Fleiri góðar Gosmyndir frá Ómari Kristmanns

 

Eldfellið séð frá Friðarhafnarbryggju þarna er fjallið enn spúandi eldi í apríl 1973.

Þarna sést yfir á Básaskersbryggju og næst á myndinni er Olíuportið og yfir það má sjá Emmuhúsið sem í dag er í eigu Benónýs Gíslasonar.

 

 

 

 

 

Prammi hafnarinnar í Eyjum við  Nausthamarsbryggju. Þarna er dæling á hraunið í fullum gangi sjá má dæluvélarnar á prammanum og Fiskiðjuna til hægri á myndinni. Þótt menn hafi ekki allir í fyrstu haft trú á að dælig og kæling hraunsins mundi hefta hraunrennslið, held ég að flestir hafi í lokin viðurkennt að þessi aðgerð hafði tilætluð  áhrif og hraunið hefði farið mun lengra ef ekkert hefði verið gert til varnar.

 

 

 

 

 

Útvegsbanki Íslands held ég hann hafi heitið í þá gömlu góðu daga.

Hér sjáum við austur að nýjahrauninu, og vikur kominn upp á glugga.

Myndirnar tók Ómar Kristmannsson í apríl 1973.

Kær kveðja SÞS

Athugasemdir

[þs (IP-tala skráð) 20.1.2010 kl. 12:55]

Sæll vertu..Taktu eftir hvað klukkan á bankanum er..Svona stoppaði hún gosnóttina kv þs

[Sigmar Þór Sveinbjörnsson, 21.1.2010 kl. 17:20]

Heill og sæll tóti og takk fyrir þessa athugasemd, ég hafði ekki tekið eftir hvað klukkan var, en skrítið að klukkan hafi stoppað um það leiti sem gósið hófst, getur verið að hún hafi ekki þolað þennann litla jarðskjálfta sem kom við upphaf gossins ?.

Kær kveðja