Myndir frá síðasta sumri

 

 Fallegar sumarmyndir af Vestmannaeyjabæ.

Myndirnar tók Egill Egilsson kl 4,30 í góðu og fallegu veðri.

 

 

 

 

 

  

Frábær grein eftir Valmund Valmundsson

Grein um sjómannaafslátt  eftir Valmund Valmundarson formann Sjómannafélagsins Jötuns í Vestmannaeyjum, fyrirsögn hennar er Nýjustu fréttir af Sjómannaafslætti. Ég tek mér það bessaleyfi að birta greinina hér á blogginu mínu:

Í greinargerð fjármálaráðuneytis með hinu nýja frumvarpi um sjómannaafsláttinn, segir:

,,Sjómannaafsláttur hefur lengi verið umdeildur og gagnrýni á hann hefur aukist á undanförnum árum af ýmsum ástæðum''.

Ég mótmæli þessu harðlega og held því reyndar fram að þessi ,,gagnrýni'' komi úr einni átt og frá mjög fámennum hópi. Þessi hópur heldur til í 101 hverfinu í Reykjavík og þar í kring. Þetta er yfirleitt menntafólk, prófessorar, fólk með doktorsnafnbætur og frjálshyggjupostular af vettvangi stjórnmálanna.

Hvað sjómenn hafa gert þessu fólki er mér óskiljanlegt. Ef þú býrð úti á landi þá heyrir þú ekki þessa gagnrýni. Þar veit fólk að sjómennirnir eru þeir sem vinna hættulegasta starfið og eru langdvölum að heiman við að afla fjölskyldunni og þjóðfélaginu tekna. Bara það að vera langdvölum fjarri fjölskyldu og vinum, réttlætir afslátt á skatti sjómanna. Almannaþjónusta við sjómenn er snöggtum minni en við aðra þjóðfélagsþegna og eru þetta næg rök að mínu mati fyrir afslættinum.

Öll umræða um að sjómenn ættu bara að finna sér aðra vinnu ef þeir eru ósáttir með afnám afsláttarins, er húmbúkk og lýsir best rökleysu og vanþekkingu þeirra sem frá segja.

Í nágrannalöndum okkar er starf sjómannsins metið að verðleikum. Í Noregi var sjámannaafsláttur hækkaður með fjárlagafrumvarpi fyrir árið 2010. Hann er nú 150.000 nkr. Þ.e. sjómenn í Noregi borga ekki skatt af fyrstu 150.000 nkr. sem eru 3,2 milljónir íslenskra króna.

Í Danmörku er afslátturinn 190 dkr (4560 íkr) fyrir hvern dag og að hámarki 41.800 dkr á ári.(1.1 milljón ís kr)

Færeyskir fiskimenn mega hafa 75.000 dkr (1.8 millj. ískr) skattfrjálsar.

Svíar láta sínum fiskimönnum í té 640.000 ís.kr á ári í skattafslátt.

Af þessari upptalningu sést að íslenskir sjómenn eru langt á eftir nágrönnum okkar í þessum málum og hafi stjórnvöld skömm fyrir. Allt tal um að þetta samrýmist ekki stjórnarskránni og reglum EES er kjaftæði þeirra sem sjá íslenska sjómenn sem einhverja forréttindastétt.

Hvað með dagpeninga, staðaruppbót, bifreiðastyrk, ferðakostnað og fleira sem sumir fá ofaná laun sín og allt skattfrjálst. Eigum við ekki að byrja á því, þar er kostnaðurinn líklega 23 milljarðar árið 2008 bara hjá ríkinu.

Valmundur Valmundsson fórmaður Sjómannafélagsins Jótuns

Skemmtileg ferð til Árósa og Kaupmannahafnar

Í dag vorum við Að koma úr skemmtilegri 9 daga ferð til Danmerkur þar sem við vorum að heimsækja Þór og Hörpu dóttir okkar, og Dóttir þeirra Kolbrúnu Soffíu litlu.  Á myndunum eru Harpa, Kolla, Simmi og Kolla stött í Árósum

Hér er mynd af Kolbrúnu Soffíu í stólnum sínum og pabba hennar Þór Sæþórsyni við jólaskreytingu í einu Mollinu sem heimsótt var í ferðinni.

