Saga útgerðar Óskars Matt og Sigurjóns Óskarssonar í skipamyndum

 

 

 

 

 

 

 

 

 

 

Nanna VE 300 fyrsti bátur sem Óskar Mtthíasson eignaðist.

 

 

 

 

 

 

 

 

 

Leó Ve 294 annar báturinn sem Óskar keypti.

 

 

 

 

 

 

 

 

 

 

 

 

Léó VE 400 byggður í Þýskalandi 1959

 

 

 

 

 

 

 

 

 

 

 

Þórunn Sveinsdóttir VE 401 bygð í Stálvík í Garðabæ 1971

 

 

 

 

 

 

 

 

 

Þórunn Sveinsdóttir VE 401 byggð á Akureyri 1991

 

 

 

 

 

 

 

 

 

 

Þórunn Sveinsdóttir VE 401 byggð í Póllandi og innréttuð í Skagen í Danmörku 2010.

Þórunn Sveinsdóttir VE 401

Þórunn Sveinsdóttir VE 401 er lögð af stað frá Skagen í Danmörku til Vestmannaeyja, skipið lagði af stað kl. 17 í gær og er væntanlet til Eyja á aðfángadag eftir því sem ég best veit

Vonandi gengur siglingin heim vel og áætlanir um heimkomu standist.

Uppáhalds Jólasagan mín

 

Lítil hjartnæm saga       Þessi saga gerðist fyrir mörgum árum. Maður nokkur refsaði lítilli dóttur sinni fyrir að eyða heilli rúllu af gylltum pappír.  Ekki var mikið til af peningum á heimilinu og því reiddist hann þegar barnið reyndi að skreyta lítið box til að setja undir jólatréð.  Engu að síður færði litla stúlkan föður sínum boxið á aðfangadagskvöld og sagði:  ,,Þetta er handa þér pabbi minn‘‘.  Við þetta skammaðist faðir stúlkunnar sín fyrir viðbrögð sín daginn áður.  En reiði hans gaus upp aftur þegar hann áttaði sig að boxið var tómt.  Hann kallaði til dóttur sinnar og sagði:  veistu ekki að þegar þú gefur einhverjum gjöf, þá á eitthvað að vera í henni?‘‘  Litla stúlkan leit til pabba síns með tárin í augunum og sagði: ,, Ó pabbi boxið er ekki tómt.  Ég blés fullt af kossum í það. Bara fyrir þig pabbi.‘‘

Faðirinn varð miður sín.  Hann tók utan um litlu stúlkuna sína og bað hana að fyrir gefa sér. Það er sagt að mörgum árum seinna, þegar faðir stúlkunnar lést, og hún fór í gegnum eigur hans, þá hafi hún fundið gyllta boxið frá  því á jólunum forðum við rúmstokkinn hans, þar hafði hann haft það alla tíð; þegar honum leið ekki vel gat hann tekið upp  ímyndaðan koss og minnst allrar ástarinnar sem barnið hans hafði gefið honum og sett í boxið.Í vissum skilningi höfum við allar lifandi mannverur tekið á móti gylltum boxum frá börnunum okkar, fjölskyldum og vinum, fullum af skilyrðislausri ást og kossum.Það getur enginn gefið dýrmætari gjöf.

Í dag skaltu gefa þér augnablik og njóta stórrar handfylli af minningum.  Og mundu að þær verma hjarta þitt og bráðna þar, en ekki í höndum þínum.

Kæru vinir, bloggarar og þeir sem lesa bloggið mitt, látið þessa fallegu  sögu fara sem víðast, hún er gullmoli sem allir hafa gott af því að lesa.

Myndin er af bræðrunum Gísla og Óskar Friðrik

SÞS

Jólaskapið að taka völdin

Sigurður Óskarsson trésmiður kafari báta og gluggasmiður með meiru gerði þennan texsta ásamt gullfallegu lagi sem hann kallar Jólastjarnan, lagið kom út á diski fyrir Jólin 2007 diskurinn heitir   Jól með Óskari og Laugu. Þessi texti á að mínu viti vel við þessa dagana.

 

Á myndinni er Sigurður Óskarsson kannski nokkrum árum yngri en hann er í dag, en hann hefur lítið breyst kannski komin nokkur grá hár ef ég man rétt.

 

 

 

 

 

 

 

 

 

 

 

 Jólastjarnan 

 

Nú jólaljósin ljóma í kvöld,

svo lítil björt og tær.

Þau minna á jólastjörnuna,

sem sífelt ljómar skær.

 

Húnboðaði komu frelsarans,

Sem lýsir skært vorn heim.

Við hlíta eigum orðum hans

Og helga oss megum þeim.

 

Því undirstaða hamingju

Er sífelda kenning hans.

Við skulum gleðjast saman í kvöld,

Yfir komu frelsarans.

 

Um trúna sem er oss æðsta hnoss

við skulum standa vörð.

