Innsiglingin til Eyja

 

Innsiglingin til Vestmannaeyja áður en Norðurhafnargarðurinn var styttur.

Ystiklettur fyrir miðju og Bæjarbryggja og Nausthamarsbryggja á miðri mynd. Vinstra megin á myndini sést í eitt Tangahúsið.

Srandvegur og Hraðfrystistöðin

 

 Myndin er tekin vestur Strandvegin, þarna má sjá Eyjabúð Vosbúð HB. Veiðafærahús og fl.

 

 

 

 

 

 

 

 

 

Hluti af Hraðfrystistöð Vestmannaeyja, kallar á spjalli.

Myndir Vestmannaeyjahöfn 1960 til 1965

 

 Þessar myndir tók Árni Friðriksson skipasmiður m.m. þær eru teknar á árunum 1960 til 1965.

 

Næst á mynd er Bæjarbryggja sem stundum var í daglegu tali kolluð trillubryggja. Þá sést yfir á Básaskersbryggju þar sem Lóðsinn liggur ásamt nokkrum fiskibátum

 

 

 

 

  

 

 

 Á þessari mynd sést hluti af Nausthamarsbryggju og Bæjarbryggju. Þarna má einnig sjá björgunarbátinn sem í tugi ára var þarna í davíðum og var hluti af öryggisbúnaði Vestmannaeyjahafnar, annar eins bátur var í davíðum í Friðarhöfn.

 

 

 

 

 

 

Þarna sjást Tangahúsin og hvað vel tekst til að dreifa peningalyktinni með gúanóreyknum. Dásamlegar minningar

 

Kær kveðja SÞS

Nokkrar góðar myndir

Myndir sem þurfa ekki texta, allavega ekki fyrir þá sem þekkja til á Heimaey.

 

Myndir af húsum

  Myndirnar eru teknar þó nokkuð fyrir gosið í Heimaey 1973 og ljósmyndari er Árni Friðriksson.

1. mynd;  Hlíðarhús heitir þetta hús en þar bjó Bogi í Neista ásamt fjölskyldu sinni í þá gömlu góðu daga, en flutti seinna á Heiðarveginn. Húsið var fyrir ofan eða sunnan við húsið Hól.

2. mynd; Á  myndinni sérð upp á Hlíðarhús en í gaflinn á Vegg.

Mynd 3; Þarna fyrir miðju er Hóll og húsið til hægri heitir Hruni. 

 

 

Vangaveltur

Vangaveltur.

Mörg er landsins fegurð föl,

fjárvon toppa lokkar.

Þeir eru að verða þjóðarböl,

þessir stjórnarflokkar.

---------------------

Álver þykir óskahnoss,

sem allar byggðir styrki.

Duga myndi Dettifoss

í dágott orkuvirki.

-----------------------

Ekki þarf að efa það

álver kvöð fram beri.

Mætti gera Gullfoss að

góðu orkuveri.

--------------------------

Færi einhver stór á stjá

með stóriðjuna nýja.

Úr Geysi mætti gufu fá

gufuhverfla að knýja.

------------------------------

Margt er það sem getur gerst,

græðgin fái að stjórna.

En þó telst það allra verst

ásýnd lands að fórna.

Á.S..

Straumnesviti stendur þar

 

 Straumnesviti er í eigu og umsjón Siglingastofnunar íslands, hann var byggður 1919 en breytt 1930. Hann var áður jarngrindarviti eins og má sjá á þessari mynd af vitanum. TF-LÍF  á flugi við vitan  Landhelgisgæslan vinnur oft með Siglingastofnun Íslands að viðhaldi vita kringum landið.

 

Straumnesviti 

Straumnesviti stendur þar

stór og fagur gjörður,

út á tanga út við mar

okkar gæfuvörður. 

