Töfrar steinsins eftir Hafstein Stefánsson

Sumar bækur eru oftar og lengur á náttborðinu hjá manni, svo er með ljóðabækur Hafsteins Stefánssonar: Töfrar steinsins og Leyndarmál steinsins. Alltaf jafn gaman að grípa þær og lesa ljóðin hans Hafsteins. Eftirfarandi er úr Töfrar Steinsins.

Vinur í raun 

Þegar kólgu þokan grá

þekur hlíðar, vötn og rinda,

finnur maður stundum strá

sem stendur af sér alla vinda.

 

 

 Systurskip þjóðarskútunnar 

Það vænkaðist á Vestmannaeyjarútunni

og virðulegt er snið á nýju skutunni

sem byggð var eftir teygjanlegum teikningum

og talnasúpu úr himinháum reikningum.

 

Menn reyndu þarna glæsilegan bárublakk

með brú sem minnti á nýinnfluttann Kadilakk.

En fyrir því menn fá nú sjaldan tryggingu

að ferðast megi langt á yfirbyggingu.

 

Víst má telja að vonlaust sé að rugg’ onum

ef verkfræðingar koma út báðum uggunum.

Oft hann kemst í annarlegar stellingar

ef hann fleytir verulegar kellingar.

 

Virðast ekki fara vel með fleytuna

fimm vindstig, sem stundum ýfa bleytuna.

Sannalega sjá menn eftir efninu,

svo má ekki gleyma perustefninu.

 

Hafsteinn Stefánsson

 

 

Fánar sjómannafélaga í Vestmannaeyjum

1. Fáni: Sjómannadagsráð Vestmannaeyja, Karl Jónsson  á Hól ( Kalli fjalla) teiknaði fánann.

2. Fáni: Sjómannafélagið Jötunn. Guðjón Ólafsson frá Gíslholti teiknaði fánann. Sigrún Jónsdóttir, kirkjuleg saumakona frá Vík í Mírdal saumaði hann. Gefinn í minningu Sigurðar Stefánssonar af fjölskyldu hans. 

 3. Fáni: Vélstjórafélag Vestmannaeyja: Sigmund Jóhannsson teiknari og uppfinningamaður teiknaði fánann árið 1965. Sigrún Jónsdóttir, kirkjuleg saumakona frá Vík í Mírdal saumaði hann.

4. Fáni: Skipstjóra og stýrimannafélagið Verðandi. Gísli Eyjólfsson stýrimaður frá Bessastöðum teiknaði fánann. Fáninn var saumaður af Karmelsystrum í Hafnarfirði.

Þetta eru allt fallegir fánar sem Eyjasjómenn eru stoltir af.

Tvær gamlar, fyrsta blokk í Eyjum

 

 Á myndinni situr Matthías Óskarsson í kerru og Ingibergur Óskarsson sennilega að passa hann.

Í baksýn er fyrsta blokkin sem byggð var í Vestmannaeyjum, þarna er húsið líklega að verða tilbúið, og þarna er rafmagn leitt í loftlínum á Illugagötu sjá rafmagnstaur til hægri á myndinni.

 

 Billinn hér á neðri myndinni er V362 wv Bjalla sem Sigurjón og Matthías Óskarssynir áttu á sínum yngri árum. Framan á bílnum situr Ingibergur Óskarsson.

 

 

 

  

Fjagra mílna hámarkshraði innan hafnar

Eldingin á leið inn til löndunar, kannski á aðeins of mikilli ferð inn höfnina miðað við leyfilegan hámarkshraða.

Merki Knattspyrnufélagsins Týs

 

 

 Loks fann ég Þórsmerkið, þetta eru bæði falleg merki  En hver hannaði Þórsmerkið ?

 

  Þetta er fallegt merki sem var hannað fyrir Knattspyrnufélagið Týr í Vestmannaeyjum, það vekur upp góðar minningar um líðna tíð.

Það var Kalli fjalla heitin sem hannaði og teiknaði þetta fallega merki, áfram Týr.

Kær kveðja frá Eyjum. Helgi Þór

Nýjustu myndirnar á Ós ehf

 

Þetta eru nýjustu myndirnar á síðunni hjá ÓS ehf (http://os-ehf-illugagata44.blog.is ) Af Þórunni Sveinsdóttir

 Þetta er glæsilegt skip nýkomið út úr málningarhúsinu.  Það fer að styttast í að skipið verði klárað.

