sveinbjörnsson, 1.8.2010 kl. 22:54]

Heill og sæll Stefán og þakka þér innlitið, já það verður spennandi að fylgjast með þegar þetta nýja skip verður fullbúið.

Kær kveðja