Limra eftir Jóhannes S. Hannesson

Það er eitt sem ég aldrei get skilið:

ef ég ætla að ganga upp þilið

losna iljarnar frá

og fæturnir ná

ekki að fylla að gagni upp í bilið

 

 Jóhann S. Hannesson

 

Eyjarnar suður af Heimaey

 

 Sólsetur er fallegt í Vestmannaeyjum.

myndirnar tók Egil Egilsson

 

 

 

 

 

 

  

 

 

 

 

Heimaey.

 

 

Meðan báran á berginu gnauðar

um börnin þín stendur þú vörð

þú ert umvafin ólgandi hafi

og angan frá gróandi jörð.

Á sólbjörtum sumarsins degi

sælt er að koma á þinn fund.

Þá fagna mér útsker og annes

Eyjarnar, drangar og sund.

Þú er fögur í floskirtli grænum

fóstra hins bjargsækna manns.

Ert demantur drottins í sænum

Og djásnið í möttlinum hans.

 

Eftir Hafsteinn Stefánsson

 

 

 Ráðhús og Safnahúsið í Eyjum

 

 

 

 

 

 

 

Kruzenshtern í Reykjavíkurhöfn

http://en.wikipedia./wiki/Kruzenshtern_(ship)

Myndarlegt seglskip í Reykjavíkurhöfn.

Í gær fór ég minn vanalega bryggjurúnt um hafnir á Reykjavíkursvæðinu, í þetta skiptið gat ég farið um borð í þetta myndarlega seglskip sem lá við Ægisgarð. Því miður mátti ekki fara niður eða inn í skipið aðeins skoða það sem er ofandekks. Það gerði ég og tók við það tækifæri meðfylgjandi myndir.

Allt þarna um borð er mjög stórt og sterklegt, eins og möstur og allt þeim tilheyrandi.

 

Ég hafði nú svolítin áhuga á öryggisbúnaði skipsins, þess vegna eru margar myndir tengdar þeim búnaði, en myndirnar tala sínu máli.

 

 

 

 

 

 

 

 

 

Drengir á leið í sund

Myndin er af hóp drengja sem er að bíða eftir að fara í sund í gömlu sundlaugina á Miðhúsatúni á því herrans ári 1949. Sú sundlaug var með hreinum sjó og náttúruleg. óyfirbyggð

Þarna fremst má sjá nokkur þekkt andlit eins og Richard Sighvatsson í Ási, Bjarna Jónasar, Sævar Jóhannesson, Gústa Hregg, Gísla Sigmarsson og fl.

Ekki veit ég hver hefur tekið myndina en það gæti verið Friðrik Jesson, myndin er í gömlu Sjómannadagsblaði Vestmannaeyja.

Kær kveðja SÞS

Fallegar myndir frá Vestmannaeyjahöfn

 

 Vestmanneyjahöfn .

þetta eru myndir frá höfninni, svolítið óvenjuleg stemming sem þessar myndir lýsa. Spegilsléttur sjórinn og skipin og Heimaklettur speglast í haffletinum og allt á rólegu nótunum.

Myndirnar tók Egill Egilsson og gaf hann mér leyfi til að setja þær hér á bloggið mitt.

 

 

  

 

 Heimaklettur og höfnin upplýst.

 

 

 

 

 

 

 

 

 

 

 

 

 

 

 

 

 

 

Mb. Léttir hafsögubátur sem þjónað hefur Vestmannaeyjahöfn vel í tugi ára.

Sólarlag í Klaufinni í Eyjum

 

 Fallegar sólarlagsmyndir  úr Klaufinni í Vestmannaeyjum.

Myndirnar tók Heiðar Egilsson

 

 

 

 

 

 

Brekkusöngur í Herjólfsdal er frábær

Það er merkilegt hvað nokkrum mönnum gengur illa að sætta sig við  að  Árni Johensen  skuli hafa þessa frábæru hæfileika til að ná fram stemmingu og mikilli skemmtun við brekkusöng á Þjóðhátíð í Vestmannaeyjum, reyndar alstaðar þar sem hann kemur fram sem forsöngvari. Þetta gerir hann og getur vegna þess að hann kann að ná til fólksins, spila og syngja þau lög sem við Íslendingar kunnum og viljum syngja þegar við erum í stuði að skemmta okkur. Menn skulu líka hafa það í huga að Árni hefur þróað þennan brekkusöng gegnum árin og gert hann  vinsaælan, já það vinsælan að mjög margir sem koma á Þjóðhátíð Eyjamanna segja að brekkusöngurinn með Árna Johensen sé toppurinn á þjóðhátíðinni.

