Móðgandi skrif blaðamans Frétta

Furðuleg skrif blaðamans Frétta að segja að maðurinn hafi heilsað lögreglu að sjómannsið, eða með öðrum orðum, þarna er fullyrt að það sé siður  sjómanna að heilsa fólki með því að gefa því á kjaftinn. Varla trúi ég því að þetta hafi verið skráð þannig í lögreglubækur, og ekki kemur fram í fréttinni hvort umræddur maður hafi verið sjómaður.

Ég vil sem fyrverandi sjómaður mótmæla harðlega svona áróðri á sjómenn, og það er ekki viðeigandi að Fréttir í Vestmannaeyjum móðgi sína sjómenn með þessum hætti.

 

Fréttin sem er í blaðinu Fréttum

Einn aðili var kærður fyrir ofbeldi gegn lögreglu en sá sló lögreglumann hnefahöggi í andlitið svo á sá.  Lögreglan hafði bankað upp á hjá manninum þar sem kvartað hafði verið undan hávaða frá íbúð hans.  Maðurinn brást hins vegar illa við heimsókn lögreglunnar og heilsaði að sjómannssið.  Maðurinn var handtekinn og vistaður í fangageymslu. 

Sló lögreglumann í andlitið

Athugasemdir

[Þorkell Sigurjónsson, 13.7.2010 kl. 11:33]

Sæll og blessadur Simmi minn.  Tek undir thetta hjá thér,  ad thetta sé frekleg módgun vid sjómenn.  Fréttir mættu alveg bidjast afsökuna á slíkum ummælum.  Sé ekki ad thad sé nein afsökun thó Árni nokkur Johnsen hafi haft tessi ummæli um sína uppákomu fyrir nokkrum árum sídan,  enda bara honum til skammar med alla sína vináttu til sjómann.  Kvedja frá Sveden.

[Magnús Eggertsson (IP-tala skráð) 13.7.2010 kl. 13:05]

Ekki vera svona mikil kelling

[Sigmar Þór Sveinbjörnsson, 13.7.2010 kl. 13:11]

Heill og sæll Þorkell og takk fyrir innlitið og þessa atugasemd. Já það er merkilegt að blaðamaður Frétta skuli skrifa þetta, en kannski er þetta hans álit á sjómönnum að þeir séu í hans augum ofbeldismenn.  Það verður fróðlegt að fylgjast með því hvort forustumenn sjómanna í Eyjum láta þetta afskiptalaust, bágt á ég með að trúa að þeim finnist þetta vera í lagi.

Kær kveðja   

[Gyða (IP-tala skráð) 13.7.2010 kl. 14:59]

þetta er orðatiltæki sé ekkert að þessum skriftum fólk má ekki vera svona viðkvæmt

[GOLA RE 945, 13.7.2010 kl. 19:51]

Kæri frændi það sem ég er sammála þér. Við gátum lesið í MBL í den að fullur sjómaður hefi gert þetta eða hitt! En fullur bankamaður eða málari?. Þó vitum við bæði að þeir gátu tekið úr sér hrollinn og það ótæpilega.

Hrokinn og forheimskan ríður ekki við einteyming. Þröngur heimur? Já. Æji blessað fólkið og þröngi heimurinn....

[Valmundur Valmundsson, 13.7.2010 kl. 21:06]

Strákar, að heilsa að sjómannsið, er tungutak sem er vinsælt að segja ef einhver fær á kjaftinn. Þá er það meint sem að sá sem fékk kjaftshöggið átti það skilið. Að sjálfsögðu á löggan ekki skilið að fá á kjaftinn, enda prúðmenni upp til hópa, alltént hér í Verstöðinni. Fyrirsögnin ætti að vera svona:

,,Lögreglumaður í Vestmanaeyjum fékk á kjaftinn fyrir að banka''.

[Sigmar Þór Sveinbjörnsson, 13.7.2010 kl. 22:14]

Heil og sæl fænka og takk fyrir þessa athugasemd, já þetta var vinsalt í MBL og DV að segja fullur sjómaður lenti í hinu eða þessu óhappinu, eins og þú segir þá var eingöngu nefnt starfheitið ef það var sjómaður sem átti í hlut. Þetta er eitt af því sem var mótmælt á sínum tíma og þess vegna er þetta að mestu úr söguni. En því miður ekki alveg eins og þetta dæmi sannar.

kær kveðja

[Sigmar Þór Sveinbjörnsson, 14.7.2010 kl. 00:08]

