Hilmir Högnason og Brynjólfur

 

Myndir: Hilmir Högnason, Brynjólfur Bátasmiður og Gísli Brynjólfsson

Hilmir Högnason orti um

Brynjólf bátasmið.

 

Hjá Binna má bæði finna

broslegt og hlægilegt.

Minna hann sýnist sinna,

því, sem er leiðinlegt.

 

Brynjólfur var í sjúkranuddi hjá Fanneyju nuddkonu og hittust þeir skáldabræður

Þar stundum, og gerði Hilmar eftirfarandi í orðastað Brynjólfs:

 

Sem barn ég velti vöngum

vita þurfti flest.

Hjá Fanney ligg ég löngum

og líður einna best.

 

Úr gömlu Sjómannadagsblaði

Gamlar myndir úr Sjómannadagsblaði VM 1987

Við Seljalandslaug.

Við bakkan eru þær Stefanía Marinósdóttir, Elsa Guðlaugs og Bubba Run. Á bakkanum má þekkja Lollu, Vosa með nikkuna, Siggu frá Laugardal ( móðir Eyva sem var á Vestmannaey), Árna Guðjónsson frá Breiðholti og Ástu á Bergi.

 

 

 

 

 

 

 

 

 

Svala Guðmundsdóttir systir Kalla á Hafliða þenur nikkuna

 

 

Eyjasjómenn kveðast á

Hafsteinn Stefánsson, Jón Stefánsson og Hilmar Rósmundsson

Eyjasjómenn kveðast á. 

Í önn hins vinnandi dags er oft margt sér til gamans gert, sem aldrei er á bækur skrifað né skráð í annála ritað. -  Meðal íslendinga hefur það löngum verið þjóðaríþrótt að kasta fram stöku. Þegar tilefni gefst til. Í Vestmannaeyjum eru þeir jón Stefánsson vaktmaður á Vestmannaeyjaradíói og Hafsteinn Stefánsson stýrimaður kunnir hagyrðingar og hafa iðulega skemmt með íþrótt sinni á þorrablótum víðfrægum, sem haldin eru ár hvert.

Um sumarmálin síðustu skiptust þessir góðkunningjar á stökum, og fleiri reyndu  sig í þeim leik, þar á meðal aflakóngurinn Hilmar Rósmundsson með góðum árangri.

Í hvert skipti sem skip lætur úr höfn, ber því skylda til að tilkynna brottför. Kallmerki íslenskra skipa fiskiskipa eru fjórir bókstafir. Byrja öll á TF, en síðari tveir bókstafirnir eru breytilegir , Er látið næja að nota þá í brottfarartilkynningu.

Hafsteinn var s.l. vetur stýrimaður á Andvara KE og er kallmerki Andvara TFMZ. Notar Andvari því Magnús Zeta (MZ) við tilkynningu staðar, brottfarir o.s. frv.

Eitt sinn á leið á miðin tilkynnti Andvari KE brottför sína þannig:

 

Allir leita á einhver mið

ef þeir bara geta.

Út á haf um hafnarhlið

heldur Magnús Zeta.

 

Sæbjörg VE 56 tilkynnti  næstur brottför úr höfn:

 

Bragasmíð að bögglast við

byrja fleiri en geta.

Ég held líka út á mið

eins og Magnús Zeta.

 

Jón Stefánsson mun hafa kunnað vel að meta þetta sjómannagaman. Á sumardaginn fyrsta sendi hann eftirfarandi kveðju frá Vestmannaeyjaradíó ti Eyjaflotans.

 

Hlýjar flytur hugur minn

heillakveðjur vítt um sjó,

vel svo þakkar veturinn

Vestmannaeyjaradíó.

 

Var þá Hafsteinn Stýrimaður á Andvara ( TFMZ ) ræstur út til að svara.

 

Kveðjur drengir hafa hér,

heyrt og kunna að meta,

innilega þakka þér

þetta Magnús Zeta.

 

Um aflaskipið sæbjörg ( TFZK ) kvað Hafsteinn:

 

Hrausta drengja létt er lund,

leið þó vindur gári,

út á breiða Ægisgrund

öslar Zebra Kári

 

Um Sigurð Gunnarsson skipstjóra á Sæunni kvað Hafsteinn.

 

Sigurð Gunnars sáuð þið

sigla hlunna dýri

fram á unnar ystu svið

allvel kunni á stýri.

 

Hafsteinn gekk eitt sinn á eftir öldruðum sjómanni, sem hafði stundað sjóinn um langan aldur, en var kominn í land:

 

Ég stóra hnúta stundum fékk,

þó stormar vildu bátnum granda.

Nú kemur ekki dropi á dekk

og dauður sjór til beggja handa.

 

Og að lokum ein bitavísa eftir Jón Stefánsson sem hann orti þegar Ísleifur VE 63 kom nýr til  Eyja frá Noregi þann 7. nóvember 1967.

 

Aflasæll við alla veiði,

áföll hjá þér jafnan sneiði,

eigðu um höfin óskaleiði,

Ísleifur.

Eyja syni, dáða drengi,

djarfa hrausta, hafðu lengi,

alvalds hönd þitt efli gengi,

Ísleifur.

 

Skrifað úr Sjómannadagsblaði Vestmannaeyja 1969 og bætt við myndum af viðkomandi mönnum.