Guðjón Sveinbjörnsson

Fylluljóð eftir Gylfa (Guðna Eyjólfsson kyndara)

    

 Hér er herskipið Fylla á ytri höfninni í Vestmannaeyjum þarna má sjá Bjarnaey, Elliðaey og Klettsnefið. Fylla var eitt af stæðstu herskipum dana og var við gæslu hér við land, myndina fann ég í gömlu albúmi sem mér var gefið.

 

  

 Fylluljóð eftir Gylfa.

 Gylfi sá er ljóðið kvað var Guðni Eyjólfsson kyndari í Gasstöðinni í Reykjavík. Hann var einn hinn mikilvirkasti  og vinsælasti í hópi gamanvísnaskálda á þessum árum, þriðja áratugarins.

 

 

 

   

Lag: Kväservals

Á sumrin er gaman að ganga sjer

um göturnar eftir að rökkva fer,

ef ,, Fylla” er liggandi úti’ í ál,

og ekki’ er á varðbergi nokkur sál.

  Gæti jeg krækt í danskan dáta,

  sem dálítið borðalagður er,

  þá mundu þær Runa og Ranka gráta

  og rauðeygðar stara á eftir mjer.

 

Hún Ólafía’ er að vara’ os við

að vingast við pilta’ að dönskum sið;

það dragi á eftir sjer dilka smá,

er dálítin tími’ er liðin frá.

   Gæti ég o.s.frv.

 

Já sú getur ritað oss ráðin fín

með reynsluna’ og gráleitu hárin sín,

því hún hefur aldrei þá sælu sjeð

að sitja í faðmlögum dáta með.

  Gæti ég o.s.frv.

 

En nú skal ég segja ykkur sögu af mér;

jeg sá það eitt kvöld, hvar hann Jensen fer;

þá kalla jeg í hann að koama þar.

,, Ó, Kæreste” , segir hann, ,, hva’beha’ r”.

  Gæti ég o.s.frv.

 

Ég varð þá dálítið undirleit –

almættið sjálft það á hæðum veit – ,

er gengum við þarna hlið við hlið,

og hann var að spjalla -  um lágnættið.

  Gæti ég o.s.frv.

 

Svo gengum við saman, uns sólin var

sigin í bládjúpu öldurnar;

þá settumst við úti’ undir Granda- garð.

Ó guð, hvað hann Jensen þá sætur varð.

  Gæti ég o.s.frv.

 

Svo kisti hann mig ellefu kossa þar,

sem kvöldskugginn mestur var,

og sagði: ,, Du er so söd og fin”,

södeste, elskede Pigen min”.

  Gæti ég o.s.frv.

 

En þá heyrðist blástur við bryggjusporð;

mjer brá, svo því lýsa’ ekki nokkur orð,

því bátskömmin litla beið þar nú,

og bjáninn hann Jensen minn þotinn var.

  Gæti ég o.s.frv.

 

Jeg sá þá, hvað herstjórnin hláleg er

Að heimta hann Jensen minn strax af mjer,

Fyrst átti jeg kost á að eignast mann,

Svo indælan , sætan og ,, dannaðan”

  Gæti ég o.s.frv.

 

Seinna jeg ein út á Granda gekk.

Ó, guð, hvað jeg ákafan hjartslátt fékk,

því Jensen og Sigga sátu þar

í sömu laut og jeg forðum var.

  Gæti jeg krækt í danskan dáta,

  sem dálítið borðalagður er,

  þá mundu þær Runa og Ranka gráta

  og rauðeygðar stara á eftir mjer.

                     -   Gylfi

Hestar á beit

 

Hestar á beit og Helgafell í baksýn

Gamlar myndir af bryggunum í Eyjum

 

 Hér eru gamlar myndir af bílum, líklega er þetta Bæjarbryggjan.

Ekki þekki ég bílana né hvaða tegund þetta er af bílum, kannski er einhver bílaáhugamaður sem getur frætt okkur um það.

 Mynd 2: Hér er þröngt um bátana, ekki veit ég hvar í höfninni þessi mynd er tekin.

 Mynd 3 : Undir Löngu er þessi staður kallaður.

 

 

Kær kveðja SÞS