Þeir eru flottir vinir Sjonna

Vinir Sjonna tóku lagið í Kringlunni í dag og veittu áritanir en hópurinn heldur af stað á morgun til Þýskalands til þátttöku í Evróvision-keppninni sem fram fer í Berlín höfuðborg landsins.

Vinir Sjonna eiga örugglega eftir að standa sig vel Í Düsseldorf í Þyskalandi, þetta er gott lag og góðir og líflegir tónlistarmenn, sem kunna sitt fag.

'Eg óska þeim góðrar ferðar og góðs gengis í Berlín. 

Vinir Sjonna skemmtu og árituðu

Brotsjór við Grindavík

 

 Vörðufell GK 205, þetta er fræg mynd sem Snorri Snorrason tók og er á dagatali frá 66°N  sem gefið var út 1994.

Myndin er líklega tegin við innsiglinguna í Grindavík.

 

Surtseyjargosið 1963

 Tvær góðar myndir frá Tryggva af Surtsey sem gaus 1963 og stóðgosið yfir í 3 ár að mig minnir.

Þau voru dugleg að selja Sjómannadagsblöð Vestmannaeyja

Birgir Pálson var metsali Sjómannadagsblaðs 1951, myndin auðsjáanlega tekin á Friðarhafnarbryggju. Og á seinni myndinni er Ásta Kristinsdóttir metsölukona við sölu á Sjómannadagsblaði Vestmannaeyja 1954 og 1955.

Myndirnar eru úr gömlum Sjómannadagsblöðum.

Gömul mynd af bræðrum

 

Hér er ein eldgömul mynd  af okkur bræðrum, flottklæddir að vanda í okkar fínustu fötum, og þau  örugglega  saumuð af ömmu okkar Þórunni Sveinsdóttur frá Byggðarenda.

Tfv: Sigmar Þ. og Grétar Sveinbjörnsynir

 

 

Nausthamarsbryggja og Bæjarbryggja

 

Myndina sendi mér Tryggvi Sigurðsson í fyrra og er hún af Nausthamarsbryggju og Bæjarbryggju.

Ekki veit ég frá hvaða ári hún er, kannski frá 1970 eða fyr. 

Frábær vertið og kosningar 1970

 

Ein góð frá Sigmund, myndin er úr Sjómannadagsblaði Vestmannaeyja frá 1970.

Það var frábær vertíð og kosningar árið 1970, Magnús bæjarstjóri í fiskvinnu, ekki laust við að maður kannist við þennann sem er þarna við hurðina að fylgjast með vinnunni.

 

Fallegur vesturhiminn í Kópavogi

 

Þessa fallegu  mynd sendi mér vinur minn  Ómar Kristmannsson.

Myndina tók hann í Kópavogi  í gær þegar Sólin var að setjast í vestri.

 

 

 

 

 

  

Þetta stóð tæpt. Var akkeri ekki notað ?

Fréttablaðið, 21. apr. 2011 05:00

Þetta stóð tæpt

Dreginn að landi

Björgunarbátar Landsbjargar aðstoðuðu bátinn til hafnar.Fréttablaðið/anton Lítill grásleppubátur komst í hann krappann úti fyrir Gróttu á Seltjarnarnesi eftir hádegi í gær.
Báturinn fékk í skrúfuna og rak í kjölfarið stjórnlaust að landi.
Stjórnstöð Landhelgisgæslunnar kallaði á nærstaddan bát, sem brást snöggt við og tókst að draga grásleppubátinn frá landi á síðustu stundu. „Þetta stóð tæpt,“ segir Halldór B. Nellett, framkvæmdastjóri aðgerðasviðs hjá Landhelgisgæslunni.
Björgunarbátar Landsbjargar voru sendir á staðinn og tóku bátinn í tog eftir að honum hafði verið bjargað. Þyrla Landhelgisgæslunnar fór einnig á staðinn. Farið var með bátinn í Reykjavíkurhöfn.- sh

Nærstaddur bátur og björgunarbátur Landsbjargar kom til aðstöðar litlum grásleppubát og náði að draga bátinn frá landi á síðustu stundu. Það er orðið nokkuð algengt að bátar verði vélarvana stutt frá landi og hafa þá nærstaddir bátar eða björgunarbátar Landsbjargar komið til aðstoðar. Þarna var þyrla einnig kölluð út ásamt björgunarbátnum. Af myndum að dæma var veður ekki mjög slæmt á þessum slóðum, en álandsvindur þannig að bátinn rak hratt að landi, sem skapar alltaf mikla hættu.  

Allir smábátar eru búnir akkeri með keðju og akkerisfesti (legufæri) sem á að geta stoppað rek svona báta í neyð, það er spurnig hvort annkerið hefur verið notað í þessu tilfelli. Ekki man ég eftir að í fréttum um þessi óhöpp hafi nokkurntíman verið minnst á að akkerisbúnaður hafi verið notaður. 

Héru eru tvær gerðir af akkerum: Stokkakkeri og Patentakkeri ásamt dreka sem stundum er notaður sem akkeri á minnstu bátunum. Akkeri þarf að fylgja mismunandi sver og löng keðja til að akkerið liggi vel við botninn og virki eins og til er ætlast.

SÞS

Gleðilegt sumar og takk fyrir veturinn

 

Sendi öllum sem heimsótt hafa síðuna mína nafar.blogg.is óskir um  gleðilegt sumar og takk fyrir veturinn.

Einnig vil ég þakka þeim sem hafa sent mér myndir og hjálpað mér þannig að halda við síðunni minni.

Kær sumarkveðja