Sjóvarnargarður byggður við Stokkseyri

Mér er sagt að þessar myndir séu frá byggingu brimvarnargarðs við strandlengjuna sem liggur að Stokkseyri, ekki fylgir sögu hvaða ár þessi garður var gerður. En það er gaman að skoða þessar myndir sem eru frá bygginu hans og vetrarmyndin sýnir hann fullbúinn.

Myndirnar eru sagðar frá Eyrarbakka, en mér er sagt að þessi brimvarnargarður sé við ströndina að Stokkseyri, ef einhver veit betur væri gott á fá athugasemd.

 

Hér er brimvarnargarðurinn í Vetraebúningi.

1. Frá bloggvini mínum Sigurlaugi Þorsteinssyni

Sæll Sigmar.Ég er næstum því viss um að þetta er við Stokkseyri,alla vega er myndin af Graddanum tekin fyrir austan höfnina á Stokkseyri og alla jafna er garðurinn hærri við Eyrarbakka eða réttara landið að garðinum lægra,en þessi garður skemmdist mikið í flóði og var lagfærður frá höfninni á Eyrarbakka og austur fyrir Stokkseyri,þessa garðs er að ég held fyrst minnst eftir Básendaflóðin og samkv frásögn á sjórinn að hafa náð inn í Skerflóðið og skemmt bæði land og hús,,Jarðirnar Gamla-Hraun,Litla-Hraun og fl urðu illa fyrir barðinu á því flóði,en á Gamla-Hrauni bjó langafi minn,Jón Guðmundsson,síðan urðu flóð um 1980 eða eftir þann tíma og eftir þau var ráðist í viðgerðir á garðinum

Flóðin munu hafa verið 1977,og ollu miklu tjóni við Stokkseyri og var bærinn umflotin sjó,3 bátar bárust upp í fjöru,minna tjón var við Eyrarbakka,þó komst sjór í nokkur hús,,,Heimild,Brim.123.is,önnur flóð urðu um 1926 sem skemmdu bæði land og hús,kanske hafði þessi flóðasaga sín áhrif um að höfnin á Eyrarbakka fékk ekki viðurkenningu sem hafskipahöfn og tryggingarfélög neituðu að tryggja báta sem lágu þar,en það er önnur saga.

Kv Laugi

Falleg vísa til Guðmundar heitins Ingvarssonar

 

 

Guðmundur Ingvarsson ( f. 25. ágúst 1904 d. 10. mars 1986)  lengi starfsmaður Kaupfélags Vestmannaeyja og til margra ára í aukasttarfi  hjá Samkomuhúsi Vestmannaeyja.

Þegar Guðmundur var  sextíu ára sendi Guðni B. Guðnason , þá Kaupfélagsstjóri , samstarfsmanni sínum  þessa vísu:

 

Guð mun alltaf gæfu strá

á góðra manna vegi.

Óskir bestu okkur frá

áttu á þessum degi.

 

 

Á leið frá Noregi

 

Um borð í Ísleifi IV . á leið frá Noregi t.f.v: Leifur Ársælsson, Sævald Pálsson, Ársæll Sveinsson og Árni Guðmundsson oftast nefndur Árni frá Eiðum.

Myndin er tekin úr Sjómannadagsblaði Vestmannaeyja 1979

Ingvar og Aðalsteinn

Ingvar Engilbertson og Aðalsteinn Aðalsteinsson skipasmiður m.m. Jón Veturliðason. þeir unnu við hafnargerð á sínum tíma.

 

Grafa við hafnargerð.

 Myndin er líklega frá Húsavík

Störfuðu hjá Vita og hafnarmálastofnun

 

Þessir voru einu sinni starfsmenn Vita og Hafnarmálastofnunar.

T.f.V: Hörður, Þór, Vantar nöfn á næstu þremur og í kafarabúning er Haukur Guðmundsson kafari frá Flatey.

 

 

 

 

 

 

 

Á myndinni eru t.f.v: Guðmundur Ólafsson sem hefur tekið mikið af þeim myndum sem ég hef sett inn á bloggið mitt upp á síðkastið, þá er Ingvar Engilbertsson eyjapeyi   og Atli ?? ekki veit ég hvað hann heitir sem stendur fyrir aftan þá.

Grímur Kokkur frændi í Heimsókn

Grímur kokkur

Áhrifa mesta fyrirtæki á samskiptavefnum árið 2011 er  Grímur kokkur
Erum endalaust stoltir og takk fyrir að kjósa okkur segir Grímur.
Í tilefni þessara verðlauna ætlar hann að bjóða tveimur facebook vinum út að borða fyrir tvo hvorn, á Nítjándu kvöldverðastað, dregið út á þriðjudag.
TAKK TAKK TAKK kær kveðja Grímur kokkur

Grímur Kokkur og kona hans Ásta María voru hér á ferð um daginn og litu við eins og svo oft áður hjá okkur gömlu hjónunum.

Að sjálfsögðu létum við hann strax fá verkefni sem við vissum að hann kunni, enda fagmaður á ferð margverðlaunaður matarsnillingur.

Svó fékk ég smá kennslu í leiðinni þannig að ég er orðin sérfræðingur í að grilla nautasteik á útigrilli . Útskrifaður af Grími Kokk.

 

 Þarna er Ásta María að smakka sósuna hjá Kollu og hún gaf henni einkunina 10 það var ekkert minna.

Ársæll VE 8 á síldveiðum

 

Ársæll VE 8 á síldveiðum í Vopnafirði 1942 eða ' 43.

