Gamli og nýji tíminn bylting í öryggismálum sjómanna

 

 Gúmmíbjörgunarbátur í Sigmunds losunar og sjósetningarbúnaði.

Með þessum búnaði er hægt að skjóta gúmmibátnum út í sjó frá stýrishúsi eða á staðnum og báturinn blæst sjálfkrafa út. Ef ekki gefst tími til að sjósetja hann áður en skipið sekkur, gerist þetta sjálfkrafa.

 

 

 

 

 

  

 

 Á þessari mynd sést hvítur kassi þarna undir hvalbak vinstra meginn á myndinni, þetta er geymslustaður 12 manna gúmmíbáts sem þarna er geymdur í segltösku. Það er ekki auðvelt verk að ná honum þarna úr kassanum og koma honum í sjó í slæmu veðri eða með skipið á hliðinni, draga út 16 til 18 metra línu til að blása hann upp.

Að vísu var annar svona kassi með gúmmíbjörgunarbát uppi á stýrishúsi, en það var ekki auðveldara að sjósetja þann gúmmíbát á neyðarstundu.

 

 

 

 

 

 

  

                                                                                                      

 

 

Hér er gúmmíbátur ísbrinjaður í Sigmundsbúnaði á Þórunni Sveinsdóttir, hægt er að skjóta honum út með einu handtaki þó hann sé mikið ísaður.

Þessi búnaður er ótrúleg byting fyrir sjómenn sem lenda í neyð að geta sjósett Gúmmíbjörgunarbát á nokkrum sekundum. Þökk sé Sigmund Jóhannssyni teiknara m.m.

 

Athugasemdir

[Helgi Þór Gunnarsson, 9.3.2010 kl. 00:41]

Sæll Sigmar, já hann Sigmund átti svo sannarlega skilið að fá Fálkaorðuna á sínum tíma, svona Sigmundsgálgi veitir manni öryggiskennd út á sjó.

Kær kveðja frá Eyjum.

[Elías Stefáns., 9.3.2010 kl. 09:59]

Sæll Sigmar, það er mikið rétt að Sigmund á þakkir skyldar fyrir þennan útbúnað.

[Sigmar Þór Sveinbjörnsson, 9.3.2010 kl. 20:58]

Heilir og sælir Helgi Þór og Elías og takk fyrir innlitið og athugasemdir.. Já sjómenn eiga Sigmund mikið að þakka hvað varðar öryggisbúnað um borð í skipum, og einnig hvað varðar vinnuhagræðingu. 'Eg er sérstaklega ánægður þegar ég fæ athugasemdir við blogg mín um öryggismál því það virðast fáir hafa áhuga á þeim málum í dag.

Kær kveðja