Myndir frá fyrstu klukkutímum Vestmannaeyjagossins 1973

 Myndirnar eru frá fyrstu klukkutímum gossins 1973 og á fyrstu myndinni eru Sigurður  Sigurðsson og að ég held Bogi bróðir hans, en Sigurður á þessar myndir sem ég hef verið að setja hér á bloggið mitt. Því miður þekki ég ekki þessi hús á mynd 3.

Athugasemdir

[margrét júlíusdóttir (IP-tala skráð) 14.2.2010 kl. 11:09]

Takk Simmi,alltaf svo gaman að kíkja á síðuna þína,kveðja.

[Guðrún María Óskarsdóttir., 15.2.2010 kl. 00:21]

Sæll Sigmar.

Þetta vekur upp minningar, en aldrei gleymir maður þessum degi þótt ég hafi verið heima undir Fjöllunum en ekki í Eyjum.  Amma var þar búandi á Urðarveginum og afi á elliheimilinu. Túnið heima nötraði þegar leið undir hádegi, og búfé allt á hreyfingu, mjög sérkennilegt.

kv.Guðrún María.

[Sigmar Þór Sveinbjörnsson, 16.2.2010 kl. 21:02]

Heilar og sælar Margrét og Guðrun María og takk fyrir innlitið. Já það er alltaf gaman að skoða þessar myndir og láta minningarnar koma upp í hugan. Hver var afi þinn og amma Guðrun María?

kær kveðja

[Sigþór Ingvarsson (IP-tala skráð) 16.2.2010 kl. 21:09]

Heill og sæll, húsin á myndinni eru heimili Didda frá Svanhól (húsið með bílskúrnum) og hús Siffa múrara og Jónu Péturs frá Kirkjubæ. Kveðja Sigþór

[Guðrún María Óskarsdóttir., 17.2.2010 kl. 01:28]

Sæll aftur Sigmar.

Amma mín var Steinunn Jónsdóttir, systir Stínu í Gíslholti, og Siggu á Landagötu 16., og Jóhönnu, og Guðrúnar á Miðbælisbökkum fósturmóður pabba, ( sem ég heiti í höfuðið á ) osfrv. en þau systkini voru 14, frá Rauðsbakka undir Eyjafjöllum.

Afi var Ketill Brandsson, bróðir Ingimundar í Yzta Bæli, Eggerts og Guðrúnar.

kv.Guðrún María.

[Sigmar Þór Sveinbjörnsson, 23.2.2010 kl. 12:41]

Heil og sæl Guðrun María ég man vel eftir afa þínum Ketil Brandsyni þegar hann vann hjá Helga Ben í gamla daga. Hefur þú lesið minningargreinina um Ketil Brandsson  sem er í Sjómannadagsblaði Vestmannaeyja?? það er mjög góð grein um hann.

kær kveðja 

[Sigmar Þór Sveinbjörnsson, 23.2.2010 kl. 12:42]

Heill og sæll Sigþór Takk fyrir þessar upplýsingar um Húsin þarna austurfrá.

kær kveðja

[Guðrún María Óskarsdóttir., 23.2.2010 kl. 23:18]

Sæll aftur Sigmar.

Já gaman að heyra það.

Nei ég hefi örugglega ekki séð þá grein, um afa, enda orðið langt síðan maður hefur séð Sjómannadagsblað úr Eyjum.

kv.Guðrún María.