 

 

 

 

 

Vetrarvertíðin 1973

Úr dagbókinni minni

vetrarvertíðina 1973, ekki beint bjartsýni á framtíðina.

 

Mín fengsælu hagstæðu heimamið,

horfa til þurðar í ár

ofsóknin hefur ei gefið þeim grið

hver greinir um þeirra sár.

 

Því netin og trollið þau vinna sín verk,

og váleg er framtíðarsjón,

ef eyðingarvöldin svo voldug og sterk

vinna hér átthagatjón.

 

Hvert sjáum við ekki það örlagastríð

ef ördeyðan neitar um brauð,

já, verður ei féleysi og fátækt hjá lýð,

og framtíðin hamingjusnauð.

 

 

   Þessi mynd er tekin á vertíðinni 1973. Á myndinni er skipsfélafarnir Björn, Eiður og Sigmar Þór.

 

Gott veður í Reykjavík í dag

 Í dag fór ég minn vikulega bryggjurúnt um bryggjur í Hafarfirði og Reykjavik, það var frekar rólegt yfir öllu en fallegt veður. Á fyrstu myndunum er varðskipið Týr í slipp  og síðan má sjá tólistarhúsið Hörpu, farþegaskip, Hafrannsóknarskip, varðskipið Ægir og Sæbjörgu skip Slysavarnarskóla sjómanna.

Aðalbjargirnar RE  voru á sínum stað fyrir neðan Kaffivagnin, alltaf jafn flottar og vel við haldið, þá eru hér smábátabryggjurnar fullar af skemmtibátum og fiskibátum.

Ég enda oftast þessar bryggjuferðir á því að fara út á Seltjarnarnes og skoða Gróttuvita, en þar var í dag mikið af fólki að spóka sig í góða veðrinu.

 Að sjálfsögðu kíkir maður allaf eftir öryggisbúnaði við höfnina, verð ég að segja eins og er að Faxaflóahafnir eru alveg til fyrirmyndar hvað varðar öryggisbúnað hafna.

Hafnir eiga samkvæmt reglum að vera búnar vissum öryggisbúnaði, svo sem haka, bjarghring, Björgvinsbelti eða Markúsarneti, stigum með ljósi og fl.

Eitt þurfa hafnir ekki að vera með sem þó mætti kalla nauðsynlegan öryggisbúnað, en það er björgunarbelti. þrátt fyrir að þetta sé ekki í reglum hafa þónokkuð margar hafnir, komið fyrir kössum með björgunarbeltum af ýmsum stærðum sem börn og fullorðnir geta tekið og verið í meðan dvalið er við veiðar á bryggunni. Þetta er að mínum dómi til fyrirmyndar og þess vegna tók ég þessar myndir af þessu skilti sem er við hafnarvogina á Grandagarði rétt við Kaffivagninn.

Þórunn Sveinsdóttir búin að fá bláa litinn

 

Nýsmíði ÓS ehf.

Þórunn Sveinsdóttir hefur nú fengið bláa litinn. Búið er að sandblása skipið og það er hér verið að mála það.

Þetta er fallegt skip og vonandi kemur það til heimahafnar fyrir jólin.

Myndirnar Tók Sigurjón Óskarsson og fékk ég leyfi hans til að setja þær hér á síðuna mína.

 

 

 

Á bloggsíðu ÓS ehf skrifa þeir Sigurjón og Gýlfi:eftirfarandi:

"Fórum svo til Hirtshals að líta um borð, þar er allt á fullu,búið að sprauta

vélarúmið  eina yfirferð með grunn.  Verið að mála gólf á vélaverkstæði.

Báturinn á að fara út úr húsi seinni partinn á Sunnudag, hann verður í Hirtshals

fram á mánudagskvöld í smá handavinnu í málningu".

 

 

 

 

 

 

 

 

 

 

Hér er Gylfi Sigurjónsson kuldalegur kallinn, enda mjög kallt í Danmörku þessa dagana.

Eykur loðnan karlmensku/ Tækifæri á kvennaári

 

Tvær myndir eftir Sigmund skannaðar úr Sjómannadagsblöðum Vestmannaeyja. Önnur tengist loðnuveiðum en hin kvennaárinu.