Ársæll  er þarna vel hlaðinn. Á þessum tíma voru þessir bátar ekki með gúmmíbjörgunarbáta en eins og sést á myndinni voru þeir búnir seglum, sem á þeim tíma var talin nauðsynlegur öryggisbúnaður, sem reyndar bjargaði mörgum bátnum sem varð fyrir vélarbilun.

Þarna er maður uppi á stýrishúsi í bassaskýlinu sem er óvenju stórt.

Það er merkilegt að það hafi ekki sokkið fleiri bátar á þessum tíma miðað við þá hleðslu sem þá tíðkaðist.

Algeng sjón á miðinum 1960

 

Gunnar Hámundarson GK 357 TFYE á siglingu. Algeng sjón á Íslandsmiðum á árunum kringum 1960.

Báturinn var smíðaður í Ytri Njarðik 1954

Vatnsdals Hilmir er og verður alltaf til

Fyrir nokkrum vikum fékk ég senda frá vini mínum  í Eyjum virkilega skemmtilega ljóðabók  er nefnist Vatnsdals Hilmir er og verður alltaf til. Ljóðin eru eftir Eyjamanninn Hilmir Högnason,  Það er gaman að lesa þessi ljóð og vísur, sérstaklega þar sem maður þekkir til staðhátta og kannast við mikið af því fólki sem vísur og kvæði fjalla um. Mörg af þessum ljóðum vekja upp hjá manni  skemmtilegar minningar frá barnæsku, þar sem leiksvæðið var hafnarsvæðið, klappirnar og Skansinn. Ekki er víst að allir skilji nema þeir sem reynt hafa, hvað Hilmir á við þegar hann segir í einu kvæðinu: " Fram á garð í einum sprett görpum fannst ei háski"  Ekki alltaf mikil skinsemi í því sem við peyjarnir vorum að bralla á ungdómsárunum.

Þetta er ein af fáum bókum sem ekki er með eftirfarandi texta:" Bók þessa má ekki afrita með neinum hæti o.sf.v." þannig að ég vona að ég meigi setja hér örlitið af efni úr bókinni.

Eilífðarvandamál kvenna-línurnar

( Á vorfagnaði Sjúkrahús Ve. 1985.)  

Heillaráð gegn holdafari hrjáðu

hamingjan er fólgin í því, sjáðu.

Að standa sig og vera sterk á svelli

spikið mun þá renna af í hvelli.

 

Mýgrút ráða er hér úr að moða

magnað er hvað upp á mann skal troða.

Í fjölmiðlunum fyrirheitin gyllast

fávís konan af því lætur tryllast.

 

Vandinn er að velja bestu leiðir

og varast þær sem heilsu okkar meiðir.

Aðeins nokkrar upp nú skal ég telja

er allar munu mergsjúga og kvelja.

 

Þið feitubollur aukið eigin þunga

étið gráðug svið og súra punga.

Svolgrið kaffi, mjólk og súkkulaði

og svælið síðan nikótín út taði.

 

Þá má finna ráð við þessum fjanda

sem feykir burtu áhyggjum og vanda.

Karamellur kraftaverkin gera

og konur láta garnir úr sér skera.

 

Te er komið langa leið frá kína

Lalli splæsti því á kellu sína.

Svo er sveltið varir vikum saman

sorglegt hvað það skemmir hjónagaman. 

 

Lásasmiðir fengu loksins vinnu

læst var hér á næstum hverri kvinnu.

Túlanum sem stoppa ei að tala

og tönnunum er kræsingarnar mala.

 

Þið allar ættuð þessi ráð að reyna

þau reynast vel, já því er ekki’ að leyna.

Ég segi satt en skrökva ekki neinu

og sjálfsagt best að nota öll í einu. 

Gull hjá Maju  og Svenna Matt    

  29. október 1993 

Ég þekki í bænum svo brosmild hjón

og bros þeirra geislar víða.

Að sjá er þau leiðast er fögur sjón

það skín af þeim ást og blíða.

Hún heitir Maja og hann Svenni Matt.

Heill ykkur báðum! Ég segi það satt.

 

 

Svenni og Maja með Matta Sveins í Vagni

 

 

  Hughreysting. 

Þegar sorgin sverfur að

og sólargeislar dvína

við Guð þinn eigðu orðastað

aftur mun þá skína.

 

Af ást hann talar til þín skýrt

trúum kærleiksorðum

þar til brosið bjart og hýrt

birtist eins og forðum.

 

 

 Æskuslóðir 

Oft er kátt hjá kökkunum

kunna’ að leika saman.

Austur á Urðarbökkunum

öllum þótti gaman.

Afapollur  þótti þá

þessi fína baðströnd.

Á ég kannski að minnast á

öll þau g´öðu leiklönd.?

 

Okkar urðu klappirnar

uppspretta til leika.

Úti voru allar klær,

eltst við krabba smeyka.

Marhnúta og murta fjöld

margan bitu’ á krókinn.

Fyrr en varði komið kvöld,

köld og blaut var brókin.

 

Lundarfarið oft var létt,

líf og fjör og gáski.

Fram á garð í góðum sprett

görpum fannst ei háski.

Pilkað fyrir kola kóð,

keilu, ufsa, trönu.

Einhver lagði sína lóð

líka fyrir Svönu.

 

Víða voru fiskimið.

Valdasker og Hellir.

Murtinn gekk við Marsskerið,

margur stærðar drellir.

Rekabás og Langalón

lokkuðu og seiddu.

Æskuvini okkar Jón

ævintýrin leiddu.

 

Og svo framv.

 

Bátar við Básaskersbryggju

 

Bátar liggja hér við austurkanntinn á Básaskersbryggju, þarna sjást gamall vörubíll og handvagn.

Stórt skip liggur við norðurkannt Básaskersbryggu,Ekki viss um nafn á því skipi.