Heill og sæll Valmundur. Ekki er ég sammála þér að þetta sé vinsælt tungutak, hef reyndar aldrei gefið neinum manni á kjaftinn enda finnst mér ekki neinn eiga skilið að fá kjaftshögg beint í andlitið  Þetta orðatiltæki að heilsa að sjómannsið og þar með gefa manni á kjaftinn er komið frá þeim tíma sem barátta sjómanna stóð sem hæst á fá sleppibúnað fyrir gúmmíbjörgunarbáta um borð í öll skip. Þá skeði það í mars 1984 að verið var að sýna ýmis björgunartæki og þar með Olsengálgan í Stýrimannaskólanum í Reykjavík, þar lentu þeir etthvað saman Árni Johnsen og Karl Olsen sem endaði með því að 'Arni löðrungaði Karl. Daginn eftir var þetta í DV að Árni hefði slegið Karl og sagt að að hann hefði bara svarað að sjómannasið.  Í blaðaviðtölum dagana  á eftir sagðist Árni aldrei hafa sagt þetta, þeir á DV hefðu búið þetta til.

Þegar ég fletti í gegnum úrklippurnar mínar fann ég grein sem ég hafði skrifað um þetta mál,  þar var ég á annari skoðun en ég er í dag.   Nú finnst mér alstaðar vegið að sjómannastéttinni og sjómenn og forustumenn hennar virðast litið gera til að mótmæla þeirri aðför. Vil ég þar nefna: Sjómannaafsláttinn ( Sem þú Valmundur hefur ágætlega mótmælt), Sjómannadaginn sem farið ar að kalla Hátíð hafsins og Hafnardaga.  Það væri hægt að telja miklu meira upp en læt þetta næja að sinni, það væri gaman að setja saman grein um stöðu sjómannsins á Íslandi í dag. Kannski að maður eiði smá tíma í það einhverntíman á næstunni.

Ég þakka þér innlitið Valmundur

kær kveðja

[Valmundur Valmundsson, 14.7.2010 kl. 09:53]

Satt er það Simmi að stöðu sjómanna hefur hrakað frá því sem var. Hitti einn skipstjóra af gamla skólanum í gær og við tókum spjall saman. Talið barst að tekjunum og hann sagði mér þegar gámaævintýrið byrjaði þá voru þeir að koma með einn gám eftir vikuna og allir sáttir og myljandi tekjur. Núna er hluturinn sá sami þó landað sé tvisvar í viku, fullfermi. Sjómannaafslátturinn er hluti af okkar kjörum og leitað verður allra leiða til að verja hann. Þar er dagpeningaleiðin mest spennandi og vinna byrjuð við að útfæra þá leið. Sjómannadagurinn er SJÓMANNADAGUR og ekkert annað og verður það hér meðan ég kem að vinnu við hann. Sjómenn í Eyjum halda uppi Sjómannadeginum og ég held að þegar aðrir en við sjálfir sjáum um daginn lognist hann hægt og rólega útaf. Þannig að standa verður dyggan vörð um þennan hátíðisdag okkar sjómanna í framtíðinni.

Kv. Valmundur

[Heiðar Kristinsson (IP-tala skráð) 15.7.2010 kl. 09:32]

Sæll félagi.  Þú ert argur yfir þessu og ég eiginlega líka, ég hafði samband við ágætan íslenskukennara og spurðist fyrir um hvað orðatiltækið að heilsa að sjómannasið merkti.  Svarið var það að þetta merkti að tala tæpitungulaust um hlutina, að fylgja því eftir með því að gefa á lúðurinn væri eitthvað seinnitíma fyrirbrigði og ætti ekkert skylt við orðtakið.  Svo nú er bara að leiða þá sem nota kjaftshöggið í merkingunni að heilsa að sjómannasið til réttrar brautar.

Með góðri kveðju og hafið þið það gott í Danmörku.

Heiðar Kristinsson

[Sigmar Þór Sveinbjörnsson, 15.7.2010 kl. 14:04]

Heill og sæll Heiðar, og takk fyrir þessa athugasemd og kveðju. Já ég er argur yfir þessum skrifum og einnig hissa að þessir góðu  vinir mínir á Fréttum skuli setja þetta í blaðið, sem oftast er mjög gott og vandað blað.

 Sjálfur hafði ég samband við orðabók Háskólans og fékk svipuð svör og þú. Enda þóttist ég  vita, að þetta hefði  fyrst verið notað 1984 eftir þetta leiðindaatvik í Stýrimannaskólanum í Reykjavík sem ég lýsi hér að ofan. En eins og við vitum þá er alltaf til fólk innan um  sem reynir að tína til allt það neikvæða og virðist þrífast á því. Til eru menn sem hafa meira að segja tekið saman og gefið út heilu bækurnar með skítkasti og óhróðri um náungann og samborgara sína, þeim mönnum er kannski erfitt að verjast öðru vísi en að mótmæla í hvert skipti sem þeir láta frá sér óhróður um annað fólk. En sjómenn og forustumenn þeirra verða líka að að hafa kjark og þor til að mótmæla þeim áróðri sem leint og ljóst er beint gegn þeim.

Kær kveðja