Það eru líka margir sem vildu vera í hans sporum að stjórna fjöldasöng þrettán til fjórtan þúsund manna og standa sig frábærlega vel og fá klapp og hrós þúsunda manna úr brekkum Herjólfsdals.

Ég held að þeir menn sem eru endalaust að hnýta í Árna Johensen séu oft pólitískir andstæðingar hans eða menn sem hreinlega öfunda hann af þessum hæfileikum að geta hrifið fólk með sér í söng og gleði.

Vonandi verður vinur minn Árni Johensen með brekkusönginn eins lengi og hann sjálfur vill. 

kær kveðja SÞS

Til hamingu Gísli H.

Nú hefur Gísli H. Frigeirsson lokið við að róa kajak kringum Ísland, þetta er mikið afrek fyrir mann á hans aldri,  og þetta gera ekki menn nema þeir hafi gott þrek og mikinn viljastyrk. Ég óska þér Gísli H. Friðgeirsson innilega til hamingju með þetta mikla afrek sem örugglega verður lengi í minnum haft.

kv  

Eins og að vera búinn í prófi

Guðjón Weihe

Guðjón Weihe eða Gaui í Framnesi eins og hann er stundum kallaður hefur fengið ríkurlegan skammt af skáldagáfu. Hann er Vestmannaeyingur  rafvirki að mennt og starfaði lengi á Rafveitu Vestmannaeyja. Hann á auðvelt með að tjá sig í bundnu máli.

 

Svona yrkir hann um Þjóðhátíðina:

 

Fyrir röðul skjótast ský

skuggan dalinn krýna.

Nóttin vefur okkur í

unaðsdrauma sína.

 

Dagur óðum nálgast nýr

nú er dans og gaman.

Dalur ást og ævintýr

okkur binda saman.

 

 Við andlát Ása í Bæ 

Engin betur lýsti í ljóðum

logum báls í fjallasal.

Hver á nú að grípa úr glóðum

þá glæstu mynd úr Herjólfsdal ?

 

Kær kveðja SÞS

Þjóðhátið Eyjamanna í Herjólfsdal

 

 Nú er hafin Þjóðhátíð Eyjamanna, eitt af því sem hún hefur skilið eftir er Þjóðhátíðarblaðið og þjóðhátíðarlag. Mörg mjög falleg lög og textar hafa verið gerð í tilefni þjóðhátíðar og þekktust eru þau gullfallegu lög og textar eftir Oddgeir Kristjánsson og Ása í Bæ. En það hafa margir fleiri gert bæði falleg lög og texta þó þau hafi ekki náð að verða eins þekkt og lög og textar Oddgeirs og Ása. Hér kemur einn þjóðhátiðartexti eftir Guðjón Weihe, sem hann gerði við lag Lýð Ægissonar, en Lýður er einnig skemmtilegur textahöfundur bæði á ljóð og ritað mál.

Í skjóli Fjalla Þjóðhátíðarlag 1985 

; Í Herjólfsdal vil ég vera

vaka þar kvöldin löng.

Ævintýrin bjarmarnir bera

brekkurnar óma af söng.;

 

Mig heilla hlýju ágústnætur

við húmsins skýru ævintýra rún.

Logar bálið lýsir klettarætur

leiðist æskan framhjá tjarnarbrún.

 

Hér vil ég lifa – leika í skjóli fjalla

og líta yfir ævi farinn veg.

Ó að ég mætti öll þau aftur kalla

árin sem að liðu á hulduveg.

 

Í Herjólfsdal vil ég vera o.s.f.v.

 

Hvað er fegra en dalsins frjálsu stundir

fannhvít tjöld og bál í klettasal.,

Fagra söngva fjöllin taka undir

friður ríkir inn í Herjólfsdal.

 

Hér vil ég lifa- leika í skjóli fjalla

Og líta yfir ævi farinn veg.

Ó að ég mætti öll þau aftur kalla

árin sem að liðu á hulduveg.

 

Í Herjólfsdal vil ég vera o.s.f.v.

 Texti Guðjón Weihe  við Lag eftir Lýð Ægisson