Og efla frið og hamingju

á meðal manna á jörð.

 

 Eftir Sigurð Óskarsson  

 

Þórunn Sveinsdóttir

Hver var sú Þórunn Sveinsdóttir sem skipið er skírt eftir og er í dag orðið landsfrægt skipsnafn? Skyggnumst aðeins aftur í tímann.  Hún hét fullu nafni Þórunn Júlía Sveinsdóttir, kölluð Þórunn eða Tóta á Byggðarenda. Hún var fædd á Eyrarbakka 8. júlí árið 1894 og ólst upp hjá foreldrum sínum. Faðir hennar var Sveinn Sveinsson, fæddur í Simbakoti 9. okt. 1863. Hann var sjómaður, lést 1941. Kona hans og móðir Þórunnar var Ingunn Sigurðardóttir frá Rauðafelli í A-Eyjafjöllum, f. 26. jan. 1858, d. 1941. Þau hjón bjuggu að Ósi á Eyrarbakka með fimm börnum sínum, fjórum stúlkum og einum dreng. Húsið Ós hafði tvær burstir og það var aðeins eitt herbergi í austurburstinni. Í því svaf öll fjölskyldan þannig að þröngt hefur verið í herberginu. Sváfu systurnar tvær og tvær saman í rúmi en bróðir þeirra einn. Húsið Ós stendur enn á Eyrarbakka.    Börn Sveins og Ingunnar voru: Sigurður Ari, Þórunn Júlía, sem hér skipið er skírt eftir, Anna, Sveinbjörg, og Jónína síðar kennd við Sjónarhól.                Systurnar Þórunn, Sveinbjörg og Jónína fluttust allar til Vestmannaeyja og bjuggu þar mestan hluta ævi sinnar enda var mikill uppgangur í Vestmannaeyjum á þessum tíma, bátar voru vélvæddir, afli jókst og mikið að gera fyrir vinnufúsar hendur.  

Þórunn var 22 ára gömul þegar hún fluttist til Vestmannaeyja árið 1916 ásamt tilvonandi eiginmanni sínum, Matthíasi Gíslasyni sjómanni frá Eyrarbakka. Foreldrar Matthíasar voru Gísli Karelsson, f. 25. nóv. 1868, frá Sjávargötu á Eyrarbakka. Hann drukknaði í sjóslysi á Stokkseyrarsundi ásamt sjö öðrum sjómönnum 2. apríl 1908. Kona hans, Jónína Margrét Þórðardóttir, f. 25. maí 1870, d. 1951, var frá Vatnsholti í Villingaholtshreppi í Árnessýslu.            

        Þau Þórunn og Matthías byrjuðu strax að búa eftir að þau komu til Eyja, og þann 10. maí 1917 giftu þau sig. Þau fengu inni á Vestri-Gjábakka sem var frekar lítið hús allt á einni hæð. Það var austarlega á Heimaey og stóð við Bakkastíg. Fyrsta barn þeirra Þórunnar og Matthíasar fæddist  þar 17. des. 1916 og fékk nafnið Ingólfur Símon ( Stundum kenndur við HaförnVE ). Frá Gjábakka fluttust þau Þórunn og Matthías að Vestmannabraut 27, í hús sem hét Garðsauki, Það hús átti Árni Jónsson útgerðarmaður. Þar fæddist Sveinn 14. ágúst 1918 (Einnig hendur við Haförn VE) og Óskar 22. mars 1921 ( Óskar á Leó VE. stofnaði útgerðina Ós ehf  sem á Þórunni Sveinsdóttir VE ) . Frá Garðsauka flytjast þau hjón að Vallarnesi og síðan á Hof við Urðaveg. Á þessum árum eignuðust þau Gísla, fæddur 17. apríl 1925, en hann lést í bílslysi í Reykjavík aðeins 8 ára gamall. Matthildur Þórunn fæddist 13. júní 1926. Árið1928 kaupa þau Byggðarenda minnsta húsið við Brekastíg 15a. Þröngt var um þau í því húsi. Það var gengið inn í það að norðan, inn í litla forstofu eða gang og beint inn af útidyrunum var herbergi þar sem öll fimm börnin sváfu og lítið herbergi inn af því þar sem þau hjón sváfu. Einnig var eldhús, meira var plássið ekki. Vaskahús var í skúr bak við húsið. Eins og sést á þessum búferlaflutningum hefur verið erfitt með húsnæði í Eyjum á þessum árum. 

Byggðarendi við Brekastíg 15 a     

 Eins og áður hefur komið fram var Matthías alltaf sjómaður. Fyrst á skútum frá Reykjavík en síðan stundaði hann sjó frá Vestmannaeyjum og var þá skipstjóri eða formaður eins og það var kallað á þessum árum.       Vélbáturinn Ari ferst.               Þau Þórunn, Matthías og fjölskylda fengu ekki að vera lengi saman í þessu litla húsi, aðeins tvö ár. Þann 24. janúar 1930 drukknaði Matthías þegar vélbáturinn Ari fórst með allri áhöfn.