 

Úr Hlymrek á sextugu ( Limrur)

Úr ljóðabókinni Hlymrek á sextugu

Eftir Jóhann s. Hannesson

 

Maður hlítur að telja á því tormerki

að tala á þorra um vormerki,

þó svolítið hlýni,

nema helst þá í gríni

og með hugsuðu öfugu formerki.

 

-----------

 

Það er mikið af marklausum yrðingum

hjá mönnum sem tala með virðingu um

þessa alþingisbola

sem ætti ekki að þola

nema í nautheldum girðingum.

 

-----------

 

Ef satt á að segja um okkur

er sekur hver einasti flokkur

um strákslega hrekki,

enda stjórnmálin ekki

okkar serkasta hlið, ef þá nokkur.

 

Gísli Sigmarsson 40 ára í dag 5. febrúar

 

Gísli að koma inn úr snjónum fyrir margt löngu, stundum snjóar mikið í Eyjum.  Upp með hendur, byssumenn vinirnir Halli og Gísli.

 3. mynd Gísli.  4. mynd afmæli t.f.v: Grétar Aðils Bjarkason, Haraldur Bergvinsson, Gísli Sigmarsson, Óskar Sigurðsson og Sigurður Óli Hauksson.

 

Afmæli hjá  Gísla TFV:Lilja Ólafsdóttir, Óskar Sigurðsson, Sólveig Sigurðardóttir, Gísli Sigmarsson, Guðjón Kristjánsson og Jóna Kristjánsdóttir. Siðan eru þarna vinirnir Halli og Gísli á tröppunum á Illugagötu 38.

Gísli í sumarfríi í Austurríki.

Feðgar Sigmar Þ og Gísli með afrekstur af veiðiferð. Matthías Gíslason, Hrefna Brynja Gísladóttir, Kolbrún Soffía í fanginu á henni, Bryndís Gísladóttir og Magnús Orri Óskarsson.

Gísli Sigmarsson og eiginkona hans Hrund Snorradóttir og hús fjölskyldunnar á Vopnafirði..

Til hamingju með afmælið Gísli minn með kærri kveðju frá gamla settinu í Kópavogi .

 

AHÖFN TF-SIF 1986

 

Myndin  tekinn á Básaskersbryggju í Vestmannaeyjum þann  26. júní 1986 af áhöfn Þyrlunar  TF-SIF Landhelgisgæslunar.

Tfv: Páll Halldórsson, Kristján Þ. Jónsson, Sigurður Steinar Ketilsson og Hermann Sigurðsson.

Þessir menn hafa staðið sig vel í sínu starfi. 

Sjómannabók eftir Pál Ægir Pétursson

 Ný Bók fyrir sjómenn. Sjómannabók eftir Pál Ægir Pétursson og myndefni Jóhann Jónsson

Nýja Sjómannabókin er einkum ætluð þeim sem eru að hefja sjómennsku en getur einnig nýst þeim sem þegar hafa aflað sér reynslu af starfsgreininni. Í bókinni er meðal annars fjallað um helstu veiðiaðferðir, veiðarfæri og vinnubrögð til sjós, björgunartæki og öryggismál auk þess sem leiðbeint er um notkun helstu siglingatæka.

Útgáfa og dreifing: Siglingastofnun Íslands Vesturvör 2. 200 Kópavogi.

Bókin er gefin út með atbeina Verkefnastjórnar áætlunar um öryggi sjófarenda. Sem hefur á undanförnum árum gefið út fjöldan allan af fræðsluefni bæði bækur og rit ásamt fræðslupésum og mynddiskum. Allt er þetta liður í að bæta öryggi og líðan sjómanna, farþega og skipa.

Höfundur texta: Páll Ægir Pétursson

Höfundur myndatexta: Jóhann Jónsson (Jói Listó) sem einnig gerði myndakápu.

Þetta er að mínu viti glæsileg og frábær bók fyrir alla sjómenn og á öruglega eftir að koma sjómönnum vel í framtíðinni. Hún er eins og kemur fram hér að ofan prýdd fjólda teiknaðra litmynda eftir Eyjamanninn Jóa Listó auk nokkra ljómynda, bókin er 235 blaðsíður.

 Ég mæli eindregið með að allir sjómenn eignist þessa bók.

 

Jón í Bólstaðarhlíð með nikku

 

Kátir félagar um bor í Kára VE 27.

Taliuð frá vinstri: Geiri háseti frá Raufarhöfn, Jón Björsson háseti frá Bólstaðarhlíð að spila af list á harmónikku, og Guðni Rósmundsson frá Hlaðbæ.

Myndin er tekinn sumarið 1944.

Skipstóri á Kára var Sigurður Bjarnason ( Siggi í Hlaðbæ)

Gamall vörubíll V-8 við Kirkjuveg

 

Skemmtileg gömul mynd af vörubíl í Vestmannaeyjum.

Hér er gamall vörubíll V-8 hann stendur við húsið Þinghól við Kirkuveg.

Á bílpallinum ert t.f.v: Margrét Andersdótter, Sigríður Jónsdóttir, Sæmundur Kjartansson og Birgit Andersdóttir. Þarna sést aðeins í Heymaklett.

Tvær gamlar frá Sigmund

Nú er komið að því að gera samninga við sjómenn, kannski fá þeir 10% hækkun

eins og þessi á mynd Sigmunds