Komin til Kaupmannahafnar þar sem farið var í gönguferð um Strikið. Kólbrún Soffía, Kolla, Harpa og Þór með Kollu litlu í Vagninum.

 

Það er ótrúlega gaman að fara í Tívolí í Kaupmannahöfn þar sem þessar myndir voru teknar. Þarna var margt að skoða og mikið um góða matsölustaði, en myndirnar tala sínu máli.

Ég hef ekki verið duglegur við að blogga síðustu vikur, ( ekki vegna þess að mér vanti efni ) það er einfaldlega vegna þess að ég hef verið mikið á ferðalögum um landið vegna vinnu minnar og nú síðustu 9 daga hef ég verið í orlofi í Danmörku .

Kær kveðja SÞS

Gamlar myndir frá Fiskasafni

 

Hér eru myndir frá Fiskasafninu í Eyjum, þarna er Friðrik Jesson safnvörður  að sýna gestum fiskasafnið, hann  hafði umsjón með safninu í fjölda ára.

Myndirnar tók Árni Friðriksson skipasmiður með meiru. 

Kær kveðja SÞS

 

 

 

 

 

Kannast einhver við þessa ?

Kannast einhver við þessa íbúa Vetmannaeyja sem líklega eru horfnir úr Stórhöfða í dag, mynd frá 1965 eða þar um bil  

Tveir þekktir Eyjamenn

Sævaldur Elíasson stýrimaður og skipstjóri á Hejólfi nú starfsmaður Siglingastofnur Íslands og Tryggvi Sigurðsson vélstjóri og líkansmíður með meiru.

Fleiri myndir

Myndirnar eru af húsunum á Stórhöfða og af Stórhöfðavita en þar hefr verið veðurathugunarstöð í marga tugi ára.

 Dalabúið  og flugvöllurinn og gamla aðstaðan á flugvellinum. Myndin hér fyrir neðan er loftmynd af höfninni fyrir gos.

 

 

Kær kveðja SÞS

Björgunarbáturinn Björg frá Rifi

 

Björgunarbáturinn Björg er einn af björgunarbátum Slysavarnarfélagsins Landsbjargar, Björg er staðsett á Rifshöfn og hefur skipið oft verið notað til björgunar frá því það kom til landsins. þessi skip sem staðsett eru víðsvegar kringum landið hafa margsannað gildi sitt.

Þessi skip hafa reynst vel við íslenskar aðstæður að sögn þeirra manna sem til þekkja og ég hef talað við.

Kær kveðja SÞS

Þyrla af dönsku varðskipi tekur á loft

 

Tók þessa mynd í dag þegar ég var á leið í Kolaportið, en þyrlan var að taka á loft með tilheyrandi hávaða og vindblástri þegar ég gekk þarna framhjá. Þyrlan er staðsett um borð í dönsku varðskipi sem nú er statt  í Reykjavíkurhöfn

Þetta er mynd sem ég tók fyrir Gísla Gíslason þyrluflugmann og frænda minn, vonandi kíkir hann hér inn á bloggið mitt . Það er alltaf  gaman að skoða og fylgjast með flugvélum, ekki síður en að vera á bryggjunum og fylgjast með skipum.  

Kær kveðja SÞS

Skólavegur og Heimakletturinn

 

 

 

 

 

 

 

 

 

 

 

 

 

 Hér er Skólavegurinn árið !960 til 1965, kannski ekki miklar breytingar nema húsið Skuld neðst á Skólaveginum er horfið. Gaman væri ef einhver þekkir nöfn húsana að hann setti þau hér inn í athugasemdir, það gerir myndirnar skemmtilegri.

 

 

 

 

 

 

 

 

 

 

 

 

 

 

Þessi bill á myndinni er sennilega frá Vinnslustöðinni en hann er með lok að aftan sem notað var þegar hann var að keyra ís í bátana ( áður en Ístöðin kom til sögunar) Mig minnir að sá sem keyrði þennan bíl og átti heima í húsinu sem billinn er við hafi heitið Emil, er samt ekki viss. Annað sem er skemmtilegt við þessa mynd er olíutankurinn sem sést þarna bak við húsið, svona olíugeymar voru fyrir utan flest öll hús í Eyjum á þessum tíma. (En þarna sést sjónvarpslotnet á húsinu Þingeyri  hvaða ár byrjaði sjónvarpsgláp í Eyjum  ????)

kær kveðja SÞS