Myndir eru af nýju Þórunni Sveinsdóttir VE 401 og Óskari Matthíassyni með móður sinni Þórunni Sveinsdóttir.

Lengri grein er hér á blogginu mínu um lífshlaup Þórunnar Sveinsdóttir, hún birtist í Sjómannadagsblaði Vestmannaeyja 2006

Húsavíkurlögreglan, tvær frá Sigmund

 

Vestmannaeyingarnir stóðu sig vel í Útsvari

´

Vestmannaeyingarnir stóðu sig vel í sjónvarpinu þegar þeir kepptu við Akranes í þættinum Útsvar í kvöld, ég held að þetta sé besta liðið sem Eyjamenn hafa sent í þessa keppni.

Það var virkilega gaman að fylgjast með þessum þætti í kvöld.

Bergmálar í hamrahöllum háum

  

Edda Sigurðardóttir

 Gerði texta og lag.

Tekið úr Þjóðhátíðarblaði Þórs frá 1984

 Ágústnótt í fjallasal. 

 Þegar sunna signir sker og sund

og eyland okkar grænum möttli skartar.

Við okkar eigum saman endurfund

í dal sem geymir minningarnar bjartar.

 

Ó ágústnótt nú skarlatfeldi skartar

ágústnótt í fögrum fjallasal.

Roða slær á hamraborgir svartar

ævintýranótt í Herjólfsdal.

 

Bergmálar í hamrahöllum háum

hátt við kveðum þjóðhátíðarbrag.

Bergþursans í sínu veldi sáum

sprota sínum sveifla um sólarlag.

 

Sumargolan leikur létt við vanga

vitjar þín og græðir hjartasár.

Á meðan aldan kyssir kletta og dranga

lofa ég að koma næsta ár.

 

Þegar sunna signir sker og sund

og eyland okkar grænum möttli skartar.

Við okkar eigum saman endurfund

í dal sem geymir minningarnar bjartar.

 

 

   Hlustaðu. 

Hlustaðu vinur er húmar að nótt

og hulinn er dalur í töfranna móðu.

Að aldan við klappirnar kvíslar svo hljótt

hugljúfum orðum um eyjuna góðu.

 

Er sólin sest þá roðnar allt í kring

og kristallar á eyjasundi titra.

Særinn lokar smaragðsgrænum hring

og demanturinn aftur nær að glitra.

 

Sterkur stendur vörð um sker og sund

Heimaklettur grænum feldi skartar.

Golan leikur létt um ljúfa lund

og leikur létt á streng í mínu hjarta.

 

Hlustaðu á það vinur er húmtjald fellur á

Og heimabyggð föstum svefni sefur.

Þá berst til okkar söngur hamraklettum frá

og sungið er um allt, sem eyjan gefur.

 

Er sólin sest þá roðnar allt í kring

og kristallar á eyjasundi titra.

Særinn lokar smaragðsgrænum hring

og demanturinn aftur nær að glitra.

 Texti Edda SigurðardóttirLag Edda Sigurðardóttir. 

 

Þórunni Sveinsdóttir VE 401 gefið nafn

 

 Þóra Sigurjónsdóttir gaf þessu glæsilega skipi nafnið Þórunn Sveinsdóttir VE 401. Þóra er hér fyrir miðju á þessari mynd.

 Það var vel til fundið að fá Þóru til að gefa skipinu nafn.

 

 

 

 

 

 

 

2.mynd: Sveinn, Harpa, Bylgja Dögg og Kristjana.       Mynd 2. Sveinn og Matthías Sveinsson

 

 'A þessari hópmynd eru t.f.v: Daði Pálsson, Þóra Hrönn Sigurjónsdóttir, Sigurjón Óskarsson, Sigurlaug Alfreðsdóttir, Knud ??, Marin, Gylfi Sigurjónsson, Erna Sævaldsdóttir, Viðar Sigurjónsson, Eygló Elíasdóttir.

 

 

 

 

 

 

 

Og þá er bara að biða eftir að skipið komi til Vestmannaeyja.

 

Mynd eftir Sigmund

 

Árið 1982 var með nýjum reglum fjarlæt úr lyfjapakka gúmmíbjörgunarbáta allt morfín sem þar hafði verið. Þetta var gert vegna þess að ítrekað höfðu eiturlyfjasjúklingar farið í þessi björgunartæki til að ná í þessi efni.

Þessa mynd teiknaði Sigmund af þessu tilefni og er þetta Hjálmar Bárðarson heitinn þáverandi siglingamálastjór á tali við einn þjófinn. Myndina setti Hjálmar í rit Siglingamálastofnunar ríkisins sem heitir Siglingamál.