Stökur eftir Jónas Friðgeir.

Stökur eftir Jónas Friðgeir.

 Vertíðar lok. 

Það er bágt að borgast hér

með bláan seðiltetur,

það er allt, sem eftir er

af hýrunni í vetur

 

 Hann var tregur í trollið 

Skipstjórinn er skaufalegur

skömm er þetta fiskirí,

þorskurinn mér þikir tregur

það er næstum ekkert í.

 

  Við beitningu. 

Krókur hér og krókur þar,

krókar eru alls staðar,

alltof lengi lóðirnar

liggja hérna óbeittar.

 

  Landlega. 

Ég stari suður heiðar,

stari bara og bíð.

Það er slæmt að stunda veiðar

í stormasamri tíð.

 

  Hugsað við beitningu. 

Að berjast áfram bótalaust

standa í skúrnum sleitulaust

býsna lélegt er,

og stara í gaupnir sér.

 

 Brotin flaska. 

Í vondu skapi víst ég er

vöknar mér um trýnið

veit ég nú að vitið fer

vel með brennivínið.

 

  Tekið úr Sjómannablaðinu Víkingur  frá 1971